Feykir - 18.10.2012, Page 6

6 Feykir 39/2012
( LIÐIÐ MITT ) palli@feykir.is
Nafn: Atli Arnarson.
Heimili: Er búsettur í Reykjavík
eins og er, en er fæddur og
uppalinn á Króknum.
Starf: Nemi í Menntaskólanum í
Kópavogi, en annars hef ég starfað
sem mozzarella sérfræðingur hjá
Mjólkursamlagi KS undanfarin þrjú
sumur.
Hvert er uppáhaldsliðið þitt í
enska boltanum og af hverju?
Það er Manchester United og
ástæða þess er sú að ég var alinn
upp í stuðning við liðið, þar sem að
pabbi hefur verið stuðningsmaður
þeirra síðan hann var krakki og
hafa aðrir í fjölskyldunni orðið
stuðningsmenn þeirra í kjölfarið.
Hefur þú einhverntímann lent í
deilum vegna aðdáunar þinnar
á umræddu liði? Já, ég hef nú
nokkuð oft lent í einhverjum
deilum og þá aðallega við þá vini
mína sem eru Poolarar. Það hefur
þó eitthvað minnkað á síðustu
árum þar sem að þeir hafa verið
í baráttu á hinum enda töflunnar.
Hver er uppáhaldsleikmaðurinn
fyrr og síðar? Ryan Giggs og Paul
Scholes hafa alltaf verið í miklu
uppáhaldi, en Tom Cleverley er að
koma sterkur inn þessa dagana.
Hefur þú farið á leik með liðinu
þínu? Já, ég hef tvisvar sinnum
farið og séð þá spila. Fyrra skiptið
var árið 2005 þegar við fjölskyldan
sáum 1-1 jafnteflisleik á móti
Tottenham á Old Trafford. Seinna
skiptið var svo á Wembley árið
2007 þar sem ég og Árni bróðir
minn sáum United vinna Chelsea
í vítaspyrnukeppni í leik um
góðgerðarskjöldinn.
Áttu einhvern hlut sem tengist
liðinu? Já, ég á nú eitthvað eins og
könnur, flögg, trefla og einhverja
búninga.
Hvernig gengur að ala aðra
fjölskyldumeðlimi upp í stuðningi
við liðið? Ég hef nú ekki þurft að
hafa áhyggjur af því þar sem að ég
er yngstur af systkinunum og héldu
allir í fjölskyldunni með liðinu áður
en að ég kom til sögunnar. Við
bræður gerðum þó heiðarlega
tilraun til þess að fá hundinn til
þess að styðja liðið með því að
gefa honum hundaól merktri
félaginu og tókst það framar
vonum, en hann er grjótharður
stuðningsmaður/stuðningshundur
United í dag.
Hefur þú einhvern tímann skipt
um uppáhalds félag? Nei, það
hef ég ekki gert enda ekki ástæða
til.
Uppáhalds málsháttur?
Oft fer bakarinn í köku,
ef honum er gefið á
snúðinn.
Einhver góð saga úr
boltanum? Þegar ég
var á yngra ári í 5. flokki
þá fórum við á mót á Akureyri þar
sem spilaður var sjö manna bolti.
Við vorum að spila við Þór að mig
minnir og afi var að sjálfsögðu
mættur að horfa eins og alltaf
þegar að við spilum á Akureyri.
Við vorum að tapa leiknum og lítið
hafði gengið upp. Svo í eitt skiptið
þegar boltinn fór útaf þá nýtti afi
sér tækifærið og kallaði á mig.
Ég þóttist nú ekki heyra í honum
fyrst þar sem að ég vildi ekki fara í
eitthvað spjall í miðjum leik, en afi
hélt áfram að kalla svo að ég þorði
ekki annað en að líta á hann og þá
kallaði hann mig til sín. Ég hljóp
þá til hans og hann rölti á móti
inn á völlinn og sagði svo við mig
að þetta væri engan veginn nógu
gott hjá okkur og að það vantaði til
dæmis allt kantspil í þennan leik.
Ég kinkaði bara kolli enda vissi ég
líklega ekki almennilega hvað fólst
í kantspili á þessum tíma og hafði
allavega ekki þurft að hafa miklar
áhyggjur af því áður. Ég dreif mig
svo aftur í mína stöðu þar sem að
leikurinn var farinn í gang aftur.
Spurning frá Óskari Smára.–
Hvað hafa mörg rauð spjöld
komið inn um dyragættina á
Lerkihlíð 1 í gegnum tíðina?
Ef ég man rétt þá hefur þessi
spurning nú komið áður í „Liðið
mitt“ á annan hvorn bróður minn.
En þau örfáu spjöld sem við höfum
fengið hafa að sjálfsögðu verið
ranglega dæmd eða fyrir einhvern
misskilning, en ég man þó ekki til
þess að einhver okkar hafi verið
spjaldaður inni á heimilinu.
Hvern viltu sjá svara þessum
spurningum? Hilmar Þór Kárason.
Hvaða spurningu viltu lauma að
viðkomandi?
Heldur þú að Arsenal verði í
einhverri titilbaráttu
á næstu árum eða
áttu von á því að
Wenger haldi
áfram að gefa
frá sér sína bestu
leikmenn?
Enginn spjaldaður heima
Atli Arnarson heldur með Man. Utd.
Fjölmenni í Hamarsbúð
Svipmyndir frá
Huggulegu hausti
Þá er að baki fyrsta Sviða-
messuhelgin hjá þeim
Húsfreyjum á Vatnsnesi
og tókst hún með miklum
ágætum. Magnús Magnússon
sóknaprestur á Hvammstanga
var veislustjóri og söngstjóri
var Guðmundur Þorbergsson
og fóru þeir alveg á kostum að
mati viðstaddra.
Mikill og þjóðlegur matur
var á boðstólnum, m.a. svið í
hinum ýmsu tilbrigðum; söltuð,
reykt, heit og köld; sviðalappir
og reykt kviðsvið með rófu og
kartöflustöppu. Anna Scheving
á Hvammstanga gæddi sér á
góðmetinu og sagði hún kvöldið
hafa verið í alla staði alveg frábært
og vel heppnað. Meðfylgjandi
eru skemmtilegar myndir frá
Önnu. /PF
Skemmtileg dagskrá var á Heimilisiðnaðarsafninu á Blönduósi. Mynd: Húni.isOpið var í Grettisbóli á Laugabakka
Leikið að fornum sið í Grettisbóli Vatnsdæla á refli skoðuð í Kvennaskólanum á Blönduósi.
Sviðamessa á Vatnsnesinu