Feykir - 25.10.2012, Blaðsíða 2

2 Feykir 40/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Að loknum
kosningum
Lýðræðið hefur sigrað, þjóðin hefur valið að leggja tillögur
stjórnlagaráðs til grundvallar að nýrri stjórnarskrá og Alþingi
verður að afgreiða tillögur stjórnlagaráðs óbreyttar fyrir
næstu kosningar. Vitlausar kosningar, illa unnar tillögur
stjórnlagaráðs og óþarfi að fara í heildarendurskoðun á
stjórnarskránni. Hefur einhver heyrt þetta eða eitthvað álíka
eftir nýafstaðnar kosningar? Pólitíkusar hafa túlkað niður-
stöður kosninganna hver á sinn hátt og að sjálfsögðu reynt að
kasta rýrð á andstæðinga sína til að upphefja sjálfa sig eða
sinn málsstað. Glæsilegar kosningar eða ekki? Stjórn
Stjórnarskrárfélagsins lýsir yfir ánægju með skýra og
afdráttarlausa niðurstöðu í þjóðaratkvæðagreiðslunni sem
fram fór þann 20. október sl.
Æ,æ,æ! Að mínu mati kaus þjóðin ekki neitt annað en að sitja
heima hver svo sem ástæðan var. Meira en helmingur
atkvæðabærra manna og þar með þjóðarinnar einnig er slétt
sama um þetta stóra mál, mætti ekki á kjörstað og hefur þá
gert sig ómarktæka til að taka afstöðu um hvort rétt sé að fá
nýja stjórnarskrá eða ekki fyrir okkar litla en dásamlega land,
Ísland. Minnihluti þjóðarinnar, meirihluti þeirra sem kaus,
ræður að þessu sinni og vonandi er um gott mál að ræða.
Svona virkar lýðræðið.
Páll Friðriksson
ritstjóri
Eldur í hesthúsi
Milljóna
tjón
Eldur kom upp í nýlega
byggðu hesthúsi á
Hellulandi í Hegranesi rétt
austan Sauðárkróks um
eitt leytið í fyrrinótt. Mikið
tjón varð en eldsupptök
eru ókunn.
Hesthúsið er mjög illa
farið og allt brunnið sem inni
í því var, reiðtygi og áhöld en
engar skepnur voru í húsinu.
Ekki var ljóst hver eldsupptök
væru þegar blaðið fór í
prentun en ekkert rafmagn
var í húsinu. /PF
Styrktarsjóðsball um
helgina
Skemmtun
og góðgerð-
arsöfnun
Hið árlega Styrktarsjóðs-
ball verður haldið nk.
laugardag á Blönduósi þar
sem tilgangurinn er bæði
að safna fyrir góðum
málefnum sem og að
skemmta sér og öðrum.
Hátíðarkvöldverður hefst
klukkan 20:30 þar sem
fyrirtækjum og hópum er
boðin þátttaka og svo verður
dansað fram á nótt með
hljómsveitinni Von ásamt
Matta Matt. /PF
Landeigendur nyrðra hafna stóriðjulínu
Leggja fram
nýjar hugmyndir
Fundur landeigenda og íbúa
á áhrifasvæði háspennu-
loftlínu sem Landsnet hf.
fyrirhugar að leita leyfis til að
leggja frá Blöndu til Akureyr-
ar, Blöndulínu 3 – 220kV,
hafnar hugmyndinni.
Fundurinn var haldinn í
Engimýri í Öxnadal sl. laugar-
dag og þar var ályktun þessa
efnis samþykkt og jafnframt
voru settar fram nýjar
hugmyndir um betri leiðir og
kröfur vegna segulsviðs.
Hugmynd um 220kV
háspennulínu 107 km leið í
gegnum þrjú sveitarfélög (Svf.
Skagafjörð, Akrahrepp og
Hörgársveit) með upphafs- og
endapunkt í Húnavatnshreppi
og á Akureyri styrkir ekki
landbúnað eða annan almennan
atvinnu-rekstur á því svæði, að
mati landeigenda. Fundurinn
ályktaði að slá verði nú þegar
útaf borðinu gamla og úrelta
hug-mynd um lagningu 220kV
loftlínu frá Blöndu til Akur-
eyrar og byrja uppá nýtt – með
hreint borð. Fyrsta skrefið væri
að meta þörfina heildstætt.
Næsta skref væri að skoða þá
kosti sem opnast hafa undan-
farið á alþjóðamörkuðum um
lagningu háspennujarðstrengja
og máta þá við aðstæðurnar að
teknu tilliti til áhrifa á samfélag
og umhverfi. /PF
SKOTVÍS mótmælir harðlega ákvörðun Húnaþings vestra
Sveitarstjórn
sýnir hroka
SKOTVÍS mótmælir
harðlega ákvörðun
sveitarstjórnar Húnaþings
vestra um að leggja bann við
rjúpnaveiðum á ákveðnum
svæðum sveitarfélagsins
nema gegn greiðslu fyrir
hverja byssu fyrir hvern dag. Í
fréttatilkynningu sem félagið
sendi frá sér segir að þessi
árlega tilkynning
sveitarfélagsins tengist
úrskurðarmáli sem brátt
verður tekið fyrir af
óbyggðanefnd.
„Sveitarstjórn sýnir al-
menningi mikinn hroka með
því að skapa óvissu meðal
veiðimanna um réttarstöðu
þeirra með þessum hætti,“
segir í fréttatilkynningu frá
SKOTVÍS.
Svæðið sem um ræðir er
annarsvegar Víðidalstungu-
heiði ásamt Króki, Stóru-Hlíð,
Stóra-Hvarfi og Öxnatungu, og
hinsvegar Arnarvatnsheiði og
Tvídægra (sem nær niður í
Borgarbyggð).
„Það sem gerir aðgerð
Húnaþings vestra einstaklega
óskammfeilna gagnvart
almenningi þetta árið, er að nú
hefur ríkið einnig gert kröfu á
þetta sama landsvæði sem
jafnframt eykur réttaróvissuna
og breytir réttarstöðu skot-
veiðimanna meðan málið er
tekið fyrir af óbyggðanefnd,“
segir í fréttatilkynningunni. /BÞ
Áskriftarleikur Feyki
Þeir sem duttu í
lukkupottinn voru...
Dregið var í áskriftarleik
Feykis á dögunum en þar var
til mikils að vinna. Í fyrsta
vinning er gisting fyrir tvo á
Hótel KEA og miðar á
leiksýningu að eigin vali á
yfirstandandi leikári hjá
Leikfélagi Akureyrar.
Allir áskrifendur Feykis áttu
möguleika á þeim vinningi og
var það Sigríður Magnúsdóttir
frá Hvammstanga sem datt í
lukkupottinn.
Aðeins nýir áskrifendur
Feykis áttu möguleika á að
vinna annan og þriðja vinning.
Annar vinningur er frábær
snjallsími úr Galaxy seríu
Samsung en síminn hefur allt
sem flottur sími þarf í dag. Það
var Fjóla Björnsdóttir frá
Sauðárkróki sem hreppti vinn-
inginn. Þriðji vinningurinn er
bráðsmart NexTime veggklukka
frá Blóma- og gjafabúðinni á
Sauðárkróki en það var Agnes
Hulda Agnarsdóttir sem hlaut
veggklukkuna.
Feykir óskar vinningshöfum
innilega til hamingju og býður
nýjum áskrifendum velkomna í
áskrift. /BÞ
Byggðarkvóti úthlutaður í vikunni
636 þorskígildistonn
á Norðurland vestra
Atvinnuvega- og nýsköpunar-
ráðherra, Steingrímur J.
Sigfússon, hefur úthlutað
6.707 þorskígildistonna
byggðakvóta fiskveiðiársins
2012/2013. Alls er
byggðakvóta úthlutað til 32
sveitarfélaga og í þeim fengu
49 byggðarlög úthlutun, þar
af fengu sveitarfélög á
Norðurlandi vestra 636
þorskígildistonn.
Samkvæmt heimasíðu ráðu-
neytisins byggir úthlutun
byggðakvótans á upplýsingum
frá Fiskistofu um samdrátt í
botnfiskafla, botnfiskaflamarki
og vinnslu botnfisks annars
vegar og samdrætti í rækju- og
skelvinnslu hins vegar frá
fiskveiðiárinu 2002/2003 til
fiskveiðiársins 2011/2012.
Hámarksúthlutun til byggð-
arlags er 300 þorskígildis-tonn
og fá sex byggðarlög það
hámark, þar á meðal Svf.
Skagaströnd. Lágmarksúthlut-
un er 15 þorskígildistonn, eigi
byggðarlag á annað borð rétt til
úthlutunar og fá fjögur byggðar-
lög þá úthlutun.
Húnaþing vestra fékk
úthlutuð 70 þorskígildistonn í
gær, Blönduósbær fékk 140, Svf.
Skagaströnd 300 og Svf. Skaga-
fjörður 126, þar af Sauðárkrókur
70 og Hofsós 56. /BÞ
Sviðsstjóri framkvæmda-
og veitusviðs
Mælt með
Indriða Þór
Á fundi byggðarráðs Svf.
Skagafjarðar í síðustu viku
var samþykkt að leggja til við
sveitarstjórn að Indriði Þór
Einarsson verði ráðinn
sviðsstjóri framkvæmda- og
veitusviðs sveitarfélagsins.
Indriði er innfæddur Króksari
sonur Einars Gíslasonar og
Soffíu Þorfinnsdóttur á
Sauðárkróki.
Alls sóttu 15 um starfið en
sex umsækjendanna upp-
fylltu menntunarkröfur og
fjórir þeirra voru boðaðir í
viðtöl. Einn þeirra dró
umsókn sína til baka og
Indriði Þór talinn þeirra
hæfastur. Tillaga um ráðn-
ingu Indriða Þórs var lögð
fyrir sveitarstjórn í gær en
ekki var komin niðurstaða
þegar blaðið fór í prentun en
búast má fastlega við að hún
hafi verið samþykkt þar. /PF