Feykir - 06.09.2012, Blaðsíða 7

33/2012 Feykir 7
skiptist þannig að íbúarnir fá
50% og veitan 50%. Það hækkar
styrkinn um 300 þúsund fyrir
meðalnotanda. Eftir að menn
hafa greitt tengigjald til RARIK
sem er samkvæmt gjaldskrá í
dag 250 þúsund þá hafa menn
300 þús. upp í það að breyta í
húsunum hjá sér.
Aðspurður um væntingar
vegna fjölda tenginga segir
Tryggvi að íbúar séu hvattir
til að taka þátt í verkefninu
enda hafi það mikil áhrif upp á
hagkvæmni. -Við gerum okkur
þó fulla grein fyrir því að það
koma ekki allir sama dag inn á
veituna og munum við þurfa að
blæða eitthvað til að halda hita.
Það er mjög mikilvægt bæði
hér og annarsstaðar þar sem
nýjar hitaveitur hafa komið, að
sem flestir, helst heilu göturnar
tengist svo koma megi í veg
fyrir að fólk lendi í vandræðum
með of kalt vatn. Kerfið er
hannað til þess að anna bænum
öllum en ekki bara litlum
hluta. Ef að notkunin verður
mun minni heldur en gert er
ráð fyrir þá verður kaldara en
áætlanir gerðu ráð fyrir.
Verða sveitabæir milli
Blönduóss og Skagastrandar
tengdir við veituna?
-Þeir bæir verða tengdir sem
liggja við pípuna eða nálægt
henni en það eru því miður
bæir sem er útilokað að tengja
vegna þess að til þess að halda
þar upp hita þyrfti að láta renna
verulega mikið framhjá og
við höfum ekki efni á því að
láta blæða svo miklu. En við
bjóðum öllum þeim sem eru
innan ásættanlegra marka að
tengjast, segir Tryggvi.
Með betri fréttum
sem Skagaströnd
hefur staðið frammi
fyrir lengi
Adolf H. Berndsen oddviti
sveitarstjórnar á Skagaströnd
var að sjálfsögðu á kynning-
unni sem haldin var í íþrótta-
húsi bæjarins og var hann
spenntur fyrir verkefninu.
-Ég held að þetta eigi
eftir að hafa gríðarlega
jákvæð áhrif bæði fyrir
búsetu og framtíðarhorfur
Skagastrandar. Dæmin hafa
sýnt það að alls staðar þar
sem hitaveitur hafa komið,
breytir það búsetuskilyrðum
og möguleikum atvinnulífs.
Þetta eru með betri fréttum
sem Skagaströnd hefur staðið
frammi fyrir lengi, segir Adolf
sem lengi hefur haft puttann
á púlsinum í samfélaginu á
Skagaströnd. Hvað aðdraganda
að hitaveituvæðingu Skaga-
strandar segir Adolf að sagan sé
ekki ný.
-Þetta er mjög löng saga
sem spannar 15-20 ár aftur í
tímann. Margar tilraunaholur
voru boraðar í nágrenni
Skagastrandar á sínum tíma.
Árangurinn var með þeim
hætti að sérfræðingar treystu
sér ekki til að mæla með frek-
ari borunum. Viðræður við
RARIK hafa staðið yfir með
hléum í 6-7 ár, hrunið komið
inní ferlið en aðdragandinn er
langur og fyrir vikið er verkið að
okkar mati mjög vel undirbúið,
segir Adolf sem trúir því að
bæjabúar verði jákvæðir fyrir
því að tengjast veitunni enda
muni lífsgæðin aukast að hans
mati.
-Reynsla annarra segir
okkur að menn hafi eðlilega
skiptar skoðanir til að byrja
með. Mönnum vex í augum
kostnaðurinn en flestir munu
sjá að þetta muni borga sig
innan ákveðins tíma. En svo
hefur reynslan verið sú að
fljótlega eftir að veitan hefur
hafið starfsemi verða allir mjög
ánægðir enda aukast lífsgæðin
og engin vafi er á að íbúar eru
komnir með verðmætari og
betri eignir. Menn fara oft í
aðrar framkvæmdir í leiðinni,
gera húsin enn betri. Adolf segir
að sveitarfélagið hafi komið
myndarlega að verkinu með því
að leggja til verksins fjármuni til
að tryggja arðsemiskröfu Rarik,
sem er ekki há að hans mati og í
öðru lagi að tryggja sama verð á
orkunni og á Blönduósi sem er
með 35 ára gamla veitu.
-Eins og við þekkjum
þar sem nýjar veitur hafa
komið eru þær oft á tíðum
til langs tíma jafnvel dýrari
en rafmagnskynding. Við
erum spennt og það er algjör
einhugur um verkefnið innan
sveitarstjórnar.
Þess má geta í lok þessara
skrifa að Sveitarfélagið Skaga-
strönd hefur gert samning við
söluaðila um kaup á ofnum
og býðst húseigendum á
Skagaströnd að ganga inn í
þau afsláttarkjör sem eru þar í
boði. Vonir standa til að fleiri
slíkir samningar verði gerðir á
næstunni þar sem húseigendur
muni eiga sömu möguleika
á afsláttum og sveitarfélagið
þegar kemur að þjónustu og
efniskaupum.
Adolf H. Berndsen (fyrir miðju) ræðir málin við einn söluaðilann.
Myndin sýnir hvernig lagnakerfið mun líta út. Mynd: Skagaströnd.is
Hiti skiptir máli fyrir alla, bæði konur og kalla.
Íbúar nýttu sér daginn til að forvitnast um kostnað og framkvæmdir.
Tryggvi Þór reiknar fyrir áhugasama gesti.