Feykir - 25.10.2012, Blaðsíða 10
10 Feykir 40/2012
Vredestein eru
hágæða vetrardekk
sem til er í flestum stærðum
fólksbíla, jepplinga og sendibíla.
Leitið tilboða hjá sölufólki okkar
Bílaverkstæði
Sími 455-4570
Hönnuð til að vernda þig
HESTEYRI 2, SAUÐÁRKRÓKI
Snowtrac Wintrac ComTrac Ice
Arctrac
Söngur, tónlist og ungpíunærföt á
Heimilisiðnaðarsafninu á Blönduósi
Mikil ánægja
með menn-
ingardagskrá
Söngur, tónlist og ungpíu-
nærföt var yfirskrift dagskrár
sem Heimilisiðnaðarsafnið
á Blönduósi stóð fyrir
laugardaginn 13. október
í tilefni af Sögulegri
safnahelgi, sem haldin var
þá helgina. Boðið var upp á
vandaða dagskrá en mikla
ánægju mátti greina á meðal
viðstaddra sem klöppuðu
þeim sem tóku þátt í
dagskránni óspart lof í lófa.
Á meðal þeirra sem komu
fram var Alexandra Cherny-
shova, óperusöngkona og
við tilefnið frumflutti hún
lagið „Over the Rainbow“,
ásamt Sigurdís Söndru
Tryggvadóttur sem spilaði
undir á saxafón. „Alexandra
söng sig inn í hug og hjörtu
viðstaddra, klædd í glæsilegum
gulum silkikjól,“ sagði Elín S.
Sigurðardóttir forstöðukona
Heimilisiðnaðarsafnsins.
Alexandra söng einnig hið
hugljúfa lag „Sofðu unga ástin
mín“, þá klædd í kjól sem er
varðveittur á safninu. „Þetta
var fermingarkjóll Vigdísar
Jack, sem áður bjó á Tjörn
á Vatnsnesi. Móðir Vigdísar
saumaði kjólinn árið 1943
fyrir fermingu dóttur sinnar,“
útskýrði Elín.
Þá fluttu þær Margrét Arna
Vilhjálmsdóttir og Sigurdís
Sandra tónlistaratriði þar
sem Margrét lék á gítar og
Sigurdís spilaði á saxafón.
Undir tónlistinni röltu ungar
stúlkur um á meðal gesta
og allar spókuð þær sig í
nærklæðnaði frá fyrri hluta
20. aldar en stúlkurnar sem
tóku þátt heita: Amalía Ósk
Hjálmarsdóttir, Guðrún Dóra
Sveinbjörnsdóttir, Jóhanna
Skagfjörð Jónsdóttir, Kristrún
Hilmarsdóttir, og Margrét Rún
Auðunsdóttir. Gestum var að
vanda boðið upp á kaffi og
nýbakaðar kleinur en á meðan
söng Margrét Arna og spilaði á
gítar.
Námskeið og
notalegheit
framundan
Að sögn Elínar var sumar-
sýning safnsins „Bútar úr
fortíð“ eftir Írisi Ólöfu Sigur-
jónsdóttur tekin niður í vik-
unni en þess má geta að á
forsíðu Feykis má sjá mynd af
Elínu skarta annarri sjaltreyju
Írisar sem hefur skreytt
sýninguna en treyjuna bjó hún
til úr litlum dúkum, dúllum,
blúndum og milliverkum.
„Oft standa Sumarsýningarnar
uppi frá ári til árs en þegar það
gerist ekki er tínt eitthvað til úr
safnkosti safnsins og sett upp í
sýningarrýmið fram að næstu
sýningu,“ útskýrir Elín.
Elín segir ýmislegt vera á
döfinni hjá safninu, t.d. verður
boðið upp á prjónanámskeið
í upphafi nóvember og þá
mun Helga Thoroddsen
prjónahönnuður leiðbeina
þátttakendum með áherslu
á prjónatækni. Síðar í
mánuðinum verða haldnir
Stofutónleikar á safninu en
þá mun Rut Ingólfsdóttir,
fiðluleikari koma og spila fyrir
gesti. Svo kemur aðventan með
upplestri og kynningu á nýjum
bókum, ásamt heitu súkkulaði,
smákökum og tilheyrandi
notalegheitum. /BÞ
Ungar stúlkur klæddar ungpíunærfatnaði.
Margrét Arna og Sigurdís Sandra léku fyrir gesti Heimilisiðnaðarsafnsins.
Alexandra frumflutti lagið Over the Rainbow. Sigurdís sá um undirleik.