Feykir - 13.09.2012, Blaðsíða 8

8 Feykir 34/2012
( ÁSKORENDAPENNINN ) berglindth@feykir.is
Það er að koma
haust. Aðeins vika
til heimasmölunar og
skólarnir eru byrjaðir.
Sólin skín eins og
alltaf hér í sumar í
Langadalnum; svo
heit að hún brennir
bæði túnin okkar og
úthagann og aldrei
rignir, - en við hjónin á
þessum bæ ákveðum að
fara í ferðalag.

Það er smáferðalag, bara
yfir hádaginn. Nóg fyrir
okkur. Förum með dóttur
okkar og tengdasyni,
fimm barnabörnum á
aldrinum 5 – 22ja ára.
Leiðin liggur út í Hrútey
sem er eyja í ánni Blöndu
við Blönduós og rennur
Blanda straumþung
báðum megin við
eyjuna. Við förum út
á göngubrúna sem er
orðin „roskin“ og hún
hristist smávegis. „Við
getum ruggað henni,“
segir unglingurinn sterki,
nýkominn úr ræktinni og
getur varla gengið fyrir
strengjum.
Eyjan er alveg yndisleg,
slétt sums staðar og
háir klettar líka, mikið
af „fullorðnum“ trjám
og alls konar gróðri.
Hvönn, berjalyng, allar
tegundir og þegar við
erum á ferðinni er fullt
af berjum og allir að tína
upp í sig. Svo er fuglalíf
þar en eyjan er lokuð frá
apríl fram í júní vegna
varptímans. Það eru
mjög góðir göngustígar
um alla eyju og borð og
bekkir ef fólk vill setjast
og hvíla sig, - jafnvel hafa
með sér nesti. Ég lýsi
eyjunni ekki nánar, fólk
getur bara farið þangað
og skoðað sig um.
„Þetta er bara soldið
hættulegt,“ segir unga
daman í jakkanum og
horfir af eyjunni ofan í
straumþunga ána. Við
verjum góðum tíma í
eynni áður en farið er
aftur í land yfir „rosknu“
brúna sem ruggar svolítið.
En þá er sjoppan á
næsta leyti og nú þurfa
allir að fá ís. Þá þarf
yngsti herramaðurinn að
fara á salernið, móðir
hans stormar með hann
þangað en drengurinn
stingur við fótum. „Þetta
er sko fyrir stelpurnar,“
svo að Ari stóribróðir
verður að fara með hann
þangað„sem er fyrir
strákana.“
Mikið var gaman að
þessu litla ferðalagi og
það þarf ekki að fara
langt til að sjá eitthvað
nýtt. Vil ég ráðleggja því
fólki sem ekki kemst
til Spánar eða Noregs
næsta sumar að fara
bara dagspart út í Hrútey
í góða veðrinu.
- - - - -
Bylgja skorar á
dótturdóttur sína og
nöfnu, Bylgju Guðrúnu
Brynjólfsdóttur frá
Brandsstöðum í
Blöndudal.
Bylgja Angantýsdóttir skrifar frá Móbergi í Langadal
Hafið þið komið í Hrútey?
( TÓN-LYSTIN ) palli@feykir.is
Ásgeir Trausti
James Blake heillar
þessa dagana
Tónlistarmaðurinn Ásgeir
Trausti Einarsson fagnar
um þessar mundir útkomu
frumraunar sinnar, Dýrð í
dauðaþögn, með tónleikaröð
sem hefst á morgun
14. september á Græna
hattinum á Akureyri. Svo
fer hann á heimaslóðir og
verður í Félagsheimilinu á
Hvammstanga sunnudaginn
16. september og endar á
Faktorý í Reykjavík þar sem
Ásgeir Trausti mun stíga
á stokk í fyrsta sinn með
fullmannaðri hljómsveit þann
18. september.
Ásgeir Trausti er ungur tónlistar-
maður sem kom fyrst fram á
sjónarsviðið í sjónvarpsþættinum
Hljómskálanum í vor. Þar söng hann
lagið Sumargestur sem fangaði
vorstemninguna og um leið huga
þjóðarinnar. Ásgeir Trausti fylgdi
vinsældum þess lags eftir með
smáskífunni Leyndarmál sem
náði gífurlegri hylli og kom honum
endanlega á kortið sem einum
efnilegasta tónlistarmanni landsins.
Ásgeir semur öll lögin á plötunni
en um textagerð sjá þeir Einar
Georg Einarsson, faðir Ásgeirs, og
vinur Ásgeirs, Júlíus Aðalsteinn
Róbertsson. Upptökustjórn var
í höndum Guðmundar Kristins
Jónssonar. Feykir sendi Ásgeiri
nokkrar „Tón-lystar“ spurningar í
tilefni af útkomu Dýrðar í dauða-
þögn sem hann svaraði sam-
viskusamlega.
Árgangur: 1992
Hvar ólstu upp? Að mestu í
Húnaþingi vestra, á Laugarbakka.
Hljóðfæri: Gítar aðallega, en
get bjargað mér á ýmsum hljóð-
færum
Helstu tónlistarafrek: Klára
framhaldspróf á klassískan gítar
og gefa út mína fyrstu breiðskífu
Uppáhalds tónlistartímabil? 90's.
Hvaða tónlist fær þig til að
sperra eyrun þessa dagana?
James Blake.
Hvers konar tónlist var hlustað
á á þínu heimili? Klassík og
harmónikkutónlist.
Hver var fyrsta platan/
diskurinn/kasettan/niðurhalið
sem þú keyptir þér? Nevermind.
Hvaða græjur varstu þá með?
Vasadiskó.
Hvað syngur þú helst í sturt-
unni? Pósturinn Páll.
Wham! eða Duran? Wham!
Þú heldur dúndurpartí í
kvöld, hvað læturðu hljóma í
græjunum til að koma öllum í
stuð? Stranglers.
Þú vaknar í rólegheitum á
sunnudagsmorgni, hvað viltu
helst heyra? Sunnudagsmorgunn
með Jóni Ólafs.
Þú átt þess kost að fara hvert
sem er í heiminum og skella þér
á tónleika. Hvert færirðu, hvaða
tónleika og hvern tækirðu með
þér? Hefði viljað fara á Nirvana á
Unplugged in New York tónleikana
og hefði tekið Andra með.
Hvaða tónlistarmann hefur þig
dreymt um að vera? Kurt Cobain.
Hver er að þínu mati besta
plata sem gefin hefur verið út?
For Emma, Forever ago.
áhrif á greinina í heild sinni;
veitingarekstur, flug, bílaleigur
og aðra þjónustu og verslun.
Samdrátturinn mun vitanlega
bitna á tekjum ríkissjóðs. Skatta-
hækkun getur auðveldlega
skert skatttekjur og þá er betur
heima setið en af stað farið.
Tilraunastarfsemi í skattlagningu
er ekki leiðin til árangurs.
Framsóknarflokkurinn telur
að ítrekaðar óvinveittar aðgerðir
gegn ferðaþjónustunni sýni að
ríkisstjórnin sé skilningsvana
á atvinnurekstur almennt og
sérstaklega þegar kemur að
atvinnulífi á landsbyggðinni.
Dragi ríkisstjórnin þessar
tillögur ekki til baka þá hlýtur
það að verða forgangsverkefni
nýrrar ríkisstjórnar að stöðva
þessar árásir á ferðaþjónustuna.
Ofurskattastefnu ríkisstjórnar
Samfylkingar og Vinstri grænna
verður að linna. Innan tíðar
verður gengið til kosninga og þá
gefst tækifæri til að leiðrétta hin
mörgu gönuhlaup ríkisstjórnar
Jóhönnu Sigurðardóttur.
Ásmundur Einar Daðason
þingismaður Framsóknarflokks
Gistináttaskattur ríkisstjórnar-
innar var lagður á hvert útselt
hótelherbergi hverja nótt allt
árið um kring frá og með síðustu
áramótum. Ríkisstjórn Jóhönnu
Sigurðardóttur er löngum talin
hafa horn í síðu atvinnureksturs,
samanber atlöguna að sjávarút-
veginum og andúðina sem
stafar frá stjórnarráðinu til land-
búnaðarins. Ferðaþjónustan
mátti því búast við höggi frá
ríkisstjórninni en það er eins og
stjórnvöld setji það í sérstakan
forgang að skekkja grundvöll
atvinnurekstrar sem hvorttveggja
í senn skapar útflutningstekjur
og er einn helsti vaxtarsprotinn
í atvinnulífi á landsbyggðinni.
Síðsumars tilkynnti fjármálaráð-
herra um hækkun virðisaukaskatts
á gistingu og mun hækkunin taka
gildi á næsta ári.
Þegar kreppan skall á var
það ferðaþjónustan ásamt
hinum grunnatvinnuvegunum
tveim, landbúnaði og sjávarút-
vegi, sem skipti sköpum í efna-
hagslegri viðreisn landsins.
Einyrkjabúskapur er algengur
í ferðaþjónustunni, einkum
á landsbyggðinni, þar sem
einstaklingar og fjölskyldur hafa
byggt upp atvinnurekstur af
krafti og áræðni. Það eru kaldar
kveðjur sem ríkisstjórnin sendir
þessari atvinnugrein með því
að hækka álögurnar og setja
þar með rekstrargrundvöllinn í
uppnám. Landsbyggðin verður
sérstaklega hart úti vegna
skattahækkunarinnar. Eftir því
sem það verður dýrara að gista
hér á landi er líklegra að gisti-
nóttum fækki hjá hverjum og
einum ferðamanni. Gisting á
landsbyggðinni verður harðar úti
í þeim niðurskurði en hótel og
Ríkisstjórnin ræðst
á ferðaþjónustuna
AÐSENT ÁSMUNDUR EINAR DAÐASON SKRIFAR
gistiheimili á höfuðborgarsvæð-
inu þar sem gistinóttum utan
höfuðborgarsvæðisins fækkar
fyrst hjá ferðamönnum - áður
en þeir klípa af gistingu næst
millilanda-flugvellinum.
Skattahækkunin mun stuðla að
aukinni svartri atvinnustarfsemi, -
einkum á höfuðborgarsvæðinu.
Í fjölmiðlum hefur verið sagt frá
því að námsmenn fá ekki húsnæði
vegna þess að íbúðir sem áður
voru leigðar þeim eru fráteknar
fyrir ferðamann. Athuganir sam-
taka í ferðþjónustu benda til að
svört atvinnustarfsemi blómstri
einmitt á þessum vettvangi þar
sem almennt íbúðarhúsnæði er
leigt út.
Framsókn hafnar skattahækk-
unum á ferðaþjónustuna
Íslensk ferðaþjónusta er í harðri
alþjóðlegri samkeppni. Með því
að hækka virðisaukaskattinn
verður landið dýrara heim
að sækja og ferðamönnum
mun fækka. Það hefur bein
Brúin yfir Blöndu út í Hrútey. Mynd: BÞ