Feykir - 13.12.2012, Blaðsíða 2

2 Feykir 47/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Hrafnhildur Viðarsdóttir – hrafnhv@nyprent.is
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
BioPol á Skagaströnd fær Hvatningarverðlaun SSNV
Dugnaður og fram-
sýni hjá BioPol
Dagur atvinnulífsins á
Norðurlandi vestra var
haldinn þann 5. desember sl.
í Kántrýbæ á Skagaströnd en
viðburðinum er ætlað að
skapa vettvang til kynningar
á starfsemi sem fram fer á
svæðinu og umræðu um
atvinnumál. Árlega eru
hvatningarverðlaun veitt til
fyrirtækis á starfssvæði
samtakanna með það að
markmiði að hvetja til
nýsköpunar og þróunar og
vekja athygli á því sem vel er
gert á Norðurlandi vestra.
Að þessu sinni voru það
fimm fyrirtæki í Austur-Húna-
vatnssýslu sem fengu tilnefn-
ingar; Menningarfélagið Spá-
konuarfur, Blöndubyggð ehf.,
Ullarþvottastöð Ístex, SAH
Afurðir og Sjávarlíftæknisetrið
BioPol á Skagaströnd sem að
lokum hreppti verðlaunin vegna
þess dugnaðar og framsýni sem
stjórnendur hafa sýnt við
uppbyggingu fyrirtækisins.
Sjávarlíftæknisetrið BioPol
var stofnað árið 2007 af
Sveitarfélaginu Skagaströnd og
var ætlað að koma á fót þekk-
ingarsetri þar sem rannsóknir á
lífríki hafsins og hagnýting
staðbundinna auð-linda úr
Húnaflóa væru í forgrunni.
Fyrirtækið hefur nú þegar
skapað sér nokkra sér-stöðu
með rannsóknarverkefn-um,
m.a á útbreiðslu grásleppu hér
við land, hagnýtingu svif-
þörunga til eldsneytisfram-
leiðslu, kortlagningu og lífríkis-
rannsóknum á ræktunarstöðum
fyrir krækling og nýtingu
ígulkera til manneldis, svo
eitthvað sé nefnt.
Verðlaunagripurinn að þessu
sinni kemur frá listamanninum
Erlendi F. Magnússyni á
Blönduósi en hefð er fyrir því að
verðlaunagripirnir fyrir þennan
viðburð séu unnir af lista-
mönnum á starfssvæði sam-
takanna. /PF
Sparisjóðurinn lætur gott af sér leiða
Gjafakort fyrir jólin
Á dögunum afhenti Spari-
sjóður Skagafjarðar fulltrúa
félagsþjónustunnar í
Sveitarfélaginu Skagafirði
fjárframlag í formi gjafakorta
handa þeim sem höllum fæti
standa í samfélaginu.
Slík hefð hefur skapast hjá
sjóðnum í desember ár hvert
enda leggur hann metnað sinn í
að styðja við skagfirskt samfélag.
Myndin er tekin við þetta
tækifæri og er það Gunnar
Sandholt félagsmálastjóri sem
tekur við gjafakortunum úr
hendi Sigurbjörns Bogasonar
útibússtjóra. /PF
LEIÐARI
Eru jólasveinarnir til?
Í Kastljósþætti í vikunni mætti til viðtals heimsspekingur og
ræddi um það hvort rétt sé siðferðilega að telja börnum trú
um að jólasveinarnir væru til. Því var velt upp hvort börnin
ættu heimtingu á því að vita sannleikann eða leyfa þeim að
halda áfram að taka þátt í skemmtilegu ævintýri. Hvort er
betra að lifa hamingjusamur í lyginni eða óhamingjusamur í
sannleikanum, var spurt. Sannkallaðar heimspekilegar
umræður en kannski ekki á hárréttum tíma að margra mati.
Þar er ég sammála, það væri mun skemmtilegra að ræða þetta
í júlí. En hvort jólasveinarnir eru raunverulegir get ég ekki
skýrt frá en þeir eru vissulega til, ég hef séð þá með eigin
augum og þegið af þeim góðgerðir. Þeir hafa líka gert mér
grikk, skellt hurðum, stolið matvælum og kíkt á glugga svo
eitthvað sé nefnt og það sem verra er, og það á tímum jöfnuðar,
mismunað fólki með gjöfum sínum.
Páll Friðriksson
ritstjóri
Jólaverslun í rafmagnsverkstæðinu Átak
„Það vantaði jóla-
verslun á Blönduósi“
Jólaverslun opnaði nýverið í
rafmagnsverkstæðinu Átaki
en eigendur verkstæðisins og
jólaverslunarinnar eru hjónin
Jónas Þór Sigurgeirsson og
Bryndís Sigurðardóttir.
Jólaverslunin segir Bryndís
hafi verið einskonar
skyndihugdetta sem hún fékk
í byrjun nóvember og opnaði
verslunin 20. nóvember sl.
„Mér datt þetta bara í hug.
Það eru engar búðir hér á
Blönduósi með jólavörur. Ég sé
um bókhaldið fyrir rafmagns-
verkstæðið og átti lausan tíma
frá kl. 14-18 og sló til. Hugsunin
var að vera með jólaljós og
einhverjar gjafavörur og svo
hefur þetta undið upp á sig,“
segir Bryndís. „Nú erum við
búin að bæta við okkur allskonar
heimilistækjum, perum og ódýr
blekhylki en þau fengust ekki á
Blönduósi,“ segir hún. Í jóla-
versluninni eru þau með umboð
fyrir Siemens og Smith og
Norland og segir Bryndís að þau
séu seld á sama verði og í
Reykjavík, án þess að send-
Maður ársins á
Norðurlandi vestra
Auglýst eftir
tilnefningum
Eins og áður auglýsir Feykir
eftir tilnefningum um mann
ársins á Norðurlandi vestra.
Tilnefningunni skal koma til
Feykis á netfangið feykir@
feykir.is í síðasta lagi
sunnudaginn 16.
desember.
Tilgreina skal nafn og gera
stutta grein fyrir viðkomandi
einstaklingi og rökstyðja valið
á einhvern hátt. /PF
Halldór G. Ólafsson framkvæmdastjóri Biopol tekur við Hvatningarverðlaununum frá Jóni Óskari
Péturssyni framkvæmdastjóra SSNV. Mynd: SSNV
Nýr héraðsdýralæknir í
Norðvestur umdæmi
Björn Stein-
björnsson
ráðinn
Matvælastofnun hefur ráðið
Björn Steinbjörnsson
dýralækni til að taka við
embætti héraðsdýralæknis í
Norðvestur umdæmi frá og
með næstu áramótum og
verður aðsetur hans á
umdæmisskrifstofunni á
Sauðárkróki.
Samkvæmt fréttatilkynn-
ingu frá Matvælastofnun
hefur Björn unnið hjá stofn-
uninni og fyrirrennurum
hennar frá því um 2000 – fyrst
sem héraðsdýralæknir á
Austurlandsumdæmi nyrðra
– síðan sem dýralæknir inn-
og útflutningseftirlits og nú
síðustu árin sem dýralæknir
svínasjúkdóma og einnig sem
dýralæknir lyfjamála.
Björn Steinbjörnsson er
Skagfirðingur, uppalinn á
Hafsteinsstöðum í Staðar-
hreppi hinum forna. /BÞ
ingarkostnaður leggist ofan á.
Bryndís segir viðtökurnar hafi
verið hreint út sagt ótrúlegar. „Ég
hef bara ekkert komist í
bókhaldið,“ segir hún og hlær.
„Einn daginn tæmdist meira að
segja búðin alveg. Ég er ekki með
rosalega mikið af hverri vöru, ég
reyni frekar að vera með
fjölbreytt og eitt af hverju. Þetta
er búið að vera rosalega gaman,“
bætir hún við. Bryndís segist
ætla að sjá hvernig málin þróast
og hvort hún haldið áfram með
verslunina en þangað til verður
hægt að líta við í jólastemninguna
fram að jólum, hlusta á jólalög
og fá sér kaffi og smákökur.
Verslunin er opin frá kl. 14-18 á
virkum dögum en kl. 13-18 á
laugardögum. /BÞ