Feykir - 01.11.2012, Blaðsíða 10
10 Feykir 41/2012
Umfangsmikil hópslysaæfing í Skagafirði
Hópslys
sett á svið
Umfangsmikil hópslysa-
æfing fór fram í Skagafirði
sl. laugardag þar sem
stórslys var sett á svið í
Sæmundarhlíð. Að sögn
Vernharðs Guðnasonar
slökkviliðstjóra og formanns
Almannavarnarnefndar
Skagafjarðar og gekk æfing-
in mjög vel. „Skagfirðingar
geta verið mjög ánægðir
með sitt viðbragðslið,“ sagði
Vernharð í samtali við Feyki.
Um 130 manns komu að
æfingunni, þ.e. frá Almanna-
varnanefnd Skagafjarðar,
Björgunarsveitum í Skagafirði,
Brunavörnum Skagafjarðar,
Lögreglunni á Sauðárkróki,
Almannavarnadeild Ríkis-
lögreglustjóra, Heilbrigðis-
stofnuninni á Sauðárkróki
og Rauðakrossdeild Skaga-
fjarðar. Ungliðar í Björgunar-
sveitunum sem sáu um leik
fórnarlamba slyssins og
sagði Vernharð þau hafa sýnt
óskarsverðlaunaleik og ættu
hrós skilið. Það var úthellis-
rigning þennan dag og lét
björgunarfólk það ekki á sig fá,
enda geta slys átt sér stað við
hvaða aðstæður sem er. „Það
var ákveðið að keyra æfinguna
áfram sama hvað kæmi upp
á, það eina sem hefði getað
stöðvað hana væri ef það hefði
komið neyðarútkall sem við
hefðum þurft að sinna,“ sagði
Vernharð.
Þegar blaðamaður Feykis
fór á vettvang blasti við ófögur
sjón þar sem slysstaðurinn
var afar raunverulegur. Þar
átti að hafði orðið alvarlegur
árekstur og mátti heyra öskrin
í slösuðum ungmennum
sem æptu á hjálp. Á staðnum
mátti sjá sjúkrabíla, lögreglu-
bíla, slökkviliðsbíl, tækjabíl,
björgunarsveitarfólk, áfalla-
teymi og fleira. Blaðamaður
Feykis var vinsamlegast beðin
af lögreglunni á vettvangi um
að halda sig fjarri slysstað, líkt
og um raunverulegt slys væri
að ræða.
Síðar fengust þær upplýs-
ingar að þarna hafði átt að
eiga sér stað stórslys þar sem
rúta með 30 nemendum úr
FNV innanborðs hafði lent
saman við fólksbíl. Þegar til-
kynning um slysið barst var
hópslysaáætlun almannavarna
sett í gang og stjórnstöðin var í
Slökkvistöðinni á Sauðárkróki.
Nokkrir einstaklingar áttu að
hafa slasast í slysinu og sumir
þeirra talsvert mikið, án þess
að hægt væri að fara nánar út
í það, og var verið að flytja þá
meiri slasaða til aðhlynningar
í Reykjavík.
Aðstandendum þeirra
slösuðu var bent á að fara á
fjöldahjálparstöð sem var til
húsa í Fjölbrautaskólanum.
Lögreglan átti eftir að rann-
saka tildrög slyssins. /BÞ