Feykir - 13.09.2012, Blaðsíða 3

34/2012 Feykir 3
Bjórhátíðin á Hólum var
haldin í annað sinn
laugardaginn 8. september
að Hólum í Hjaltadal. Þótti
hátíðin takast frábærlega en
samkvæmt fréttatilkynningu
frá skipuleggjendum sóttu um
80 manns hátíðina að þessu
sinni, auk á annan tug
sjálfboðaliða sem sáu um að
hátíðin gengi smurt fyrir sig.
Helstu bjórframleiðendur
landsins mættu til leiks og að
þessu sinni voru heimamenn
hjá Bjórsetri Íslands – Brugghús
líka þátttakendur og buðu upp
á Vesturfara – Gangnamannaöl
og Litla ljót sem varð að Litlu
Gulu hænunni á sínum bás.
Alls gátu gestir hátíðarinnar
fengið að smakka rúmlega 20
tegundir af ólíkum lagerbjór-
um eða öli. Kosið var um besta
bjórinn og fóru leikar þannig
að Bruggsmiðjan Kaldi varði
titil sinn frá því í fyrra með
árstíðarbjórnum Októberkalda.
Í öðru sæti var Borg Brugg-
Bjórhátíðin á Hólum haldin í annað sinn
Októberkaldi þótti bestur
hús með Snorra nr. 10 sem er öl
úr innlendu byggi kryddað
með íslensku blóðbergi úr
Aðaldal. Borg Brugghús átti
líka bjórinn sem lenti í þriðja
sæti en það er bjór í Barley
Wine stíl og er glænýr bjór úr
smiðju þeirra Borgar Brugghús
manna.
„Sem fyrr var keppt í
kútaralli og sýndu margir góð
tilþrif í brautinni. Á milli þess
sem smakkað var á bjór gátu
menn gætt sér á ekta Bratwurst
pylsum eða kíkt á nytjamarkað
Kvenfélags Hólahrepps. Bjór-
setur Íslands var að sjálfsögðu
opið en um 84 tegundir af bjór
fylltu skápa setursins um helg-
ina,“ segir í fréttatilkynningu.
Bjórhátíðin er haldin að
undirlagi Bjórseturs Íslands
sem staðsett er á Hólum og er
rekið af hópi áhugamanna um
bætta bjórmenningu lands-
manna. /BÞ
Fjölmenni var á Bjórhátíð á Hólum sem þótti takast með afbrigðum vel
Stofn- og rekstrarstyrkir
til menningarstarfs
Menningarráð Norðurlands vestra auglýsir eftir umsóknum um
stofn- og rekstrarstyrki á grundvelli menningarsamnings mennta- og
menningarmálaráðuneytis við SSNV.
Tilgangur styrkjanna er að efla starfsemi á sviði lista, safna og menningararfs.
Styrkirnir miðast við starfsemi árið 2012. Til ráðstöfunar eru 10,3 millj. kr.
Menningarráð hefur ákveðið að þeir umsækjendur hafi forgang sem uppfylla eitt eða fleiri eftirtalinna
atriða við úthlutun ársins 2012:
• Stuðla að því að efla menningarstarfsemi á sviði lista, safna- og menningararfs.
• Stuðla að nýsköpun í menningarstarfsemi.
• Styðja við menningarstarfsemi sem fjölgar atvinnutækifærum á svæðinu.
• Verkefni sem flutt voru af safnliðum fjárlaga til Menningarráðs Norðurlands vestra árið 2012.
Úthlutunarreglur og umsóknareyðublað er að finna á heimasíðu
Menningarráðs Norðurlands vestra, www.ssnv.is, undir liðnum Menningarráð.
Umsóknir skulu sendar Menningarfulltrúa Norðurlands vestra, Einbúastíg 2, 545 Skagaströnd,
eigi síðar en 24. september 2012.
Þær má senda rafrænt á netfangið: menning@ssnv.is.
Séu þær sendar í pósti skulu þær póststimplaðar eigi síðar en síðasta umsóknardag.
Nánari upplýsingar veitir Ingibergur Guðmundsson,
menningarfulltrúi Norðurlands vestra,
símar 452 2901 / 892 3080,
netfang: menning@ssnv.is.
Föst í Kólumbíu
Ríkistjórnin styrkir
fjölskylduna
Ríkisstjórn Íslands hefur
ákveðið að verja þremur
milljónum af ráðstöfunarfé
sínu til að styrkja
fjölskylduna sem dvalið
hefur í Kólumbíu í níu
mánuði í þeim tilgangi að
ættleiða þaðan tvær
stúlkur.
Fjölmiðlar á Íslandi hafa
fjallað töluvert um aðstæður
íslenskrar fjölskyldu, sem er
fyrir milligöngu Íslenskrar
ættleiðingar í Kólumbíu til
að ættleiða tvær ungar
stúlkur. Hjónin Bjarnhildur
og Friðrik fóru í desember
síðastliðnum til Kólumbíu
en hafa ekki ennþá komist
heim með börnin vegna þess
að mál þeirra hefur þæfst hjá
þarlendum dómstól.
Samkvæmt fréttatilkynn-
ingu frá Íslenskri ættleiðingu
er mál þessarar fjölskyldu
einstakt og á sér ekki hlið-
stæðu í Kólumbíu eða í
reynslubanka Íslenskrar
ættleiðingar.
„Augljóst er að óvænt níu
mánaða dvöl í öðru landi
hefur haft ófyrirsjáanlegar
afleiðingar fyrir fjölskylduna
og þá ekki síst á fjárhag
hennar. En samkvæmt frétt-
um stendur kostnaður þeirra
nú í um 12 milljónum króna
vegna þessarar útiveru,“
segir í fréttatilkynningunni.
Á föstudagskvöld bárust
Íslenskri ættleiðingu þær
gleðilegu fréttir að ríkisstjórn
Íslands hafi tekið þá
ákvörðun að verja af ráð-
stöfunarfé sínu þremur
milljónum til að styrkja
fjölskylduna í sínum þröngu
aðstæðum.
Það mun hafa verið Össur
Skarphéðinsson utanríkis-
ráðherra sem, eftir ábend-
ingu frá skrifstofustjóra í
Innanríkisráðuneytinu,
beitti sér fyrir því utan og
innan ríkisstjórnar að fjöl-
skyldunni yrði lagt lið með
þessum hætti. /BÞ
Birna Salóme og Helga Karólína bregða á leik í Kólumbíu.
Veiðimaður sem staddur var í
Hallá við Skagaströnd í lok
ágúst sá nokkra laxa en náði
ekki að setja í þá. Einn laxinn
sá þó aumur á honum og
gekk sjálfur á land. Um þetta
má lesa á Agn.is.
„Við heyrðum í veiðimanni
sem skaust í Hallá og veiddi
eina kvöldvakt þegar farið var
að líða á síðari hluta ágúst
mánaðar. Kvaðst hann hafa
mætt hóflega bjartsýnn að
veiðihúsinu eftir allar þær
hamfarafréttir sem hafa dunið
á okkur þetta árið,“ segir á
Agn.is
Á heimasíðunni segir að
það hafi komið veiðimannin-
um nokkuð á óvart að sjá að
búið væri að skrá töluvert
marga laxa í veiðibókina. Þeir
sem höfðu veitt daginn áður en
hann var á ferðinni höfðu
landað tveimur 14 punda
löxum, báðum nýgengnum og
lúsugum. Það var því einhver
von til staðar.
Þegar veiðimaðurinn var
kominn að ánni sáust fljótlega
Landgöngulax í Hallá
Stökk sjálfur í land
nokkrir laxar neðarlega í ánni.
Eftir að 2-3 flugum hafði verið
kastað á þá komst styggð að
löxunum, fóru þeir að
hringsóla um hylinn og tóku
loks strikið niður ánna og
hurfu sjónum. Þá segir að
heldur betur hafi borið til
tíðinda.
„Um það bil 50 metrum
neðar lenti einn laxinn á mjög
grunnu vatni og spriklaði
sjálfur á land. Þetta var eini
laxinn sem kom á land þann
daginn en okkur heyrðist á
veiðimanninum að hann hefði
svo sannarlega verið betri en
enginn,“ segir á Agn.is.
Að öðru leiti var Hallá ágæt
í ágúst og nokkuð til af lausum
haustdögum, samkvæmt
heimasíðunni, en þar eru
komnir um 60 laxar á land
þrátt fyrir að áin hafi fundið vel
fyrir þessu mikla þurrka sumri
og hafi verið hóflega ástunduð
þetta sumarið. /BÞ