Feykir - 20.09.2012, Blaðsíða 13
35/2012 Feykir 13
Heilir og sælir lesendur góðir.
Það er Einar M. Jónsson sem er höfundur að
fyrstu vísunni að þessu sinni.
Nú hin mæta sumarsól
seig við rætur fjalla.
Togna nætur tímans hjól
tjaldið lætur falla.
Kunnar voru hér áður fyrr margar snjallar
tækifærisvísur eftir Jakob Thorarenssen. Þessi
mun ort að morgni dags eftir fjörugt nætur-
mannamót.
Einn í blundi úti á grund
að sér hrundu vefur.
Gull í mund á marga lund
morgunstundin gefur.
Til ástfanginnar konu yrkir Jakob.
Þetta líður, þráin er
þungi kvíða og vona.
En ástin bíður eftir þér
unga, fríða kona.
Þegar svo nálgaðist brúðkaup hjá frúnni orti
Jakob.
Aldrei dvín það upphafsgaman
öldin vel því kann.
Að kona og maður komi saman
og kveiki nýjan mann.
Svo þegar líður á ævina og frúin orðin
öldruð og þreytt dettur Jakobi í hug að lýsa
aðstæðum.
Þú, sem fyrst varst flugrík hlín
að fegurð, mýkt og yndi,
ert nú blásnauð, barnaskrín
blásin mótgangsvindi.
Axel Oddsson sem mun hafa verið Reyk-
víkingur mun vera höfundur að þessari,
sléttubandavísu.
Gránar áin kólgu kná
kulna stráin fögur.
Blánar fránum Ægi á
öldu mána kögur.
Þegar nú skammdegið er farið að lengja
skugga sína svo um munar er okkur vonandi
góð hressing að rifja næst upp þessar ágætu
vísur Hjálmars Þorsteinssonar áður bónda á
Hofi.
Skúrir stækka, skinið dvín
skuggar hækka í bænum.
Sunna lækkar ljósin sín
laufum fækkar grænum.
Reifaður lágum rökkurfeld
ræki háa dóminn.
Sezt ég þá við arineld
yrki um dáin blómin.
Ljótar fréttir berast nú, er þessi þáttur er í
smíðum, um hryllilega erfiðleika bænda
í Skagafirði við að ná fé sínu niður af
Öxnadalsheiði. Emil Petersen mun ekki hafa
hlakkað til fundar við hana er hann orti svo.
Fornar leiðir fjallasals
um fanna breiðu kalda,
upp á heiði Öxnadals
enn ég neyðist halda.
Þar sem verið er að nefna Öxnadalsheiði
er freistandi að færa sig aðeins niður í
Blönduhlíðina og rifja næst upp þessar
snilldar vel gerðu hringhendur Magnúsar
Gíslasonar bónda á Vöglum.
Gróa á hjalla grösin smá
Vísnaþáttur 578
grænka vallar börðin.
Nú er falleg sjón að sjá
sól um allan fjörðinn.
Geislar flæða fjalls um skaut
fegra hæð og buga.
Hér í næði lyngs við laut
leitar kvæði í huga.
Margan seiðir mann að sér
mörkin breið og hálsar.
Uppi á heiðum eru mér
allar leiðir frjálsar.
Góð kveðja var þessi sending Magnúsar til
að mynda til okkar Húnvetninga vestur yfir
fjöllin. Kannski hefur Ásgrímur Kristinsson
bóndi á Ásbrekku í Vatnsdal haft hana í huga
er hann orti þessa fallegu hringhendu.
Yfir haga holt og mó
hljómuðu faguryrði.
Ár og daga andinn dró
ilm úr Skagafirði.
Þegar nú þessi hausttími sem helgast af
göngum og réttum og stússi við blessaðar
kindurnar okkar sauðfjárbænda, koma
ósjálfrátt upp í hugann góðar minningar
frá samskiptum við góða vini sem nú eru
ekki lengur á meðal okkar í dag. Einn
af þeim er Borgar Símonarson bóndi í
Goðdölum í Skagafirði. Okkar vinátta
byggðist upp á því að tala saman um það
leyti er nálgaðist göngur og réttir og gleðjast
þá yfir þeim dögum í huganum sem þá voru
á næsta leiti. Kölluðum við okkar á milli
Stafnsréttardaginn draumadag, sem lengi
var búið að hlakka til að kæmi. Einkenni
Borgars var á slíkum hátíðum að vera
alltaf með Whisky og þótti okkur vinum
hans það ómissandi svaladrykkur á slíkum
gleðistundum. Haustið 2011 var ég að vanda
staddur í Stafnsrétt og beið og vonaði að
þessi góði félagi kæmist þangað. Svo varð
ekki vegna heilsubrests og duldi ég ekki
persónulegan söknuð er þessi vísa varð til.
Þegar á draumadaginn líður
daprast hugur mér.
Ekki lengur Borgar býður
besta vínið hér.
Ekki get ég rifjað upp þessi minningarbrot
um þessa góðu vini sem nú eru fallnar
frá, án þess að minnast einnig Ólafs
Péturssonar í Álftagerði sem lést nú í sumar.
Vorum við gangnabræður í mörg haust á
Eyvindarstaðarheiði. Var okkar verkefni á
fyrsta degi aðalgangnamanna að leita sk.
Svörtutungur. Var gleðiefni mitt að leggja á
stað frá Skiptabakka sem svo var kallaður
við Svörtukvísl, þar sem áður var skipt
göngum, með Óla sem félaga flugríðandi á
glæsihestum, oftast rauðum og leirljósum
stólpagripum. Langar mig að kveðja þennan
góða vin með þessum fjórum línum.
Þú hefur vinur glaðheim gist
gengið lífsins klungur,
þakka af alúð þína vist
þessar Svörtutungur.
Annar góður og persónulegur vinur okkar
Borgars var Sigurður Guðmannsson bóndi
á Fossum og gangnastjóri til fjölda ára.
Er ég var að ganga frá gröf hans, 31. mars
síðastliðinn urðu hugleiðingar mínar á þessa
leið og gott að enda þáttinn með þessari
kveðju til hans.
Vættir kalla vininn sinn
vonir falla núna.
Þegar fjallaforinginn
fer um gjallarbrúna.
Verið þar með
sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON )
( MATGÆÐINGAR VIKUNNAR ) berglindth@feykir.is
Gígja og Jón kokka
Rjúpur og vín sem
vekur bragðlaukana
Matgæðingar vikunnar að þessu sinni eru Helga Gígja
Sigurðardóttir þjónustufulltrúi hjá Vís á Sauðárkróki og Jón
Sveinsson Ríkisstjóri. Þau ætla að bjóða upp á girnilegar
rjúpur í for- og aðalrétt og sætan eftirrétt. Jón segir hvaða vín
hentar best með hverjum rétti. Þau skora á Helga Sigurðsson
og Hrund Pétursdóttur til að taka við keflinu.
„Ég mundi fá mér þurrt sérry í fordrykk, t.d. Gonzalez Byass
Tio Pepe Fino en fleirum mundi henta að fá sér þurrt freyðivín,
s.s. Veuve Clicquot Ponsardin Brut eða Bollinger Brut Special
Cuvee. Passa verður hitastig á öllum vínum til að allir bragðeigin-
leikar vínsins komi fram. Þurrt vín er gott sem fordrykkur því
sýran vekur bragðlaukana og kemur meltingunni af stað. Sumum
mundi blöskra verðið en hafa skal í huga að þetta er ekki
hversdagsmatur sem kostar lítið.“
FORRÉTTUR
Fyllt rjúpuhjörtu
rjúpuhjörtu
gráðostur eða piparostur
portvín
AÐFERÐ: Uppskrift fyrir fjóra.
Hreinsið hjörtun að innan
og fyllið þau með gráðosti/
piparosti hvort sem ykkur finnst
betra og látið hjörtun standa í
portvíni a.m.k. 6 klst. áður en
þau eru steikt í ofni við 200°C
í um 15 mín. Gott er að steikja
hjörtun með portvíninu sem
eftir er í fatinu og bera fram með
góðu salati. Með hjörtunum
hentar portvín, t.d. Graham's 10
ára Tawny og nota sama vín og
hjörtun eru marineruð uppúr.
AÐALRÉTTUR
Fylltar rjúpur
rjúpur
beikon
brauð
sveskjur
rjómi
sjávarkrydd
piparblanda
AÐFERÐ: Uppskrift fyrir fjóra.
Rjúpur hamflettar og hreinsaðar.
Fyllið rjúpurnar með beikoni,
brauði, sveskjum og rjóma og
kryddið vel með sjávarkryddi.
Rjúpurnar fylltar vel og krydd-
aðar með piparblöndu. Steiktar
í ofni á 200°C þar til þær eru
orðnar stökkar að utan eftir
um 50 mín. Borið fram með
rjómasósu eða brúnni sósu.
Með fylltu rjúpunum væri gott
að hafa vín frá Rhone t.d. M.
Chapoutier Chateauneuf-du-
Pape La Bernardine eða E. Guiga
Chateauneuf-du-Pape.
EFTIRRÉTTUR
Ávextir dýfðir í
súkkulaði
AÐFERÐ: Eftirrétturinn er
einfaldur bræðið saman mars
eða annað gott súkkulaði og
smá rjóma. Borið fram með
allskonar ávöxtum og dýfið
í súkkulaðið um leið og þið
borðið. Mörgum finnst gott að
fá sér sætt á eftir veislumat sem
þessum, t.d. súkkulaði eða ís.
Þá væri ekki verra að gæða sér
á góðu sætvíni með, best finnst
mér gott sauternes vín eins og
t.d. Chateau Guiraud.
Verði ykkur að góðu!
Nokkrir glaðbeittir Krókshlauparar haustið 2009.