Feykir - 04.10.2012, Blaðsíða 7
37/2012 Feykir 7
Hún gerði tilraun til þess að
komast á leikana í fyrra þegar
hún tók þátt Evrópuleikunum í
Danmörku í maí síðastliðnum.
Þar voru keppendur um 60
konur og 60 karlar og einnig
var keppt í liðakeppni þar
sem 30 lið öttu kappi. Hjördísi
gekk vel á mótinu og endaði
í 8. sæti en það var ekki nóg
til að komast á Heimsleikana
því einungis efstu þrjú sætin
fá að komast alla leið. Þannig
að næst á dagskrá hjá Hjördísi
er að halda áfram að æfa
og vinna hart að markmiði
sínu. Hún segist vera þakklát
styrktaraðilum sínum en hún
er styrkt af Hreysti sem hún
segir hafa stutt vel við bakið
á sér en einnig hefur Under
Armour stutt hana hvað varðar
fatnað. „Ég ætla að æfa mjög
svipað nema í ár ætla ég að
passa mig að æfa meira með
öðrum og fá samkeppni frá
þeim. Einnig ætla ég að vera
duglegri að keppa á minni
mótum til að fá meiri reynslu
fyrir Evrópuleikana, því ég tel
að reynslan skipti miklu máli
þegar komið er á stórmót,“
útskýrir Hjördís og bætir við
í lokin: „Það væri geðveikt að
komast á leikana og keppa við
þær allra bestu í heiminum.“
Feykir óskar Hjördís til
hamingju með sigurinn og
góðs gengis í að ná öllum sínum
markmiðum og draumum.
Vinaliðar frá Noregi í Skagafirði
Allir krakkar með
Í síðustu viku fengum við
góða gesti í heimsókn til
okkar frá Noregi, þá Kjartan
Eide og Tommy Bottenvik.
Þeir eru tveir af höfundum
„Trivselsprogrammet“ eða
Vinaliðaverkefnisins eins og
við höfum kosið að kalla það
hér í Skagafirði.
Haldin voru leikjanámskeið í
íþróttahúsinu á Sauðárkróki,
bæði fyrir nemendur og
starfsfólk grunnskólanna
í Skagafirði. Á haustþingi
KSNV, Kennarasambands
Norðurlands vestra, kynntu
þeir félagar verkefnið fyrir
félagsmönnum ásamt því
að bjóða upp á umræður og
fyrirspurnir um verkefnið í
málstofu.
Vinaliðaverkefnið er fyrst
og fremst forvarnarverkefni
sem hefur það að yfirmarkmiði
að nemendur hlakki til þess
að koma í skólann sinn á
hverjum degi. Ákveðinn fjöldi
nemenda er valinn til þess að
verða vinaliðar og munum við
í fyrstu virkja nemendur í 4.-6.
bekk til þátttöku í verkefninu.
Hlutverk vinaliða gengur
út á það að skipuleggja leiki
í frímínútum og drífa alla
krakka með í leikina. Einnig
er það hlutverk vinaliðanna
að passa upp á yngstu
nemendurna, að þeim líði vel
í frímínútum og vera duglegir
við að virkja nemendur sem
eru einir. Vinaliðar eiga að
hafa augun opin gagnvart
óæskilegri framkomu eða
hegðun nemenda og ber þeim
að tilkynna um slíkt til skólaliða
eða kennara. Til þess að geta
útskrifast sem vinaliði þurfa
krakkarnir að fara í gegn um
leikjanámskeið og fræðslu sem
boðið er upp á með ákveðnu
millibili. Þar læra nemendur
fjölbreytta og skemmtilega
leiki og fá kennslu í því koma
þeim af stað í frímínútum. Rík
áhersla er lögð á að vinaliðar
séu hvetjandi og styðjandi við
nemendur ásamt því að geta
stjórnað leikjum í þann tíma
sem frímínúturnar vara.
Það var líf og fjör á leikjanámskiði Vinaliðanna í íþróttahúsinu á Sauðárkróki.
Selma Barðdal ásamt Kjartan Eide og Tommy Bottenvik.
Hjördís ásamt Aroni kærasta sínum.
Tekið á því á Fit as Fu*k í Kaupmannahöfn.
Hjördís ásamt hinum stúlkunum sem komust á pall á Fit as Fu*k.
Vinaliðaverkefnið er norskt
verkefni og er nú notað í um
800 grunnskólum í Noregi.
Norðmenn tala gjarnan um
verkefnið sem framhald eða
góða viðbót við eineltisáætlun
Olweusar eða aðrar sambæri-
legar eineltisáætlanir. Sem
kunnugt er starfa allir grunn-
skólarnir þrír í Skagafirði eftir
þeirri áætlun. Samkvæmt
norskum rannsóknum fer 60%
eineltis fram á skólalóðinni þrátt
fyrir gæslu af hendi skólans.
Samkvæmt könnunum sem
gerðar hafa verið í þeim skólum
í Noregi sem eru að nota
Vinaliðaverkefnið kemur í ljós
að um mun meiri aldursblöndun
nemenda er að ræða en áður
í frímínútum, stríðni og
ágreiningur hefur minnkað til
muna og mun færri nemendur
eru einir í frímínútum en áður.
Einnig segja um 90% kennara
að verkefnið virki frábærlega eða
vel í sínum skóla.
Árskóli, Grunnskólinn austan
Vatna og Varmahlíðarskóli
hafa nú tekið höndum saman
og hafa ákveðið að innleiða
Vinaliðaverkefnið í skóla-
starfið. Styrkur fékkst úr Sátt-
málasjóðnum til að hrinda
verkefninu í framkvæmd.
Umsjónarmaður verkefnisins
hér verður Selma Barðdal,
uppeldis- og sálfræðiráðgjafi hjá
Fræðsluþjónustu Skagafjarðar.
Hægt er að skoða heimasíðu
verkefnisins í Noregi á eftir-
farandi slóð http://www.
trivselsleder.no/index.aspx.
/ Selma Barðdal Reynisdóttir