Feykir - 18.04.2013, Síða 8

8 Feykir 15/2013
BJÖRT FRAMTÍÐ ÁRNI MÚLI JÓNASSON SKRIFAR
Framtíðin getur verið björt um land allt
Samráð eða
hagsmunastríð?
Finnst þér gömlu stjórnmála-
flokkarnir vera á réttri leið með
íslenskt samfélag? Finnst þér
umræða um landsins gagn og
nauðsynjar einkennast allt of
mikið af flokkspólitísku þvargi
og of lítið af tilraunum til að ná
sátt um góðar lausnir? Finnst
þér að gömlu flokkunum gangi
illa að ræða uppbyggilega um
framtíðina því þeir eru svo
uppteknir af því að firra sig
ábyrgð á því sem aflaga hefur
farið í fortíðinni? Hefurðu
fengið meira en nóg af hug-
dettum, reddingum, hagfræði-
legum tilraunum og skyndi-
lausnum? Treystir þú illa
loforðum um skjótar og ein-
faldar lausnir og óttast að þau
reynist lítils virði eftir
kosningar?
Ég hvet þig til að hugleiða
þessar spurningar. Ég hvet þig
líka til að velta því fyrir þér
hvort ekki sé orðið mjög
nauðsynlegt og tímabært að
breyta verklagi, samræðum og
ákvörðunum í íslenskri pólitík.
Ef þú ert sammála mér um það
ættirðu að kynna þér vel hvað
við í Bjartri framtíð höfum
fram að færa. Björt framtíð
snýst nefnilega um að leita
lausna og bestu leiða að framtíð
í þessu landi sem byggist á
stöðugleika, minni sóun,
ábyrgri nýtingu auðlinda,
einfaldari stjórnsýslu, jöfnum
tækifærum og síðast en ekki síst
samráði og virðingu fyrir
mismunandi skoðunum og
hagsmunum. Við erum líka
sannfærð um að stjórnmál sem
helst hafa það að markmiði að
vinna sigra í sífelldri keppni um
að hafa rétt fyrir sér eru
gagnslaus fyrir okkur og oft
beinlínis skaðleg. Og við vitum
að okkur líður öllum miklu
betur og okkur vegnar líka
miklu betur ef við leggjum
mesta áherslu á það sem
sameinar okkur en ekki það
sem sundrar.
Grunnþjónusta, byggða-
stefna og fjölbreytni
Við erum viss um að til að hafa
hér á landi vitlega og sanngjarna
byggðastefnu til langs tíma
þurfum við að byrja á því að
skýra vel hvað við eigum við
með grunnþjónustu. Svo
verðum við að ná sátt um
hvernig við tryggjum okkur
öllum þá þjónustu á jafnræðis-
grundvelli; sömu þjónustu fyrir
sama gjald. Þar þurfum við að
ræða um orku, fjarskipti og
gagnaflutninga, samgöngur,
grunnmenntun, heilsugæslu,
félagsþjónustu, löggæslu og
sjálfsagt eitthvað fleira. Og
okkur finnst það vera mjög
mikið réttlætismál að fólk sem
býr þar sem auðlindirnar, eins
og fiskistofnarnir hafa mest
verið veiddir og verkaðir á
liðnum áratugum og öldum og
hefur tileinkað sér þá verk-
kunnáttu fái hér notið auð-
lindagjaldsins. Það gjald verði
nýtt til að tryggja því sömu
grunnþjónustu og þeir fá sem
annars staðar búa og tækifæri
til að skjóta fleiri stoðum undir
atvinnu í byggðarlögum sínum.
DÖGUN GUÐRÚN DADDA ÁSMUNDARDÓTTIR SKRIFAR
Eflum Norðurland vestra
Dögun sér tækifæri og
skynsemi í því að byggja og
nýta allt landið. Blómlegar
dafnandi byggðir eru hluti af
sjálfsmynd Íslendinga og
eflingu þjóðarhags.
Á Norðurlandi vestra hafa
búsetuskilyrði batnað á mörg-
um sviðum. Ferðatími til
höfuðborgar hefur styst og
almenningssamgöngur eflst.
Víða er heitt vatn að finna og
hitaveitur teygja sig til sífellt
fleiri notenda. Á Norðurlandi
vestra eru fjölbreyttar mennta-
stofnanir. Þar eru Háskólinn að
Hólum, Fjölbrautaskóli Norð-
urlands vestra og Farskólinn
sem þjóna nemendum einnig í
fjarnámi. Ekki þarf að fjölyrða
um þá möguleika sem netið
hefur fært okkur á síðustu
árum og hægt er að nýta m.a. til
markaðs- og kynningarstarfs.
Dögun leggur ríka áherslu á
að snúið verði af þeirri
óheillabraut að stjórnvöld skeri
meira niður í rekstri stofnana
hins opinbera út á landi en á
höfuðborgarsvæðinu. Er nú
svo komið að rekstur heil-
brigðisstofnana t.d. á Sauðár-
króki er í stöðugri óvissu.
Mikilvægt er að efla sjálfstæði
heilbrigðisstofnanna og skipa
þeim sjálfstæðar stjórnir sem
leitar leiða til tryggja hag þeirra
og leita leiða til aukinnar
sérhæfinga t.d. á sviði endur-
hæfingar.
Dögun vill efla verðmæta-
sköpun og endurskoða fisk-
veiðistjórnunarkerfið með það
að markmiði að auka veiðar
stærri sem smærri báta og
sömuleiðis veita frelsi til
fiskveiða. Sníða þarf augljósa
galla af kerfinu sem hvetja til
sóunar og brottkasts. Frjálsar
handfæraveiðar myndu hleypa
nýju lífi í hafnirnar á Hofsósi,
Skagaströnd og Hvammstanga
og gera lífið þar fjölbreytilegra
og skemmtilegra.
Dögun berst af alefli fyrir
afnámi verðtryggingarinnar og
fyrir lægri vöxtum. Lægri
fjármagnskostnaður auðveldar
atvinnuuppbyggingu m.a. í
ferðaþjónustu og sömuleiðis
kynslóðaskipti á bújörðum.
Séríslenska verðtryggingin, sem
átti að tryggja stöðugleika hefur
snúist upp í andhverfu sína og
hana verður að leggja af.
Í umræðu um byggðamál
verður að ná þeim sannindum
skýrt fram að ríkið innheimtir
mun hærri upphæðir í gegnum
skattakerfið í hinum dreifðu
byggðum heldur en ríkið ver til
uppbyggingar og þjónustu á
landsbyggðinni. Í því ljósi ber
að skoða og ræða fjárframlög til
niðurgreiðslu húshitunar, land-
búnaðar, heilbrigðisstofnana
menningarstarfsemi o.fl. í
dreifbýlinu.
Ríkissjóður hefur einfald-
lega mikinn fjárhagslegan hag
af því að byggðirnar blómstri.
Ef mér hlotnast sá heiður að
vera kjörin til að taka sæti á
Alþingi Íslendinga, þá lofa ég
því að vinna að trúmennsku og
samviskusemi fyrir íbúa Norð-
urlands vestra að framfaramál-
um svæðisins og þjóðarhag.
Guðrún Dadda Ásmundardóttir
skipar 1. sæti Dögunar í
Norðvesturkjördæmi
Húnaþing vestra
Nýtt aðalskipulag
Sveitarstjórn Húnaþings vestra
hefur ákveðið að vinna nýtt
aðalskipulag fyrir sveitarfél-
agið. Lýsing verkefnis og
matslýsing tekur til Aðalskipu-
lags Húnaþing vestra fyrir
tímabilið 2014-2026.
Um er að ræða aðalskipulag
fyrir sameinað sveitarfélag
Húnaþings vestra og Bæjar-
hrepps. Lýsing verkefnis var
samþykkt til kynningar í
sveitarstjórn 26. mars 2013 og
er í samræmi við 1. mgr. 30 gr.
skipulagslaga nr.123/2010 og
lög um umhverfismat áætlana
105/2006.
Kynning matslýsingarinnar
fer fram með þeim hætti að
hún liggur frammi á skrifstofu
Húnaþings vestra frá 10. apríl
2013 og til 30. apríl 2013 og
verða gögnin aðgengileg á
heimasíðu sveitarfélagsins
www.hunathing.is. Ennfremur
verður kynningarfundur fyrir
íbúa og aðra hagsmunaaðila,
staðsetning og tími kynningar-
fundar verður auglýstur síðar.
/BÞ
Aukin fjölbreytni í atvinnulífi
er bráðnauðsynleg á Íslandi
almennt og alveg sérstaklega í
sveitum, þorpum og bæjum
þar sem eggin eru allt of oft
næstum öll í sömu körfunni og
stundum allt of fá í henni líka.
Auðlindagjald, þannig nýtt, er
ekki neinn „landsbyggðar-
skattur“, heldur afl til að styrkja
byggðirnar og bæta lífskjör
fólksins þar. Einhæft atvinnulíf
gerir fólk berskjaldað fyrir
sveiflum og áföllum og leiðir til
samþjöppunar valds. Það er
vont, óréttlátt og óheilbrigt.
Ef þú ert sammála mörgu
því sem hér er sagt hvet ég þig
eindregið til að kynna þér starf
og stefnu Bjartrar framtíðar
(bjortframtid.is) og leggja
okkur lið við að breyta
íslenskum stjórnmálum og
samfélagi til hins betra. Það
getur þú gert með því að setja X
við A á kjörseðlinum.
Árni Múli Jónasson
Höfundur er í 1. sæti á lista
Bjartrar framtíðar í NV-kjördæmi.
Guðrún Dadda Ásmundardóttir
oddviti Dögunar
Árni Múli Jónasson
oddviti Bjartrar framtíðar