Feykir - 20.09.2012, Síða 14
14 Feykir 35/2012
Skrapatungurétt
Ævintýri
og réttir
Haukur á Röðli var atkvæðamikill í réttunum.
Hin árlega stóðsmölun í Laxárdal í Austur-Húnavatnssýslu
fór fram sl. laugardag og réttað daginn eftir í
Skrapatungurétt.
Að sögn Valgarðs Hilmarssonar ferðamannafjallkóngs
fóru yfir 250 manns ríðandi í dalinn á laugardaginn en
brugðið var út af venjulegri leið vegna ófærðar og farið þess í
stað frá Skrapatunguréttinni og upp í Kirkjuskarðsrétt og til
baka.
Á sunnudeginum hófust venjubundin réttarstörf og var
stemningin góð í sæmilegu veðri en smá úrkoma var yfir
svæðinu þann tíma er blaðamaður staldraði við eins og sjá
má á meðfylgjandi myndum. /PF
ÍÞRÓTTAFRÉTTIR FEYKIS > www.feykir.is/ithrottir
Björn Anton á skalla framhjá marki Þórs í fyrri hálfleik. Arnar Sigurðsson er við stöngina.
Knattspyrna 1. deild : Tindastóll - Þór 0-1
Dómarinn tók að sér aðal-
hlutverkið í baráttuleik
sóknarsviði var í liði Stólanna;
Steven Beattie var meiddur en
Árni Arnars var fremstur.
Kaflaskil urðu í leiknum eftir
um hálftíma leik þegar
Guiseppe Funicello sló Árna
Arnarsson og dómarinn rak
hann af velli. Eftir þetta náði
Tindastóll yfirhöndinni og átti
Benni skot í þverslá en bæði lið
áttu ágæta sénsa í fyrri hálfleik.
Í síðari hálfleik fór dómarinn
á límingunum og virtist þurfa
að fylla einhvern spjaldakvóta.
Heldur fannst nú heimamönn-
um halla á sig og keyrði um
þverbak þegar sá bláklæddi
sendi Ingva Hrannar í sturtu
fyrir litlar sakir ef einhverjar. Í
kjölfarið sóttu gestirnir stíft og
Orri Hjaltalín gerði eina mark
leiksins þegar um 20 mínútur
voru eftir af leiknum. Bæði lið
fengu færi eftir þetta en höfðu
ekki erindi sem erfiði.
Með sigrinum tryggðu Þórs-
arar efsta sætið í 1. deild og hafa
nú unnið 10 leiki í röð sem er
sannarlega frábær árangur.
Stólarnir sigla hins vegar lygnan
sjó og enda vertíðina í 7.-9. sæti.
Síðasti leikurinn er gegn Þrótti
Reykjavík, fyrir sunnan, á
laugardag kl. 14:00. /ÓAB
Tindastólsmenn urðu að
sætta sig við að lúta í gras
gegn 1. deildar meisturum
Þórs frá Akureyri um helgina.
Leikurinn var ekki áberandi
fjörugur hvað færin snerti en
það var helst að dómari
leiksins ætti fjöruga spretti
en hann vísaði tveimur
leikmönnum af velli og sýndi
nokkur vel valin gul spjöld í
leik þar sem leikmenn
virkuðu frekar pirraðir.
Allir þeir 11 leikmenn sem
æft hafa með Stólunum í sumar,
og voru heilir, ekki í banni eða
fjarverandi, skipuðu byrjunar-
lið Stólanna. Bekkurinn var í
skrautlegra lagi en þar sátu
fyrrverandi þungavigtarmenn í
fótboltafaginu; Guðbrandur,
Marri, Gaui og Gísli Eyland auk
Pálma Þórssonar sem er fæddur
1998. Ekki fengu kapparnir að
láta ljós sín skína en ekki var
laust við að áhorfendur væru
margir hverjir spenntir að fá að
sjá þessa snillinga spretta um
völlinn.
Þórsarar byrjuðu betur en
það var auðvitað skarð fyrir
skildi að enginn sérfræðingur á
Laugardaginn 8. september var opna Advania mótið í
golfi haldið á Hlíðarendavelli á Sauðárkróki. Mótið
var spilað með svokölluðu Greensome fyrirkomulagi
en þá spila tveir saman og taka báðir upphafs-högg
og síðan er betra höggið valið og liðsfélagarnir slá
annaðhvert högg eftir það. Hluti af forgjöf spilara er
síðan dreginn frá heildarskori keppenda.
Þrjátíu þátttakendur voru í mótinu eða fimmtán pör.
Úrslitin urðu þau að í 1. sæti urðu Kristján Bjarni Hall-
dórsson og Magnús Helgason á 71 höggi, í öðru sæti
komu Arnar Geir Hjartarson og Elvar Ingi Hjartarson á
72 höggum, í þriðja sætu komu síðan Guðmundur Ragn-
arsson og Hjörtur Geirmundsson á 73 höggum, í fjórða
sæti komu þau Margrét Stefánsdóttir og Haraldur Frið-
riksson á 74 höggum og í fimmta sæti einnig á 74 högg-
um urðu Ingileif Oddsdóttir og Sævar Steingrímsson.
Einnig voru veitt verðlaun fyrir að vera næst holu. Á
3. braut varð Róbert Óttarsson næstur holu en á 6. braut
var það Frímann Guðbrandsson. /HG
Golf : Opna Advania-mótið á Hlíðarendavelli
Kristján og Magnús unnu
Körfuboltinn : Tindastóll
Greifamóts-
meistarar
Meistaraflokkslið Tindastóls í
körfubolta vann báða leiki sína á
Greifamótinu sl. laugardag gegn
Skagamönnum og Hetti Egilsstöðum
og unnu þar með mótið örugglega. Á
föstudag lögðu strákarnir lið Þórs frá
Akureyri.
Á heimasíðu Tindastóls segir að
leikurinn gegn Skagamönnum hafi
verið Stólunum léttur og auðveldur
sigur vannst 115-52. Í lokaleiknum
gegn Hetti frá Egilsstöðum var annað
uppi á teningnum en Hattarar áttu enn
möguleika á sigri í mótinu þrátt fyrir að
hafa tapað fyrir Þórsurum fyrr um
daginn. Eftir jafnan fyrri hálfleik, þar
sem staðan var 43-40 fyrir Tindastól í
hálfleik, tóku Stólarnir leikinn í sínar
hendur í þeim seinni og lönduðu
öruggum sigri 98-71.
„Bárður Eyþórsson þjálfari var
ánægður með margt í leik liðsins um
helgina, en Kanarnir eru ekki ennþá
komnir og mun liðið því eiga eftir að
styrkjast og breytast með tilkomu
þeirra. Vonir standa til að þeir komi í
vikunni,“ segir á Tindastóll.is. /PF