Feykir - 06.12.2012, Blaðsíða 10
10 Feykir 46/2012
1. sæti Landakirkja í Vestmannaeyjum
að hætti Evu Berglindar og
Önnu Baldvinu
Víðimýrarkirkja
2. sæti Árbæjarkirkja að hætti Grétu
Maríu, Önnu Baldvinu og
Stefaníu Malenar.
3. sæti Akureyrarkirkja
að hætti Gunnars Freys og
Valgeirs Guðjóns
Landakirkja laglegust
Piparkökuhúsakeppni í Varmahlíðarskóla
Nemendur í Varmahlíðarskóla kepptu um hver ætti flottasta piparkökuhúsið sl. þriðjudag en það voru nemendur sem höfðu tekið piparkökuhúsagerð sem valfag sem
spreyttu sig á þessari girnilegu listsköpun. Þema piparkökuhúsanna var kirkja og voru gerð alls tíu hús, hvert öðru glæsilegra.
Það voru þær Eva Berglind Ómarsdóttir og Anna Baldvina Vagnsdóttir sem báru sigur úr býtum með piparkökuhús sitt sem var Landakirkja í Vestmannaeyjum. Í 2. sæti voru
Gréta María Halldórsdóttir, Anna Baldvina Vagnsdóttir og Stefanía Malen Halldórsdóttir með Árbæjarkirkju og í 3. sæti voru þeir Gunnar Freyr Þórarinsson og Valgeir Guðjón
Egilsson með Akureyrarkirkju.
Það var augljóslega mikill metnaður lagður í piparkökuhúsin en að sögn Bryndísar Bjarnadóttur heimilisfræðikennara lærðu nemendurnir fyrst að gera mót af húsunum,
svo voru þau sett saman og skreytt með ýmsu sælgæti og glassúr. /BÞ
Víðimýrarkirkja
Hallgrímskirkja
Verðlaunahafarnir
Akureyrarkirkja