Feykir - 13.12.2012, Blaðsíða 5

47/2012 Feykir 5
ÍÞRÓTTAFRÉTTIR FEYKIS > www.feykir.is/ithrottir
Fyrstu stig Tindastóls náðust í Ljónagryfjunni
Heimaleikur í kvöld
Lið Tindastóls í Domino´s
deildinni gerði góða ferð í
Njarðvík í síðustu viku er þeir
mættu liði heimamanna í
Domino´s deildinni. Stólarnir
þurftu svo sannarlega á
stigunum tveimur að halda
enda þau fyrstu sem þeir
landa í deildinni þessa
leiktíðina.
Njarðvíkingar hafa þrjá unna
leiki í tölfræðinni og sex töp og
eru tveimur sætum ofar en
Tindastóll sem situr á botninum
í tólfta sæti. Leikurinn var
nokkuð kaflaskiptur þar sem
liðin skiptust á að leiða. Eftir
fyrsta leikhluta var staðan 22:28
fyrir Stólana en Njarðvíkingar
leiddu í hálfleik 46:40. Eftir
þriðja leikhluta var staðan 66:58
fyrir heimamenn en spennan
náði hámarki í fjórða leikhluta
þegar Stólarnir náðu að jafna
þegar tæp ein og hálf mínúta var
til leiksloka 78:78 og unnu svo
langþráðan sigur með 86 stigum
gegn 80.
Landsliðsæfingar í fótbolta
Norðvestlendingar kallaðir til
George Valentine var
stigahæstur Stólanna með 21 stig
og tók 7 fráköst, Drew Gibson 18
stig og 6 fráköst auk 11
stoðsendinga. Stigahæstur
Íslendinganna voru þeir Þröstur
Leó Jóhannsson með 16 stig og 4
fráköst og Helgi Rafn Viggósson
með 14 stig og 10 fráköst.
Í kvöld taka Stólarnir á móti
ÍR en þeir hafa náð þremur
sigurleikjum í deildinni og eru í
9. sæti með 6 stig. Búið er að setja
á leik Tindastóls og Skallagríms
sem þurfti að fresta á dögunum
vegna veðurs. Nýr leikdagur er
10. janúar kl. 19:15.
/PF
Framtíð skólamála í Húnaþingi vestra
Mikilvægt að varpa umræð-
unni fram í samfélagið
Kynningarfundur um framtíð
skólamála í Húnaþingi vestra
var haldinn í Félagsheimilinu
á Hvammstanga þann 27.
nóvember sl. þar sem
sérstakur starfshópur kynnti
niðurstöður sínar. Megin-
markmið hans var að leita
leiða til að flytja allt skóla-
hald frá Laugarbakka yfir á
Hvammstanga. Feykir hafði
samband við Eydísi
Aðalbjörnsdóttur fræðslu- og
félagsmálstjóra í Húnaþingi
vestra og spurði hana nánar
út í málið.
Eydís segir að sem starfsmaður
í nýju og viðamiklu starfi sé
margt sem þurfi að horfa til og
kynna sér. Eitt af því sem hún
fór í gegnum voru skýrslur
varð-andi skólahald í sveitar-
félaginu sem unnar hafa verið
síðustu árin. „Í skýrslu sem
unnin var árið 2006 voru
ýmsir kostir varðandi skóla-
hald teknir fyrir, fyrst og
fremst út frá fjárhagsstærðum.
Í henni var reifuð færsla á
skólahaldi frá Laugarbakka til
Hvammstanga og talin góð en
til þess að af henni yrði þyrfti
að stækka grunnskólann og
þar inni væri líka tónlistar-
skólinn,“ segir Eydís. Hún
bætir við að starfshópur hafi
unnið að útfærslu á þessari
tillögu en ljóst var að þessi leið
hefði orðið mjög dýr fyrir
sveitarfélagið. „Árið 2010 fékk
Mennta- og menningarmála-
ráðuneytið Attentus til liðs við
sig til að gera úttekt á
Grunnskóla Húnaþings vestra.
Sú úttekt er fyrst og fremst á
innra starfi skólans. Þar kemur
líka fram ávinningur að hafa
grunnskólann alfarið á
Hvammstanga,“ útskýrir Eydís
og segir að þessu til viðbótar
séu ýmis tækifæri falin í nýrri
aðalnámsskrá til samþættingar
á skólastigum, sem eru mikils
virði í námi nemenda.
„Eftir að hafa kynnt lítillega
fyrir sveitarstjórn hugmynd
um flutning á skólahaldi frá
Laugarbakka til Hvammstanga
fengum við umboð frá
sveitarstjórn í lok júní til að
skoða hvort þessi valkostur
væri mögulegur,“ segir hún en
auk Eydísar skipa starfshópinn
Guðrún Lára Magnúsdóttir
leikskólastjóri Ásgarðs og
skólastjóri á Borðeyri,
Sigurður Þór Ágústsson skóla-
stjóri Grunnskóla Húnaþings
vestra og Sigrún Einarsdóttir
aðstoðarskólastjóri Grunn-
skóla Húnaþings vestra.
Áhugaverð nálgun
„Við völdum okkur að svara
eingöngu einni spurningu:
Hvort að hægt væri að flytja
skólahald á Hvammstanga
með því að nýta betur
grunnskóla- og leikskólahús-
næðið á Hvammstanga með
öðrum hætti og gera ekki ráð
fyrir nýbyggingu. Niðurstaða
okkar var að þetta er hægt og
fléttast vel við þá kennsluhætti
sem nú eru í þróun. Þó svarið
við spurningunni væri skýrt er
hægt að útfæra tillöguna með
ýmsum hætti. Við leggjum
áherslu á ákveðið aðlögunar-
ferli,“ útskýrir Eydís.
Hún segir það hafa verið
meðvitaða ákvörðun hjá
starfshópnum að loka ekki
öllum leiðum og vera ekki með
endanlegt plagg í höndunum til
kynningar fyrir íbúa. „Mikilvægt
er að taka mið af viðhorfi þeirra,
sérstaklega starfsfólki og
foreldrum en möguleiki er á því
að úfæra þessa leið með ýmsum
hætti,“ segir hún.
Í kjölfarið voru tveir kynn-
ingarfundir haldnir, annars-
vegar fyrir starfsfólk og hins-
vegar almennur íbúa-fundur
og segir Eydís að þar hafi fólk
verið með ýmsar vangaveltur
og fengið tækifæri til kynna sér
tillögurnar frekar á heimasíðu
sveitarfélagsins. „Vinnan er rétt
að byrja og í desember geta
íbúar sett ábendingar sínar í
kassa í ráðhúsinu. Eftir áramót
munu skólastjórnendur vera
með vinnufundi fyrir
starfsmenn og foreldra. Í
kjölfarið mun sveitarstjórn
ákveða hvort unnið verði áfram
að þessari hugmynd,“ útskýrir
hún.
Eydís telur þetta vera
áhugaverða nálgun á fram-
tíðarskipan á skólamálum í
Húnaþingi vestra. „Ég tel það
líka mjög til bóta að varpa
umræðunni áfram í sam-
félagið, í stað þess að hafa
fullunnið plagg þar sem íbúar
skipta sér í „með eða á móti“
tillögunni. Vissulega munu
ekki allir íbúar verða sammála
en engu að síður er þetta fínt
tækifæri til að koma með
gagnlegar ábendingar sem
munu vera til gagns fyrir
skólastarfið,“ segir hún í lokin.
/BÞ
HESTAÍÞRÓTTIR FEYKIS > www.feykir.is/hestar
Um síðustu helgi var hóað saman á æfingu
hjá U-17 kvenna í Reykjavík í fótboltanum en
tvær stúlkur af Norðurlandi vestra voru
kallaðar til. Það voru þær Hugrún Pálsdóttir í
Tindastóli og Hrafnhildur Björnsdóttir í Hvöt.
Þetta er þriðja æfing Hugrúnar á þessum
vetri en Hrafnhildur var að fara á sína fyrstu
æfingu.
-Ég hef ekki farið áður á U17 æfingu en ég hef
farið í úrtök á Akureyri áður, segir Hrafnhildur sem
spilar hægri kant en segist geta spilað allar stöður sé
þess óskað. Það voru tvær æfingar á laugardegi og
sunnudegi og Hrafnhildur segir að það hafi verið
mjög gaman. -Ég lærði mikið af þessu af því að það
er mikill munur að spila 7 manna eða 11 manna
bolta, segir hún en í framtíðinni langar hana að
spila með landsliðinu og fara kannski út á
háskólastyrk. Að hennar sögn eru stelpurnar á
Blönduósi frekar fáar svo að stundum eru þær með
strákunum á æfingu og stundum einar. Foreldrar
Hrafnhildar eru þau Dómhildur Ingimarsdóttir
snyrtifræðingur á Blönduósi og Björn Ásgeir
Guðmundsson kokkur í Reykjavík.
Þá hefur Kristinn Rúnar Jónsson landsliðsþjálfari
U-19 valið 29 manna æfingahóp sem kemur saman
í Kórnum, Kópavogi næsta laugardag. Tindastóll er
með einn fulltrúa í þeim hóp.
Sá heitir Konráð Freyr Sigurðsson fæddur 1995
og lék með liði Drangeyjar í sumar og skoraði 3
mörk. /PF
Uppskerufögnuður skagfirskra hestamanna
Flugumýri II hrossarækt-
arbú Skagafjarðar
Uppskerufögnuður
hestamanna í Skagafirði var
haldinn sl. laugardagskvöld í
Miðgarði þar sem farið var
yfir helstu afrek hrossa og
knapa á árinu. Kynntir voru
stóðhestar HSS fyrir næsta
sumar og boðið upp á
tónlistaratriði og léttar
veitingar. Að sögn Eyþórs
Einarssonar mættu yfir
fimmtíu manns og áttu
saman notalega kvöldstund.
Bjarni Þorkelsson á Þórodds-
stöðum var ræðumaður kvöldsins
og var gerður góður rómur að hans
erindi. Bjarni ræddi um rækt-
unartakmarkiðið í hrossarækt og
fleira tengt hrossapólitík dagsins og
einnig las hann minningar frá
föður sínum um skagfirska
gæðinga og fór með gamanmál.
Viðurkenningar frá Hrossa-
ræktarsambandi Skagfirðinga
hlutu eftirfarandi aðilar:
Hrossaræktarbú Skagafjarðar –
Ófeigsbikarinn
Flugumýri II
Hæstu hross í hverjum flokki
4 v. stóðhestar
Hraunar frá Vatnsleysu
5 v. stóðhestar
Lord frá Vatnsleysu
6 v. stóðhestar
Hrannar frá Flugumýri II
Hrannar hlaut einnig Sörlabikarinn
sem hæst dæmda kynbótahross
ársins í Skagafirði, en hann fékk
8,85 í aðaleinkunn sem var hæsta
einkunn ársins.
7 v. og eldri stóðhestar
Seiður frá Flugumýri II
4 v. hryssur
Stúlka frá Þúfum
5 v. hryssur
Storð frá Hólum
6 v. hryssur
Ferna frá Hólum
7 v. hryssur
Blika frá Enni
Kynbótaknapi Skagafjarðar –
Kraftsbikarinn
Gísli Gíslason
Frá Hestaíþróttaráði Skaga-
fjarðar hlutu eftir farandi aðilar
viðurkenningu sem hestaíþrótta-
menn Skagafjarðar:
Barnaflokkur
Guðmar Freyr Magnússon
Unglingaflokkur
Þórdís Inga Pálsdóttir
Ungmennaflokkur
Sigurður Rúnar Pálsson
Fullorðinsflokkur
Þórarinn Eymundsson
/PF