Fréttablaðið - 16.05.2018, Síða 16

silkiprent.is Sími 5442025 silkiprent@silkiprent.is
SETTU MERKIÐ HÁTT
OG VERTU SJÁANLEGUR
FYRSTIR OG FREMSTIR Í FÁNUM Í 46 ÁR
Veljum íslenska
framleiðslu
Afgreiðum fána
samdægurs
markaðurinn
Útgáfufélag 365 miðlar ehf., Skaftahlíð 24, 105 Reykjavík, sími 512 5800
Netfang rit stjorn@markadurinn.is | Sími 512 5000 | Fax 512 5301
Ritstjóri Hörður Ægisson hordur@frettabladid.is
Ábyrgðarmaður Kristín Þorsteinsdóttir
Netfang auglýsingadeildar auglys ing ar@frettabladid.is Veffang frettabladid.is
Íslenska tæknifyrirtækið Teatime,
sem stofnað var meðal annars af
frumkvöðlunum sem stóðu að Plain
Vanilla, hefur aflað 7,5 milljóna
dollara, sem samsvarar 770 milljón-
um króna, í nýtt hlutafé. Áður höfðu
alþjóðlegir fjárfestar lagt félaginu
til 1,6 milljónir dollara, jafnvirði
164 milljóna. Frá stofnun fyrir-
tækisins í júlí í fyrra hafa fjárfestar
því lagt Teatime til tæpan milljarð í
hlutafé. Teatime hyggst þróa fyrsta
rauntíma-samskiptavettvanginn
fyrir farsímaleiki. Stefnt er á að
fyrsta vara félagsins komi á markað
í haust.
Þorsteinn B. Friðriksson, for-
stjóri Teatime, segir í samtali við
Markaðinn að nýsköpunarsjóðirnir
sem gengu í hluthafahópinn nú séu
á meðal þeirra stærstu í Evrópu og
séu einnig umsvifamiklir í Banda-
ríkjunum. „Meirihluti Teatime er
enn í eigu Íslendinga,“ segir hann
og bætir við að félagið hafi einungis
tvisvar fengið fjármagn frá fjár-
festum. Fjárfestar erlendis vilji ekki
taka of stóra sneið fyrst um sinn því
það dragi úr hvata frumkvöðlanna
til að efla félagið.
Aðalfjárfestirinn í hlutafjár-
aukningunni er Index Ventures,
fjárfestingarsjóður sem hefur fjár-
fest í leikjafyrirtækjum á borð við
King, Roblox og Supercell. Fjár-
festingarsjóðurinn Atomico, sem
hefur meðal annars fjárfest í leikja-
fyrirtækjunum Supercell, Rovio og
Bossa Studios, tekur einnig þátt í
hlutafjáraukningunni. Í kjölfarið
settust Guzman Diaz frá Index Vent-
ures, Mattias Ljungman frá Atomico
og Davíð Helgason, stofnandi Unity
Technologies, í stjórn Teatime.
Þorsteinn segir að þeir hafi verið
í þeim sporum að geta valið og
hafnað hverjir tækju þátt í hluta-
fjáraukningunni. „Við fengum ótrú-
legan meðbyr frá þeim sem starfa
í bransanum, ég hef ekki fundið
fyrir öðru eins.“ Hann telur að það
helgist af því hve góð hugmyndin sé
og að þeir hafi sýnt fram á í störfum
sínum fyrir Plain Vanilla að teymið
geti framleitt vöru.
Stofnendur Teatime eru Þor-
steinn, Ýmir Örn Finnbogason,
Jóhann Bergþórsson og Gunnar
Hólmsteinn. Þeir voru stofnendur
eða lykilstarfsmenn hjá Plain Van-
illa, sem þróaði QuizUp spurninga-
leikinn sem náði til yfir 100 millj-
óna notenda. Glu Mobile keypti
Plain Vanilla árið 2016 eftir að hætt
var við fyrirhugaðan þátt á banda-
rísku sjónvarpsstöðinni NBC sem
átti að byggja á QuizUp og ekki
tókst að finna leiðir til að afla tekna
til að knýja áframhaldandi vöxt.
Öllum starfsmönnum félagsins var
í kjölfarið sagt upp. „Við erum ein-
staklega spenntir fyrir verkefninu.
Þetta er saga frumkvöðla: að halda
alltaf áfram,“ segir Þorsteinn,
Teatime hyggst nota fjármagnið
frá nýju fjárfestunum til að fjölga
starfsfólki sínu hér á landi, sérstak-
lega forriturum, og þróa samskipta-
tækni sína enn frekar. Til að mynda
til að bjóða upp á samþættingu
hennar við aðra leikjaframleiðend-
ur. Þorsteinn segir að starfsmenn-
irnir séu nú 13 og að hann vilji ekki
að þeir verði mikið fleiri en 20, eins
og sakir standa. „Eitt af því sem erfitt
var að takast á við hjá Plain Vanilla
var hve hratt félagið stækkaði,“ segir
hann.
Þorsteinn segir að TeaTime sé að
þróa tækni sem geri fólki kleift að
vera „í persónulegri samskiptum
þegar það er að spila leiki“. Hug-
myndin sé að þegar fólk spili tölvu-
leiki á farsíma sé það einkum eitt að
spila eða á móti öðrum en aldrei í
alvöru samskiptum við manneskju.
Lausn TeaTime geri það að verkum
að hægt sé að vera í beinum sam-
skiptum við aðra á meðan keppt er
í tölvuleik. „Aðalverkefnið verður
að búa til þessa tækni. En við sjáum
fram á að gera bæði okkar eigin leiki
og vinna með öðrum leikjaframleið-
endum,“ segir hann.
helgivifill@frettabladid.is
Fjárfestar leggja 770
milljónir í TeaTime
TeaTime, sem stofnað var í fyrrasumar af fyrrverandi starfsmönnum Plain Van-
illa, hefur safnað tæplega milljarði króna frá alþjóðlegum fjárfestum.  Meirihluti
fyrirtækisins er enn í eigu Íslendinga. Stefnt er á að fyrsta varan komi í haust.
Þorsteinn B. Friðriksson, forstjóri TeaTime, segir að fjármagnið verði nýtt til að fjölga starfsfólki hér á landi úr 13 í um
það bil 20, eins og sakir standa. Hann vill ekki að félagið vaxi jafn hratt og Plain Vanilla.
MSCI, eitt stærsta vísitölufyrirtæki
heims, hefur hleypt af stokkunum
nýrri vísitölu fyrir íslenska hluta-
bréfamarkaðinn. Páll Harðarson, for-
stjóri Kauphallarinnar, segir í sam-
tali við Markaðinn að þetta sé í fyrsta
skipti sem erlend fyrirtæki ýti úr vör
vísitölu fyrir íslenska markaðinn. Ef
fram fer sem horfi muni FTSE einnig
kynna til leiks vísitölu fyrir íslenska
hlutabréfamarkaðinn. „Þetta eru
söguleg tíðindi að því leyti. Við að
koma inn í mengi þessara fyrir-
tækja,“ segir hann.
„Þetta er merki um aukna eftir-
spurn eftir því að fjárfesta á Íslandi
og MSCI er að bregðast við henni. Í
framhaldinu ætti þetta að auka frek-
ar eftirspurn eftir hlutabréfum hér-
lendis,“ segir Páll og nefnir að losun
gjaldeyrishafta leiki stórt hlutverk
í auknum áhuga erlendra vísitölu-
fyrirtækja. Íslenska MSCI-vísitalan
ber nafnið MSCI Iceland Investable
Market Index og samanstendur af
ellefu fyrirtækjum. Hún fellur undir
hatt landa sem eru skör neðar en
nýmarkaðsríki, þar á meðal eru Arg-
entína, Líbanon og Kúveit.
„Eftir því sem tíminn líður kom-
umst við í hærri flokk. Þetta er eins
og með lánshæfismat, það batnar
með því að sýna góðan árangur,“
segir Páll. „Við teljum að við séum
komin inn fyrir þröskuldinn hjá
MSCI og að næsta skref sé að komast
í fleiri vísitölur.“
helgivifill@frettabladid.is
Íslenski markaðurinn í erlenda vísitölu
Páll Harðarson, forstjóri Kaup-
hallarinnar.
Stoðir, sem eru í meirihlutaeigu
meðal annars Jóns Sigurðssonar,
Einars Arnar Ólafssonar og Magnús-
ar Ármanns í gegnum eignarhalds-
félagið S121, munu á næstu vikum
gera öllum minni hluthöfum tilboð
um að kaupa bréf þeirra í félaginu.
Á meðal smærri hluthafa eru ýmsir
íslenskir lífeyrissjóðir og erlendar
fjármálastofnanir.
Ekki hefur verið endanlega
ákveðið hvaða verð hluthöfunum
mun bjóðast fyrir bréf sín en á
nýafstöðnum aðalfundi Stoða, sem
fór fram síðastliðinn föstudag, var
upplýst um að félagið hefði gengið
frá samkomulagi um kaup á litlum
hlut af erlendum fjárfestingarsjóði
á genginu 0,85 miðað við núverandi
bókfært eigið fé, samkvæmt heim-
ildum Markaðarins. Eigið fé Stoða
er um átján milljarðar króna, sem
samanstendur einungis af reiðufé,
en félagið fékk í lok síðasta mánaðar
greiddar um 144 milljónir evra fyrir
tæplega 8,9 prósenta hlut sinn í evr-
ópska drykkjarvöruframleiðand-
anum Refresco.
Á aðalfundi Stoða, sem lauk
nauðasamningum 2009 og
hefur frá þeim tíma unnið
að því að umbreyta eignum
í reiðufé og greiða út til hlut-
hafa, var ákveðið að breyta
tilgangi félagsins og að það
myndi halda áfram starfsemi
sem fjárfestingafélag,
líkt og Markaðurinn
upplýsti um í árs-
byrjun að vilji væri
til hjá stærstu hlut-
höfum. Ljóst er að
Stoðir eru því núna
orðnar eitt stærsta
fjárfestingarfélag
landsins, en hlut-
h a f a h ó p u r i n n
samanstendur að
mestu af einka-
fjárfestum. Arion
banki og Lands-
bankinn eiga samanlagt rúmlega
30 prósenta hlut í Stoðum en ólík-
legt þykir að bankarnir muni losa
um bréf sín í félaginu á næstunni,
samkvæmt heimildum Markaðar-
ins. Iða Brá Benediktsdóttir, fram-
kvæmdastjóri viðskiptabankasviðs
Arion, hefur hins vegar farið úr
stjórn Stoða og Gunnar Sturluson,
hæstaréttarlögmaður hjá Logos,
tekið sæti hennar í stjórninni.
Þá var samþykkt á aðalfundinum
heimild til að auka hlutafé Stoða
um allt að fimm milljarða króna
að nafnvirði en hluthafar félagsins
munu hafa forkaupsrétt að nýjum
bréfum sem verða gefin út af félag-
inu fyrir fjóra milljarða.
Félagið S121 á rúmlega 50 pró-
senta hlut í Stoðum en auk
Jóns, Einars Arnar og Magn-
úsar samanstendur hluthafa-
hópur þess meðal annars af
Þorsteini M. Jónssyni, fyrr-
verandi eiganda Vífilfells,
Malcolm Walker, stofnanda
og eiganda bresku versl-
unarkeðjunnar Ice-
land Foods, Örvari
Kjærnested, fjár-
festi og stjórnar-
manni í TM, og
Jóhanni Arnari
Þórarinssyni,
forstjóra veit-
i n g a r i s a n s
Foodco. – hae
Stoðir bjóðast til að
kaupa út smærri hluthafa
Jón Sigurðs-
son, stjórnar-
formaður
Stoða.
18
milljarðar er eigið fé fjár-
festingarfélagsins Stoða.
1 6 . m a í 2 0 1 8 m I Ð V I K u D a g u R2 markaðurinn
1
6
-0
5
-2
0
1
8

0
4
:3
8
F
B
0
4
8
s
_
P
0
3
3
K
.p
1
.p
d
f
F
B
0
4
8
s
_
P
0
2
8
K
.p
1
.p
d
f
F
B
0
4
8
s
_
P
0
1
6
K
.p
1
.p
d
f
F
B
0
4
8
s
_
P
0
2
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
C
8
-2
3
0
C
1
F
C
8
-2
1
D
0
1
F
C
8
-2
0
9
4
1
F
C
8
-1
F
5
8
2
7
5
X
4
0
0
.0
0
1
4
B

F
B
0
4
8
s
_
1
5
_
5
_
2
0
1
8
C
M
Y
K