Feykir - 04.10.2012, Blaðsíða 8
8 Feykir 37/2012
Tindastóll
Leikmenn Tindastóls 2012-2013
Nú fer leiktímabilið að hefjast hjá körfubolta-
spilurum landsins og kynnum við hér til leiks
úrvalsdeildarlið Tindastóls en deildin sem
keppt er í þetta tímabil nefnist Domino´s
deildin.
Spár þjálfara, fyrirliða og forráðamanna
liðanna var gerð heyrinkunnug í vikunni en þar
er okkar mönnum spáð 9. sætinu, eða ekki sæti
í úrslitakeppninni. Vonum að sú spá rætist ekki.
Fyrsti leikur liðsins verður sunnudaginn 7.
október á Sauðárkróki gegn Stjörnunni klukkan
19:15 og allir hvattir til að láta sjá sig á bekkj-
unum og hvetja Tindastól til sigurs.
Tvo í leikmannahópi Tindastóls vantar í
upptalninguna hér að neðan; þá Reynald Smára
(fæddur 1982, 190 sm bakvörður/framherji) og
Ingimar Jónsson (fæddur 1992, 197 sm fram-
herji). /PF
George Valentine
fæddur 1988
203 sm miðherji
Ragnar Níels Steinsson
fæddur 1979
185 sm bakvörður
Helgi Freyr Margeirsson
fæddur 1982
190 sm bakvörður
Ingvi Rafn Ingvarsson
fæddur 1994
185 sm bakvörður
Sigtryggur Arnar Björnsson
fæddur 1993
182 sm bakvörður
Þorbergur Ólafsson
fæddur 1992
180 sm bakvörður
Helgi Rafn Viggósson
fæddur 1983
197 sm miðherji
Isacc Miles
fæddur 1988
188 sm bakvörður
Sigurður Páll Stefánsson
fæddur 1985
190 sm bakvörður
Hreinn Gunnar Birgisson
fæddur 1989
192 sm framherji
Pétur Rúnar Birgisson
fæddur 1996
185 sm bakvörður
Svavar Atli Birgisson
fæddur 1980
200 sm framherji
Friðrik Hreinn Hreinsson
fæddur 1981
185 sm bakvörður
Birgir Þór Guðmundsson
fæddur 1991
202 sm miðherji
Þröstur Leó Jóhannsson
fæddur 1989
196 sm bakvörður/framherji
Bárður Eyþórsson
þjálfari
Betri stofan opnar á
Hvammstanga
Líf og fjör á
kaffistofunni
Líf og fjör var á sjúkrahúsinu
á Hvammstanga sl. föstudag
en þá var kaffihús opið í
tilefni endurbættrar aðstöðu
til ýmiss félagsstarfs með
tilkomu Betri stofu og smiðju.
Betri stofan kemur til með að
vera notuð fyrir íbúa
sjúkrahússins, gesti og
dagþjónustuna. Sesselja
Kristín Eggertsdóttir segir í
samtali við Norðanátt.is að
margar hugmyndir komi upp í
kollinn með nýtingu Betri
stofunnar. Til dæmis gæti
hún verið nýtt til þemavinnu,
fyrir konu- og karlaklúbba,
fyrir gesti til að koma og
ræða við íbúana og margt
fleira.
„Markmiðið er að fá fólk
utanað til að koma inn á
sjúkrahúsið. Ef þú færð gesti, þá
geturðu boðið þeim þarna inn.“
Þá er smíðastofan líka ný af
nálinni. Hún verður opin oftast
virka daga eftir hádegi og það
sama er að segja um föndur-
stofuna. Morgnarnir í dagþjón-
ustunni eru nýttir í hreyfingu.
Kaffihúsið var vel sótt í sl.
föstudag og kom það Sesselju
Kristínu skemmtilega á óvart.
Þar hljómaði afmælissöngurinn
á kaffihúsinu og í Betri stofunni
en þær systur Þóra Eggertsdóttir
(86 ára) og Elsa Eggertsdóttir
(88 ára) fögnuðu afmæli sínu í
góðra vina hópi í vöfflukaffi.
Til stendur að hafa kaffihúsið
opið annað slagið í framhaldinu
og mun það verða auglýst
sérstaklega. Markmiðið er sem
áður að fá fólk til að kíkja inn á
sjúkrahúsið. „Hér eru allir
velkomnir og fólkinu sem býr
hér finnst voða gaman að fá fólk
í heimsókn,“ segir Sesselja
Kristín og bætir við að íbúar
sjúkrahússins hafi gaman af því
að fá frásagnir af því sem er að
gerast utan sjúkrahússins. Hún
segir það ekki nauðsynlegt að
eiga skyldmenni á sjúkrahúsinu
til að kíkja inn. „Það eru allir
velkomnir, ungir sem aldnir.“
/BÞ
Margir voru samankomnir í kaffihúsinu í Sjúkrahú-
sinu á Hvammstanga. Ljósm.: Norðanátt.is