Feykir - 27.09.2012, Blaðsíða 10

10 Feykir 36/2012
Framkvæmdir við Sauðá á Sauðárkróki
Grænt og snoturt
útivistarsvæði
Undanfarnar vikur hafa miklar
framkvæmdir staðið yfir við Sauðá
við Skagfirðingabraut þar sem áin
rennur undir veginn. Um er að ræða
fegrunaraðgerðir sem hafa staðið til
um nokkurt skeið og eiga að tengja
saman útivistarsvæðið í Litlaskógi allt
niður að Tjarnartjörn.
Svæðið umhverfis Sauðánna hefur
lengi verið til skoðunar hjá sveitar-
félaginu og hugmyndir um að gera
það að grænu útivistarsvæði verið
til umræðu um nokkurt skeið. Jón
Örn Berndsen hjá Umhverfis- og
tæknisviði Svf. Skagafjarðar segir þær
fyrirætlanir hafi verið útfærðar nánar
í rammaskipulagi fyrir þremur árum
síðan en þá var verkfræðistofan Stoð á
Sauðárkróki fengin í verkið og var það í
höndum Sólveigar Olgu Sigurðardóttur
landslagsarkitekts að koma með
teikningar fyrir rammaskipulagið. „Við
höfum unnið eftir skipulagi Sólveigar og
verið að útfæra þær nánar út frá verklegu
hliðinni hér hjá tæknideildinni,“ segir
Jón Örn. „Hugmyndin er að gera svæðið
náttúrulegt og aðlaðandi, m.a. fyrir börn
sem þarna leika sér iðulega og veiða síli,“
bætir Jón Örn við.
Í fjárhagsáætlun þessa árs var gert
ráð fyrir að ljúka við framkvæmdir
á svæðinu umhverfis ánna austan
Skagfirðingabrautar, norðan við nýja
leikskólann, Ársali. „Við höfum líka
verið að vinna aðeins vestan við veginn
í tjarnarmyndun og stíflugerð, einnig að
skoða hvernig vatnið hagar sér,“ segir
Jón Örn en verkinu lýkur að öllum
líkindum í þessari viku. Á næsta ári
verður framkvæmdum haldið áfram
og þá verður einblínt að svæðinu nær
Verknámshúsi FNV og gerðar fleiri
tjarnir og eyjur. Mun þá áfanganum vera
náð að þessu sinni.
Víðimelsbræður ehf. hafa haft umsjón
með framkvæmd verksins og að sögn
Jóns Árnasonar hefur það gengið að
óskum. „Við höfum verið að gera hlykki
á Sauðánna til að gefa henni náttúrulegri
lögun. Einnig höfum við gert þrjár
tjarnir með hólmum fyrir miðju, eina
norðan við nýja leikskólann, vestan við
göngubrúnna sem þar er. Hinar tvær
eru vestan við Skagfirðingabraut, undir
brekkunni við sjúkrahúsið. Einnig
settum við nokkra steina út í Sauðánna
svo hægt sé að stikla á þeim yfir ánna,“
útskýrir Jón. Aðspurður um frágang
umhverfis ánna taldi hann líklegt að sáð
verði í moldina fremur en að tyrfa yfir
þar sem mun kostnaðarsamara er að
tyrfa, auk þess er moldin afar blaut eftir
framkvæmdirnar.
Sauðáin áður í tilfæringum
Þetta er ekki í fyrsta sinn sem Sauðáin
hefur verið færð til en hér áður fyrr
rann hún eftir svokölluðum Flæðum
niður til sjávar, sem útskýrir nafngiftina
á Flæðunum þar sem áin flæddi iðulega
yfir bakka sína í leysingum. Samkvæmt
Unnari Ingvarssyni héraðsskjalaverði
voru Flæðarnar þar sem nú er íþrótta-
völlurinn og sundlaugin. Síðan rann áin
nokkurn veginn í farvegi niður þar sem
Kaupþing er nú og síðan í norður að því
þar sem Landsbankinn er og tók þá sveig
niður til sjávar. „Áin var færð til að rýma
fyrir íþróttavellinum og líklega ekki síður
til að snyrta bæinn á sínum tíma, þar sem
menn áttu í sífelldri baráttu við hana,“
útskýrir Unnar og bætir við að hér áður
var kastað í hana bæði skólpi og rusli,
þannig að hún var ekki alltaf til prýði. /BÞ
Myndir af framkvæmdum við fegrun Sauðár.
Sauðáin rann eftir svokölluðum Flæðum niður til sjávar. Þegar leysingar voru flæddi áin yfir bakkana.
Flæðarnar voru þar sem nú er íþróttavöllurinn og sundlaugin, en síðan rann áin nokkurn veginn í farvegi
niður þar sem Kaupþing er núna og síðan í norður að því þar sem Landsbankinn er, en tók þá sveig niður
til sjávar. Áin var færð til að rýma fyrir íþróttavellinum og líklega ekki síður til að snyrta bæinn á sínum
tíma, þar sem menn áttu í sífelldri baráttu við hana, auk þess sem í hana var kastað bæði skólpi og rusli,
þannig að hún var ekki alltaf til prýði. Myndir: HSk.
Sauðáin í gamla daga
Teikning Sólveigar Olgu af því hvernig svæðið kemur til með að líta út. Byggingin neðst til hægri er Ársalir.