Feykir - 20.09.2012, Side 4

4 Feykir 35/2012
Ný tillaga Framsóknar um
verðtryggð fasteignalán
Sigmundur Davíð
Gunnlaugsson formaður
Framsóknarflokksins kynnti
á fjölmennum fundi á Grand
Hotel nýja tillögu til aðstoðar
skuldugum heimilum. Eins
og flestum er kunnugt hafa
framsóknarmenn lagt
höfuðáherslu á að koma
heimilum til aðstoðar vegna
hárrar skuldsetningar þeirra.
Svokölluð 20% leið er vel þekkt
og almennt viðurkennt að hefði
ríkisstjórn Samfylkingar og
Vinstri grænna hlustað á þær
tillögur þegar þær komu fram
væri staða heimilanna önnur
og betri í dag. Það er í raun
ótrúlegt að heimilin hafi ekki
fengið njóta þess svigrúms sem
til varð er nýju bankarnir voru
stofnaðir en erlendir vogunar-
sjóðir látnir njóta þess í staðinn.
Markmið þessarar tillögu er
að koma til móts við þá sem,
þrátt fyrir forsendubrest, hafa
náð að standa í skilum með sín
lán. Nýja tillagan gengur út á að
nýta skattkerfið til að lækka
skuldir heimilanna, hjálpa fólki
að greiða niður lán. Í stórum
dráttum yrði útfærslan þannig
að afborganir fasteignalána
yrðu frádráttarbærar frá
tekjuskatti og skattaafslátturinn
lagður beint inn á höfuðstól
viðkomandi fasteignaláns. Ef
afborganir lánsins hafa myndað
t.d. 100 þús. kr. frádrátt þá
myndi höfuðstóll lánsins lækka
um 100 þús. kr. Samhliða þessu
er eðlilegt að gera þá kröfu til
lánveitandans að hann færi
viðkomandi lán niður í 100% af
fasteignamati. Til að taka af
allan vafa þá gildir tillagan
eingöngu um lán sem þegar
hafa verið tekin og áætlað er að
hún gildi tímabundið.
Hverjum gagnast þetta?
Stór hópur Íslendinga er í
miklu basli með rekstur síns
heimilis þar sem afborganir af
verðtryggðum fasteignalánum
hafa hækkað mjög mikið.
Flestir hafa getað staðið í
skilum og greitt af þessum
lánum en um leið hafa
fjármunir til annarra hluta
minnkað að sama skapi. Með
því að greiða hraðar niður lánið
skapast mun fyrr svigrúm í
rekstri heimilisins til að nota
fjármuni í annað og það eykur
veltuna í samfélaginu t.d. í
formi viðhaldsverkefna, ný-
framkvæmda eða kaupa á
vörum og þjónustu. Þessi stóri
hópur er einn þeirra sem
skilinn hefur verið eftir og
hefur ekki notið góðs af
sértækum lausnum hingað til.
Með þessu yrði til jákvæður
hvati til að standa í skilum þar
sem umbunin væri hraðari
lækkun lána sem síðar meiri
afgangur af heimilisrekstrinum.
Eflaust munu einhverjir halda
því fram að þessi leið sé of dýr.
Þá verðum við að spyrja á móti
hvað það kosti að gera ekki
neitt? Það er mikill kostnaður
fólginn í því að heimilin greiði
sífellt meira til fjármálstofnana
í formi vaxta í stað þess að
greiða til samfélagins í formi
aukinnar veltu.
Af fenginni reynslu leggjum
við tillöguna fram sem þings-
ályktunartillögu, þannig að
fjármálaráðherra sé falið að út-
færa lagafrumvarp um þessa
leið, því reynslan sýnir að of ná-
kvæmar tillögur stjórnarand-
stöðunnar eru skotnar niður án
umhugsunar. Á þennan hátt
vonumst við til að geta unnið
að tillögunni í samráði við
ríkisstjórnarflokkana.
Framsóknarflokkurinn lagði
mikla áherslu á 20% leiðina í
aðdraganda síðustu kosninga
og hefur gert allt fram að þessu.
Sú leið var fær á þeim tíma og
allt þar til bankarnir voru
endurreistir. Við getum ekki
lofað sömu útfærslu aftur en
munum leggja áherslu á að leita
áfram leiða til almennrar leið-
réttingar, enda gagnast þessi
nýja leið því miður ekki öllum.
Samhliða þessu munum við
áfram leggja áherslu á
verðtryggingarmál og höfum
lagt fram frumvarp sem miðar
að því að draga stórlega úr vægi
hennar.
Ég vona að þessi nýja tillaga
hljóti sanngjarna og málefna-
lega umfjöllun og skoðun en
verði ekki slegin af borðinu
umhugsunarlaust.
Gunnar Bragi Sveinsson,
alþingismaður
AÐSENT GUNNAR BRAGI SVEINSSON SKRIFAR
Á stjórnarfundi SSNV fyrir
skömmu voru lagðar fram
niðurstöður starfshóps þar
sem lagt er til að sameiginleg
barnaverndarnefnd verði
starfrækt á Norðurlandi
vestra. Í starfshópnum áttu
sæti Magnús B. Jónsson
sveitarstjóri svf. Skaga-
strandar, Ásta Pálmadóttir
sveitarstjóri svf. Skagafjarðar
og Skúli Þórðarson
sveitarstjóri Húnaþings
vestra.
Framkvæmdastjóri SSNV
starfaði með hópnum auk þess
sem félagsmálastjórar sveitar-
félagana komu að vinnunni
auk formanna barnaverndar-
nefnda A-Hún og Skagafjarðar.
Niðurstöður starfshópsins eru
í formi tillögu að samstarfs-
samningi sveitarfélagana um
sameiginlega barnaverndar-
nefnd auk tillagna að verk-
lagsreglum nefndarinnar sem
unnin var af Jóni Björnssyni
félagsráðgjafa og fyrrverandi
félagsmálastjóra Akureyrar-
bæjar.
Stjórn SSNV samþykkti
tillögu starfshópsins og mun
senda tillögurnar til umsagnar
sveitarfélagana þar sem óskað
verður formlegs umboðs
þeirra til þess að stjórn SSNV
skipi í nefndina á grundvelli
fyrirliggjandi tillögu. /PF
Norðurland vestra
Sameiginleg barna-
verndarnefnd
Formaður SSNV
Bjarni Jónsson
setti fram á
stjórnarfundi
samtakanna
hugmynd um að
ráðist yrði í
sérstakt átaks-
verkefni um
aðgerðir til þess
að stemma stigu
við brottflutningi ungs fólks
af svæðinu. Umræður urðu
um málið og eftirfarandi
tillaga formannsins
samþykkt.
„Stjórn SSNV samþykkir að
fara í átaksverkefni sem miðar
að því að ráðast í aðgerðir til
þess að stemma
stigu við brottflutn-
ingi yngra fólks af
svæðinu og skapa
því aukin tækifæri í
landshlutanum.
Markmið verkefn-
isins verði að gera
svæðið enn eftir-
sóknarverðara til
búsetu og starfa
fyrir ungt fólk. Leitað verið
samstarfs við sveitarfélög,
fyrirtæki, skóla og stofnanir
innan svæðis sem utan og
ítrekaðar óskir um víðtæka
aðkomu stjórnvalda að slíku
átaksverkefni.“ /PF
Norðurland vestra
Bjarni vill
átaksverkefni
Þekkingarsetrið á Blönduósi
hefur ráðið Katharinu
Schneider í 50% starf
framkvæmdastjóra setursins.
Jafnframt hefur Gunnar
Tryggvi Halldórsson verið
ráðinn í 20% starf sem
verkefnastjóri við setrið. Þetta
kom fram á fundi bæjar-
stjórnar Blönduósbæjar þann
11. september sl.
Á fundi bæjarráðs kom
einnig fram að til stendur að
halda stefnumótunarfund
varðandi Þekkingarsetrið í
Blönduvirkjun þann 24.
september nk. þar sem hags-
munaaðilar mæta og marka
stefnuna. Menntamálaráðu-
neytið verður með fulltrúa á
fundinum.
Markmið Þekkingarseturs-
ins er að stuðla að fræðslu og
rannsóknum á staðbundnum
auðlindum í Húnavatnssýslum
í samstarfi við heimamenn.
Auk Blönduóssbæjar, Húna-
vatnshrepps og Sambands
sveitarfélaga á Norðurlandi
vestra standa ýmsar stofnanir
og fyrirtæki að Þekkingar-
setrinu. Setrið er til húsa í
Kvennaskólanum á Blönduósi.
/BÞ
Þekkingarsetur á Blönduósi
Framkvæmda-
stjóri ráðinn
Myndir af lömbum sem tófur
bókstaflega átu lifandi að
mati bænda sem að komu
fóru sem eldur í sinu um
netmiðla landsins í síðustu
viku.
Voru þau föst í snjó í
Hamraheiðinni neðan og
sunnan við Mælifellshnjúk í
Skagafirði. Þar mátti sjá að
tófur höfðu étið andlitin af
lömbunum meðan þau gátu
sig hvergi hreyft og einnig
var búið að éta annað lærið
Skelfilegar myndir af tófubitnu fé
Veisla hjá tófunni
af einu lambinu meðan það
var lifandi eftir því sem
vegsummerki benda til.
Fleiri álíka sögur hafa
heyrst víða af tófubitnu fé í
snjónum. /PF
Myndina tók Sæmundur Sæmundsson.