Feykir - 13.09.2012, Blaðsíða 10

10 Feykir 34/2012
Stafnsrétt
Lömbin vel þokkaleg
Eins og víðast hvar á landinu var réttað í
Stafnsrétt í Svartárdal um síðustu helgi í ágætis
veðri.
Það var ekki eins gott dagana þar á undan
þar sem gangnafólk hreppti leiðindaveður á
Eyvindarstaðarheiðinni og virtist vera sama í
hvaða átt var farið að sögn eins þeirra.
Á leiðinni að Hofsjökli fékk gangnafólkið
vindinn í fangið sem gerði leitir erfiðar en það
sem gerði gæfumuninn var að flogið var yfir
svæðið áður en göngur hófust svo vitað var hvar
kindurnar héldu sig. Náðust þær allar fyrir utan
eina sem ekki fannst.
Þrátt fyrir norðan garg og úrkomu smalaðist
þokkalega af heiðinni og var það mat manna að
lömbin hafi komið vel þokkaleg til byggða. /PF
Það er jafnan mikið rætt og spekulerað í réttunum en ekki er vitað hvað þessum herramönnum fór á milli í Stafnsrétt um síðustu helgi.