Feykir - 22.11.2012, Blaðsíða 4

4 Feykir 44/2012
Fjölgun refa og fjárframlög
til refaveiða er dæmi um það
mikla skilningsleysi sem ríkir
hjá umhverfisráðherra fyrir
hönd Vinstri grænna þegar
kemur að málefnum
landsbyggðar og
landbúnaðar.
Það er staðreynd að refum
hefur fjölgað gríðarlega á land-
inu með tilheyrandi nei-
kvæðum áhrifum. Víða er
orðið lítið mófuglalíf og dýr-
bítum fjölgar, líkt og óveðrið í
haust sýndi okkur. Þrátt fyrir
stefnu ríkisstjórnarinnar virðist
skilningur einstakra stjórnar-
liða vera að aukast á mikilvægi
þess að efla refaveiðar og endur-
skipuleggja þær.
Vilja friða ref
Fátt bendir til annars en að
ríkisstjórnin með umhverfis-
ráðherra í stafni vilji friða refi. Í
umræðum um refaveiðar á
Alþingi nýlega sagði umhverfis-
ráðherra að ekkert lægi fyrir
um áhrif refaveiða á fuglalíf og
dýrbitið fé og rannsaka þyrfti
málið frekar. Í ljósi mikillar
umræðu um fjölgun refa væri
hins vegar búið að skipa
sérstaka nefnd til að fara yfir
hvort bregðast þyrfti við.
Í fjárlagafrumvarpi sem lagt
var fram á fyrsta ári ríkis-
stjórnarinnar hafði umhverfis-
ráðherra tekið út fjárveitingar
til refaveiða. Fjárlaganefnd
ákvað hins vegar að setja aftur
inn fjárveitingu til refaveiða.
Rökin voru m.a. að virðis-
aukaskattur af refaveiðum
hefði, vegna mótframlags frá
sveitarfélögum, verið hærri en
fjárframlag ríkisins. Fjárlaga-
nefnd beindi þeim tilmælum
jafnframt til ríkisstjórnarinnar
að endurskipuleggja refaveiðar
á landsvísu og leggja fram
tillögur við næstu fjárlagagerð.
Ári síðar var umhverfisráðherra
aftur búinn að strika þennan lið
út úr fjárlögum og hafði þá
Refaveiðar – skyn-
semi í stað öfga
fengið nægilega marga þing-
menn í lið með sér.
Skynsemin sigrar að lokum
Eftir því sem fjallað er meira
um málið og fréttum af dýr-
bitnu fé og fækkun fugla fjölgar
hafa einstakir stjórnarliðar lýst
vilja til að endurskoða ákvörð-
un umhverfisráðherra. Sem
dæmi eru nokkrir stjórnarliðar
meðflutningsmenn þingsálykt-
unartillögu sem undirritaður
hefur lagt fram og snýst um að
endurskoða skipulag refaveiða.
Í mjög mörgum umsögnum
landsbyggðarsveitarfélaga um
fjárlagafrumvarp 2013 er
fjárlaganefnd hvött til þess að
setja inn fjármagn til refaveiða.
Formaður fjárlaganefndar lét
hafa eftir sér nýverið á Alþingi
að þetta mál væri til skoðunar í
fjárlaganefnd og hans vilji stæði
til að endurskoða málið við
afgreiðslu fjárlaga 2013. Á
meðan öfgarnar ráða för fjölgar
refnum áfram, fugli fækkar og
dýrbitið fé verður algengari
sjón. Skynsemin mun sigra
öfgarnar í þessu líkt og öðru,
það er spurning hvort það
gerist við afgreiðslu fjárlaga
fyrir árið 2013 eða með
alþingiskosningum í apríl á
næsta ári.
Ásmundur Einar Daðason
Alþingismaður
Framsóknarflokksins
AÐSENT ÁSMUNDUR EINAR DAÐASON SKRIFAR
Aðalfundur Sögufélags
Skagfirðinga var haldinn í
Safnahúsinu föstudaginn 9.
nóvember. Formaður flutti
skýrslu þar sem fjallað var um
helstu viðfangsefni félagsins
síðasta árs þar sem m.a. kom
fram að félagið hefði gefið út
33. hefti Skagfirðingabókar á
árinu 2011 og einnig VI bindi
Byggðasögu Skagafjarðar sem
fjallaði um Hólahrepp.
Ólöf Sigurðardóttir á Sauð-
árkróki hófst á haustdögum
handa við að ljúka gerð
rafrænnar nafnaskrár yfir þá
sem þættir eru um í Skag-
firskum æviskrám. Því verki
lauk sl. vor. Ragnar Eiríksson
sem lést á sl. ári hafði verið með
þetta verk í smíðum en tókst
ekki að ljúka því. Þetta var
kynnt á fundinum sem hluti af
heimasíðu félagsins og er nú
hægt á augabragði að fletta upp
hvort búið er að skrifa ævi-
skrárþátt um einhvern tiltekinn
Skagfirðing, og þá hvar hann er
að finna. Skagfirskar æviskrár
eru orðnar 18 talsins og ein-
staklingar orðnir 6-7 þúsund
talsins sem skrifað hefur verið
um í þessum bókum. Menn-
ingarráð Norðurlands vestra
hefur á undanförnum árum
tvívegis styrkt gerð þessarar
skráar.
Í reikningum félagsins kom
fram að félagið er að heita má
skuldlaust og var rekið með
tæplega 135 þúsund króna
hagnaði á síðasta ári. En
Byggðasaga Skagafjarðar, sem
félagið gefur út, hefur sjálfstætt
bókhald og fjárhagur hennar
kemur ekki við annan rekstur
Sögufélagsins.
Hjalti Pálsson og Sigfús Ingi
Sigfússon áttu að ganga úr
Nafnaskrá æviskránna
komin á vefinn
stjórn en voru báðir endur-
kjörnir.
Sigfús Ingi Sigurðsson
kynnti heimasíðu félagsins og
Unnar Ingvarsson fór sérstak-
lega yfir nafnaskrá æviskránna
sem nú er öll komin inn á
síðuna.
Formaður ræddi nokkuð
um fyrirhugaðar útgáfur næsta
árs. Stefnt er að útgáfu á ævi-
minningum Ólafs Jóhannes-
sonar f.v. forsætisráðherra sem
félagið hefur undirbúið en
Ólafur fæddist í Fljótum árið
1913 og verður útgáfan því
jafnframt 100 ára minningarrit.
Vilji er líka til að gefa út á næsta
ári nýtt bindi af skagfirskum
æviskrám ef tími og starfs-
maður fæst til útgáfunnar.
Fleiri hugmyndir voru reifaðar,
skemmra á veg komnar.
Svo skemmtilega vildi til að
85 ára afmælisdag Egils Bjarna-
sonar f.v. héraðsráðunautar bar
upp á sama dag og aðalfund
Sögufélagsins, 9. nóvember. Á
árunum 1996-2007 vann Egill
að öflun og úrvinnslu efnis til
Byggðasögu Skagafjarðar. Frá
2007 til 2011 vann hann fyrir
félagið að ritun æviskrárþátta
og er nú fyrirliggjandi efni í 3-4
bækur, sumt fullbúið, annað á
vinnslustigi. Að tillögu for-
manns samþykkti stjórn og
aðalfundur félagsins einróma
að gera Egil að heiðursfélaga
Sögufélags Skagfirðinga í þakk-
lætisskyni fyrir gríðarmikla
vinnu í þágu skagfirskra fræða,
fyrst við Byggðasöguna en síðar
þriggja ára starf við æviskrárn-
ar sem var að langstærstum
hluta sjálfboðavinna.
Sögufélag Skagfirðinga var
stofnað 16. apríl 1937 og er því
orðið 75 ára. Stjórn félagsins er
óbreytt frá fyrra ári. Hana skipa
nú eftirfarandi: Hjalti Pálsson
formaður. Meðstjórnendur
Sigfús Ingi Sigfússon, Sigríður
Sigurðardóttir, Sigríður Þor-
grímsdóttir og Unnar Ingvars-
son. Heimili og starfsvettvangur
félagsins er í Safnahúsinu á
Sauðárkróki og hefur svo verið
í rúmlega 40 ár. Það hefur á
starfstíma sínum gefið út
hartnær 100 bækur og rit úr
sögu héraðsins.
Netfang Sögufélags Skag-
firðinga er saga@skagafjordur.
is en heimasíðan er http//
sogufelag.skagafjordur.is/
/Hjalti Pálsson
AÐSENT SÖGUFÉLAG SKAGFIRÐINGA
Sigfús Ingi Sigfússon kynnir heimasíðu félagsins. Sigríður Þorgrímsdóttir fylgist með. Mynd: Hjalti P.
Skagfirðingar á Silfurleikum ÍR í Laugardalshöll
Sextán verðlaun
Frjálsíþróttadeild ÍR hélt sína
árlegu Silfurleika ÍR í
Laugardalshöllinni laugar-
daginn 17. nóvember. Skv.
heimasíðu Tindastóls kepptu
13 Skagfirðingar á leikunum
og unnu til 16 verðlauna.
Þá sigraði Jóhann Björn
Sigurbjörnsson í 60m hlaupi í
flokki 16-17 ára pilta. Auk þess
unnu Skagfirðingar til 12 silfur-
verðlauna og 3 bronsverðlauna á
mótinu. „Aðrir keppendur UMSS
stóðu sig líka með sóma og voru
framarlega í sínum greinum,“
segir á heimasíðu Tindastóls.
Verðlaunahafar UMSS:
Jóhann Björn Sigurbjörnsson (16-17):
1. sæti í 60m og 2. sæti í 200m hlaupi.
Fríða Ísabel Friðriksdóttir (14):
2. sæti í 60m, 200m, 60m grindahlaupi
og þrístökki.
Ragna Vigdís Vésteinsdóttir (15):
2. sæti í 60m, 60m grindahl. og hástökki.
Ari Óskar Víkingsson (11):
2. sæti í 60m hlaupi.
Berglind Gunnarsdóttir (11):
2. sæti í kúluvarpi.
Sæþór Már Hinriksson (12):
2. sæti í þrístökki.
Vala Rún Stefánsdóttir (13):
2. sæti í kúluvarpi.
Hrafnhildur Gunnarsdóttir (14):
3. sæti í 60m grindahlaupi og kúluvarpi.
Elínborg Margrét Sigfúsdóttir (13):
3. sæti í 600m hlaupi.
Á heimasíðunni segir að met-
þátttaka hafi verið á mótinu að
þessu sinni, skráðir keppendur
voru 666 talsins og í mörgum
greinum voru keppendur á
bilinu 40-60 talsins. /BÞFERSKUR Á NETINU
Feykir.is
Hafðu samband!
Hafðu samband í síma 455 7176
eða sendu Feyki póst á
feykir@feykir.is