Feykir - 13.12.2012, Blaðsíða 8
8 Feykir 47/2012
Skekur kári skýin grá
skellur bára á dröngum.
Frjósa tárin fölum á
fjólu og smáravöngum.
Áfram koma að mati undirritaðs tvær
mjög vel gerðar hringhendur. Stendur fast
í mínum haus að höfundur þeirra sé Jón
Pálmi Jónsson frá Sauðanesi á Ásum. Veit
reyndar engin deili á þeim manni og langar
að biðja lesendur að leiðrétta mig ef þeir telja
sig vita betur.
Þó við Grímu grimmdarfeld
glugga hrími tjöldin.
Samt við skímu af arineld
eyði ég tíma á kvöldin.
Hvergi sakar hugans mátt
hristist þak við gnýinn.
Stjörnur vaka á himni hátt
huldar bak við skýin.
Spyr lesendur eftir fleiri vísum eftir þennan
snilling.
Freistar að koma enn með hringhendu.
Höfundur Sveinbjörn Björnsson sem
kenndur var við Narfakot á Vatnsleysu-
strönd.
Vindar svelja héruð hrjáð
hríðar hvelja slögum.
Ríður helja lög og láð
löngum éljadrögum.
Áfram heldur Sveinbjörn í næstu vísu.
Yfir himins yglibrá
óra vegu langa,
#584
éljaflókar úfnir á
uglum veðra hanga.
Á fallegri vetrarnótt yrkir Sveinbjörn þessa.
Nóttin læðist hljóð og hlý
himins upp á salinn.
Rökkur slæðum reifar í
rósum skreytta dalinn.
Eins og ástand veðurfars hefur verið hér
norðanlands margar síðustu vikur, og
sumstaðar komin jarðbönn, er kannski
við hæfi að rifja upp þessa kunnu vísu
eftir Skagfirðinginn Baldvin Jónsson, sem
kallaður var skáldi.
Dal í þröngum drífa stíf
dynur á svöngum hjörðum.
Það er öngvum of gott líf
upp í Gönguskörðum.
Næsta vísa held ég að sé einnig skagfirsk.
Minnir að höfundur hennar hafi heitið
Lilja Gottskálksdóttir, kannski kennd við
Þangskála, man ekki hvar sá bær hefur
verið. Er reyndar ekki alveg sáttur við eitt
vísuorðið, hefði frekar vilja sjá notað orðið
dásemd.
Færðin bjó mér þunga þraut
þrótt úr dró til muna.
Hreppti ég snjó í hverri laut
hreint í ónefnuna.
Í síðasta þætti rifjaði ég upp ágæta vísu
eftir Björn Pétursson áður bónda á Sléttu
í Fljótum. Rifjast hefur nú upp fyrir mér
önnur góð vísa eftir Björn sem mun hafa
verið gerð er hann þáði góðar veitingar hjá
vin.
Þreifa ég nú á því enn,
þó ekkert vín ég kaupi,
að Guð á marga góða menn
sem gefa mér í staupi.
Eins og áður hefur komið fram var Adolf
J. Petersen um árabil með vísnaþætti í
Þjóðviljanum. Held að það hafi verið árið
1976 er hann kvaddi lesendur sína í síðasta
þætti ársins með þessum vel gerðu vísum.
Langar að gera þau orð hans að mínum til
ykkar lesendur góðir.
Þegar blundar blær um kvöld,
breytist stundar hagur.
Rennur undir rökkurtjöld
röðull undur fagur.
Sofnar fjóla, sefur gráð,
særinn gjólu felldi.
Húmuð njóla hjúpar láð
hnígur sólar veldi.
Hverfur nú til aldar ár
einn því tíminn réði.
Endurminning, örlög sár
eða bros og gleði.
Verið þar með sæl að sinni.
Árshátíð eldri nemenda Varmahlíðarskóla
Fjörugur hópur setur
Koppafeiti á svið
UMSJÓN
berglindth@feykir.is
Árshátíð eldri nemenda Varmahlíðarskóla
verður haldin í Miðgarði föstudaginn 14.
desember nk. Þá ætla nemendur að sýna
leikritið Koppafeiti, öðru nafni Grease, í leikstjórn Helgu Rósar Sigfúsdóttur.
Æfingar hafa gengið mjög vel hingað til,
eiginlega alveg ótrúlega vel. Stemningin er mjög
mikil, seinustu daga hefur verið mikið hlegið og
ég held alveg örugglega að allir skemmti sér jafn
vel og ég.
Hvernig finnur þú þig í þínu hlutverki, áttu
eitthvað sameiginlegt með Krissu? Mér finnst
fínt að vera í þessu hlutverki, það er ótrúlega
krefjandi, ég þarf alltaf að vera neikvæð og helst
á móti öllu. Ég má nánast ekkert brosa allt
leikritið og þarf að passa mig að halda alltaf
andliti (sem er ekki alveg það léttasta sem ég
geri). Mér sjálfri finnst ég ekki eiga mikið
sameiginlegt með persónunni sem ég leik.
Hvað finnst þér skemmtilegast við að leika
Krissu?
Mér finnst skemmtilegt hvað það er krefjandi og
hvað ég þarf alltaf að vera í karakter. Ég elska að
syngja og fæ að syngja lag sem mér finnst
rosalega gaman að syngja.
Hvernig leggst frumsýningin í þig?
Frumsýningin er föstudaginn 14. des. og það er
eina sýningin. Hún leggst rosalega vel í mig og
ég hlakka ótrúlega mikið til. Ég held að þessi
sýning verði ótrúlega eftirminnileg í mínum huga
og örugglega líka hjá hinum krökkunum.
Eva Berglind leikur Krissu/Rizzo
Okkur gengur mjög vel með æfingarnar og
stemningin er alveg gríðarleg enda erum við að
vinna í alveg svakalega fjörugum hóp og eru
brandararnir á hverju strái.
Hvernig finnur þú þig í þínu hlutverki, áttu
eitthvað sameiginlegt með Danna? Ég held ég
eigi ósköp lítið sameiginlegt með persónunni
minni en ég finn mig samt bara nokkuð vel í
hlutverkinu.
Hvað finnst þér skemmtilegast við að leika
Danna? Ég veit eiginlega ekki hvað er skemmti-
legast við persónuna mína, það er í rauninni
bara lang skemmtilegast að fara þarna upp á
svið og vera eitthvað að fíflast.
Hvernig leggst frumsýningin í þig? Sýningin
leggst bara vel í mig enda er ég ekki sú persónu-
gerð sem er mikið að stressa mig á hlutunum.
Hákon Ingi leikur Danna/Danny
Við byrjuðum að æfa 3. desember og það er
búið að ganga alveg rosa vel! Flest allir eru mjög
jákvæðir og vinnusamir. Það er grín og gleði á
æfingum, mikið hlegið og haft gaman. Þrátt fyrir
það að það voru ekki allir sem vildu Grease í
upphafi þá er æðislegt hvað allir taka því vel
núna og leggja sig fram í að gera þetta vel.
Leikstjórinn er frábær og nær vel til allra.
Hvernig finnur þú þig í þínu hlutverki, áttu
eitthvað sameiginlegt með Sandí? Ég leik
Sandí sem er ótrúlega skemmtilegt. Ég sjálf og
persónan Sandí erum frekar ólíkar sem er bara
ennþá skemmtilegra. Sandí er voða saklaus og
stillt, ég er þó ekkert voða villt en samt ekki eins
saklaus og Sandí á að vera haha. Systur minni
finnst ég líkari persónunni Krissu (Rizzo). Það er
ekki satt.
Hvað finnst þér skemmtilegast við að leika
Sandí? Skemmtilegast við það að leika Sandí er
þegar hún breytist snöggt úr lítilli, saklausri
stúlku í mestu gelluna! Og að fá að syngja Ég vil
vera með þér (You're the One That I Want) er
æði. Ég syng mikið en dansa lítið.
Hvernig leggst frumsýningin í þig? Frumsýn-
ingin er 14. desember og ég gæti ekki verið
spenntari! Þetta er allt búið að ganga svo vel að
það er ekki hægt annað en að hlakka til að sýna
verkið. Ég get lofað því að allir geti skemmt sér
vel, við munum ekki bregðast ykkur.
Jóndís leikur Sandí/Sandy
UMSJÓN
Guðmundur Valtýsson
Eiríksstöðum 541 Blönduósi & 452 7154
Heilir og sælir lesendur góðir.
Tökum hressilega á í byrjun þáttar og rifjum
upp þessa kunnu vísu Hannesar Hafstein.
Fegurð hrífur hugann meira
ef hjúpuð er,
svo andann gruni ennþá fleira
en augað sér.
Langar að birta tvær vísur í viðbót sem mig
minnir endilega að séu eftir Hannes.
Aumra smámenna yfirráð
aldregi máttu þola.
Trú þú aldrei á tudda ráð.
Taktu í hornið á bola.
Þó að hvasst yfir lög og láð
leiki sér ísköld gola.
Mundu, ætíð er annað ráð
en að krjúpa og vola.
Listilega vel gerð hringhenda kemur hér
næst. Minnir að okkar ágæti Jón Tryggvason
í Ártúnum hafi kennt mér hana.
Höfundur Jón Jónsson bóndi á
Eyvindarstöðum.
Vísnaþáttur Guðmundar
Við æfingar á Grease. Mynd: Ágúst Ólafsson