Feykir - 13.09.2012, Blaðsíða 5

34/2012 Feykir 5
ÍÞRÓTTAFRÉTTIR FEYKIS > www.feykir.is/ithrottir
mt ...
Þann 25. ágúst sl. var þess
minnst á Borðeyri, að 75 ár
voru liðin frá því að þrjú
ungmenni syntu yfir Hrúta-
fjörð til Borðeyrar, fyrsta
sinni. Ekki er vitað til, að það
hafi verið gert, fyrr en Ásta
Jónsdóttir, Baldur Pálsson og
Hulda Pétursdóttir syntu 24.
ágúst 1937.
Fjölskyldur þremenning-
anna hittust í fjörunni og festu
þar lítinn skjöld á siglingamerki
til minningar um afrekið. Alls
voru samankomnir nálægt
þrjátíu manns, allt frá bræðrum
annarrar sundkonunnar til
smábarna. Það sköpuðust því
á ný góð kynni milli afkomenda
vinanna þriggja. Í hópnum
voru tveir, sem bjuggu á
Borðeyri á tíma sundsins, og
gátu þeir frætt þá yngri um
lífið á árunum fyrir stríð, og í
stríðinu, þegar á Borðeyri var
herstöð.
Snætt var í Tangahúsinu og
þar afhentu fulltrúar fjöl-
skyldnanna Minjasafni Hún-
vetninga og Strandamanna
veggspjald til minningar um
sundafrekið. Formaður safn-
stjórnar, Sigríður Hjaltadóttir,
tók við gjöfinni og flutti mjög
fróðlega tölu um Borðeyri.
Enginn afkomendanna tók
áskoruninni um að endurtaka
afrekið að þessu sinni, en á
staðnum kom upp hugmyndin
um að hittast að ári og synda
þá, enda í fjölskyldunum margt
góðra íþróttamanna. Hver
veit?
Hópurinn yfirgaf Borðeyri
mun fróðari um staðinn og
lífið þar fyrr á tíð, og þakkar
heimamönnum frábærar mót-
tökur. /ÁK
75 ár frá fyrsta Hrútafjarðarsundinu
Kannski verður
synt að ári
Knattspyrna 1. deild : Höttur - Tindastóll 2-3
Frábær sigur á Egilsstöðum
og Stólarnir áfram í 1. deild
Fótboltamolar
Beattie í írsku
liði vikunnar
Fótboltasíðan Goal.com velur ávallt lið
vikunnar í boltanum og fyrir skömmu var
Tindastólsmaðurinn Steven Beattie valinn í lið
vikunnar þar sem Goal.com valdi írska
leikmenn sem spila utan Írlands.
Meðal leikmanna í liðinu eru Ciaran Clark
hjá Aston Villa og Shane Long hjá WBA.
Beattie hlaut þessa viðurkenningu eftir leik
sinn gegn Leikni þegar hann skoraði tvö mörk.
Tindastóll fær Þór í heimsókn
Nú á laugardaginn spila Tindastólsmenn síð-
asta heimaleik sinn á þessu keppnistímabili.
Gestirnir verða ekki af verri endanum en
það eru deildarmeistarar Þórs frá Akureyri
sem koma í heimsókn á Sauðárkróksvöll.
Tindastóll á harma að hefna frá því fyrr í
sumar en Þór skellti Stólunum 5-0 á Akureyri
í ágúst. Vonandi ná strákarnir að rétta sinn
hlut.
Lokahóf knattspyrnudeildar framundan
Framundan er lokahóf hjá knattspyrnudeild
Tindastóls en búið er að ákveða að lokahóf
fyrir m.fl. karla og kvenna fari fram í Miðgarði
laugardaginn 22. september nk.
Lokahóf er að sjálfsögðu einnig fyrir
leikmenn Drangeyjar. Sama dag og hófið fer
fram leikur Tindastóll sinn síðasta leik í 1.
deildinni í ár en sá leikur verður í Reykjavík
og hefst húllumhæið því seinna en vanalega.
/ÓAB
Steven Beatte fagnar marki.
Tindastólsmenn gerðu sér lítið fyrir í síðustu
viku og gulltryggðu sæti sitt í 1. deild með
mögnuðum útisigri á Hetti en leikið var á
Egilsstöðum. Markalaust var í fyrri hálfleik en
í síðari hálfleik hrukku leikmenn beggja liða í
gang en það voru Stólarnir sem höfðu betur
og sigruðu 3-2.
Höttur lék undan nokkrum vindi í fyrri
hálfleik en vörn Tindastóls var vel á verði. Fátt var
um færi en heimamenn vildu þó fá víti eftir
stundarfjórðungsleik en varð ekki að ósk sinni.
Eftir um hálftíma fór boltinn í mark Stólanna
eftir að leikmaður Hattar kom sér fyrir útspark
frá Seb Furness en kappinn var talinn brotlegur
og fékk að líta gula spjaldið fyrir uppátækið. Á
markamínútunni, þeirri 39., fékk Elvar Þór
Ægisson dauðafæri við mark Tindastóls en negldi
yfir. Það var helst að Max Touloute ógnaði marki
Hattar í fyrri hálfleik en allt kom fyrir ekki. Staðan
0-0 í hálfleik.
Síðari hálfleikur var rétt hafinn þegar heima-
menn komust yfir með marki frá Davíð Einars-
syni. Þeir voru ekki lengi í paradís því Colin
Helmrich jafnaði á 52. mínútu eftir að aukaspyrna
frá Atla Arnarsyni féll fyrir fætur hans í teignum.
Skömmu síðar munaði minnstu að Max kæmi
Tindastólsmönnum yfir en markvörður Hattar
varði vel. Á 72. mínútu kom Atli Arnarson Stól-
unum síðan yfir með þrumuskoti af 25m færi í
vinkilinn og aðeins fjórum mínútum síðar bætti
Benjamín Gunnlaugsson þriðja markinu við
með langskoti. Það var því á brattann að sækja hjá
heimamönnum gegn vel skipulögðum Tinda-
stólsmönnum en þeir náðu að klóra í bakkann í
blálokin þegar Friðrik Ingi Þráinsson lagaði
stöðuna. Lokatölur 3-2 fyrir Tindastól.
Nú eiga Tindastólsmenn aðeins tvo leiki eftir í
deildinni og hafa þegar tryggt sætið í deildinni.
Stólarnir eru um miðja deild, eru í áttunda sæti
með 27 stig. Algjörlega frábær árangur hjá liðinu
í sumar en leikir liðsins hafa flestir verið skemmti-
legir og liðið spilað flottan fótbolta. /ÓAB
Fjöldi fólks var samankominn til að minnast Hrútafjarðarsundsins sem þreytt var 24. ágúst 1937.
Sigríður Hjaltadóttir, form. Minjasafns Húnvetninga og Strandamanna tekur við minningarskjalinu úr
höndum Hildar Baldursdóttur, Hinriks Þórhallssonar og Steinunnar Hjartardóttur.
Körfubolti
Tindastóll tekur þátt
í Greifamótinu
Meistaraflokkur Tindastóls í
körfubolta tekur þátt í hinu
árlega Greifamóti á Akureyri
um helgina.
Mótherjar strákanna eru 1.
deildarlið ÍA, Hattar auk gest-
gjafanna í Þór.
Mótið hefst á föstudag kl. 18
með leik Þórs og Tindastóls og
á laugardag spila Stólarnir við
ÍA kl. 11 og Hött kl. 16.
Leikið verður í Síðuskóla og
eru stuðningsmenn Tindastóls
hvattir til að skella sér norður
og kíkja á leikina en frítt er inn
á alla leiki mótsins.