Feykir - 08.11.2012, Blaðsíða 9
42/2012 Feykir 9
( TÓN-LYSTIN ) oli@feykir.is
Haukur Freyr Reynisson / svuntuþeysari
Sannleiksstundin...
Tón-lystar-spekingurinn í
þetta skiptið er Haukur Freyr
Reynisson, oft kenndur við
Bæ á Höfðaströnd. Haukur er
fæddur á fyrsta ári áttunda
áratugarins, fyrstu árin alinn
upp í Hveragerði en síðan í
skagfirsku sælunni. Haukur
segist spila á svuntuþeysi
(gamalt orð yfir hljóðgerfil eða
hljómborð) og hans helstu
afrek í tónlistinni eru að vinna
ekki hljómsveitakeppni í
Húnaveri, komast ekki í úrslit í
músíktilraunum en spila svo á
dansiböllum um allt land.
Uppáhalds tónlistartímabil? Ég á
nú ekki beint neitt uppáhaldstímabil.
Það hafa verið hæðir og lægðir þar
eins og í veðrinu. En alltaf verið pínu
veikur fyrir 80´s en rokkið á milli 60
og 70 er líka alveg að gefa manni
helling. En vel að merkja þá var ég
með sítt að aftan!
Hvaða tónlist fær þig til að sperra
eyrun þessa dagana? Of Monsters
and Men eru ofarlega þessa dagana
Hvers konar tónlist var hlustað
á á þínu heimili? Í gamla daga
rámar mig eitthvað í Simon og
Garfunkel, og jafnvel Cliff Richards
og Shadows. Glímt við þjóðveginn
með Brimkló var líka tímamótaplata,
ég minnist þess að hafa vætt kinnar
við það að hlýða á Skólaball, „Ég sá
hana á skólaballinu í gær“ ...þvílíka
dramagelgjan maður!
Hvað var fyrsta platan/diskurinn/
kasettan/niðurhalið sem þú
keyptir þér? -Fyrsta platan var
einhver Best of plata með 80´s
poppstjörnum, fyrsti diskurinn var
Best of DOORS, man ekki eftir
fyrstu kasettunni, en ég niðurhalaði
svakalega mörgum Rásar 2
vinsældalistum niður á kasettur
á sínum tíma og á meira að segja
einhverjar ennþá.
Hvaða græjur varstu þá með?
Glæsilegt, eldrautt Hitatci
kasettutæki!
Hvað syngur þú helst í sturtunni?
Ég hef það fyrir sið að þegja og
hugsa frekar um landsins gagn og
nauðsynjar þegar ég fer í sturtu.
Bítlarnir eða Bob Dylan? Það er
bara málið að Dylan er stundum
of djúpur fyrir mig en ég elska
aftur á móti allar þessar frábæru
lagasmíðar þeirra Palla og Jóns,
maður getur alltaf uppgötvað
eitthvað nýtt á þeim bænum.
Uppáhalds Júróvisjónlagið (erlent
eða innlent eða bæði)? -Waterloo
með ABBA flokknum tvímælalaust
og síðan kemur Hubba hulle, með
þeim ísraelsku Dattner og Kushnir,
sterkt inn. Gleðibankinn hans
Magga Eiríks og ekki má gleyma
Nínu með Stebba og Eyfa.
Þú heldur dúndurpartí í kvöld,
hvað læturðu hljóma í græjunum
til að koma öllum í stuð? -Það
klikkar sjaldan að smella einhverju
góðu diskói í gang. Það situr engin
kyrr með Gibba gibb í eyrunum eða
Mikka Jackson heitinn.
Þú vaknar í rólegheitum á sunnu-
dagsmorgni, hvað viltu helst
heyra? -Fuglasöng í e-moll fyrir utan
gluggann.
Þú átt þess kost að fara hvert
sem er í heiminum og skella
þér á tónleika. Hvert færirðu,
hvaða tónleika og hvern tækirðu
með þér? -Mundi skreppa til Ríó í
Brasilíu með minni ástkæru og sjá
ellilífeyrisþegana í Rolling Stones
og taka svo risatónleika með U2
á Wembley á heimleiðinni. Konan
gæti verslað á Oxford Street í
leiðinni. Gott plan?
Hvaða tónlistarmann hefur þig
dreymt um að vera? -Nú kemur
stóra sannleiksstundin… Sko,
þegar ég var ungur þá veggfóðraði
ég herbergið mitt með myndum af
gaurunum í Duran Duran, og ég
svaf með mynd af Nick Rhodes
við höfðagaflinn, svona létt sjúkur!
En í stuttu máli þá dreymdi mig
um að vera hljómborðsleikarinn
í bandinu, vá þetta var erfitt…en
miklu síðar fékk ég að upplifa gömlu
goðin á tónleikum í Egilshöll, sællar
minningar, en þá var ég búinn að
skipta Nick út fyrir mynd af konunni,
ég segi bara vel valið!
Hver er að þínu mati besta plata
sem gefin hefur verið út? Nú er
valið orðið erfitt, enda mjög huglægt
mat á tónlist að segja hvað er
nákvæmlega best. Ég er nú svo
mikill Ragnar Reykás í þessum
efnum en til að nefna eina plötu þá
segi ég Sgt. Peppers Lonely Heart
Club Band með Bítlunum.
Sex vinsælustu lögin á Play-
listanum þínum? Því miður á ég
ekkert tæki sem gefur mér tækifæri
til að gera playlista, þannig að lítið
verður um svör enda færi það bara
eftir dögum hvað væri vinsælast í
það og það skiptið.
meðan á dvöl erlendu nem-
anna stóð.
Erlendu gestirnir komu til
Íslands síðla dags laugardaginn
20. október, margir hverjir eftir
langt og strangt ferðalag. Í
ferðinni skoðuðu erlendu
nemendurnir ýmsar íslenskar
náttúruperlur er tengjast vatni,
s.s Gullfoss og Geysi, fóru í Bláa
Lónið, skoðuðu náttúru og
jarðhitasvæðin við Mývatn og
heimsóttu ýmis fyrirtæki á
Sauðárkróki auk þess að flytja
og bera saman þau sam-
eiginlegu verkefni er allir
nemendur hafa unnið að
undanförnu. Verkefni nemend-
anna sneru öll með einum eða
öðrum hætti að vatni. T.d.
hvaðan vatnið kemur, hversu
mikið vatn við notum og hver
gæði og magn vatnsins eru.
Erlendu gestirnir fóru síðan
heim laugardaginn 27. október.
Samkvæmt könnun sem
gerð var í lok heimsóknarinnar
voru gestirnir mjög jákvæðir í
garð FNV, íslensku nemend-
anna og aðstandenda þeirra.
Þeim þótti hlýja fólks mikil og
vel tekið á móti þeim hvar sem
þau fóru. Margt þótti þeim
merkilegt í heimsókninni en
segja má að íslensk náttúra hafi
verið sigurvegarinn í þessari
heimsókn, en allir nemendurnir
og kennararnir voru undrandi
yfir hversu fallegt landið er.
Eina sem þau söknuðu var að
sjá ekki Norðurljósin, sem er
augljóslega meira undur en
flestir Íslendingar gera sér í
hugarlund. Heimsóknin tókst
því vel í alla staði og nemendur
sýndu áhuga á að taka áfram
þátt í verkefninu.
Íslensku nemendurnir voru
sælir og ánægðir með það
hvernig heimsóknin tókst til og
kvöddu gesti sína á miðnætti
föstudagskvöldið 26. október.
Það sem eftir situr er afar
viðburðarrík vika jafnt fyrir
nemendur, kennara og að-
standendur íslensku nemend-
anna þar sem allstór hópur
nemenda náði að stilla saman
strengi sína á undrastuttum
tíma. Íslensku nemendurnir
nefndu nokkur atriði sem
stóðu upp úr í heimsókninni.
Til dæmis eignuðust þau vini,
sem þau munu hafa samband
við eftir að verkefninu líkur,
fengu þjálfun í að tala ensku og
í að kynna landið fyrir útlend-
ingum. Allir nemendurnir
hlakka til að fara í heimsókn til
hinna skólanna, fá að gista inn
á heimilum og kynnast menn-
ingu og siðum nemendanna
frá hinum löndunum.
Þrátt fyrir að gestirnir séu
farnir heldur verkefnið áfram
með vinnu að margvíslegum
verkefnum og kynningum er
tengjast vatni á sögulegan,
landfræðilegan og menningar-
legan hátt sem undirbúningur
undir næstu heimsókn sem er
til Finnlands vikuna 19. – 25.
janúar 2013.
Undirrituð þakkar öllum
þeim fyrirtækjum og aðilum
sem tóku á móti þessum hópi
með kynningar á starfsemi
sinni en þó ekki síst aðstand-
endum þeirra nemenda FNV
sem taka þátt í verkefninu fyrir
mikilvægan stuðning vikuna
20.-27. október.
Nína Þóra Rafnsdóttir
Framhaldsskólakennari FNV
Gaman saman.
Umhverfi Sauðár kannað.
Fréttatilkynning: Blönduós
Til styrktar Guðjóni Óla
Fjölskylduskemmtun verður
haldin í Félagsheimilinu á
Blönduósi 10. nóvember nk.
frá kl. 15:00-17:30.
Meðal þeirra sem koma
fram má nefna Ingó veðurguð,
Gísla Einarsson úr Landanum
auk tónlistarfólks úr Húna-
vatnssýslu. Treyjuuppboð
verður á staðnum, m.a. árituð
treyja Gylfa Þórs Sigurðssonar
hjá Tottenham, árituð treyja frá
Aroni Pálmasyni hand-
boltamanni í Kiel og Íslands-
meistaratreyja FH í knatt-
spyrnu með áritun allra
leikmanna liðsins og margar
margar fleiri.
Þá verður boðið uppá
kökuhlaðborð þannig að
enginn þarf að fara svangur
heim. Skemmtunin er haldin
til að sýna samstöðu í verki
með Guðjóni Óla og fjölskyldu
hans en hann veiktist alvarlega
fyrr á þessu ári, aðeins nokk-
urra vikna gamall. Allur ágóði
af þessari skemmtun rennur
því óskertur til fjölskyldu hans.
Miðaverð er aðeins kr.
2.000 fyrir fullorðna (16 ára og
eldri) og frítt fyrir börn í fylgd
með fullorðnum. Forsala að-
göngumiða fer fram í íþrótta-
miðstöðinni á Blönduósi og í
íþróttahúsinu á Skagaströnd
miðvikudaginn 7. nóvember
frá kl. 16:00-18:00. Einnig er
hægt að gera miðapantanir á
netfangið eysteinnp@simnet.is
frá og með kl. 16:00 sama dag.
Þá hefur verið opnaður
bankareikningur í tilefni fjöl-
skylduskemmtunarinnar og
geta þeir sem ekki komast en
vilja sýna stuðning lagt inná
eftirfarandi reikning: 0307-13-
2012 kt. 110280-4249. Gerum
okkur glaðan dag saman og
vonandi sjáum við sem flesta.
Ungmennafélagið Hvöt
ásamt vinum og ættingjum!