Fréttablaðið - 18.05.2018, Qupperneq 2

Veður
Suðvestan 8-13 m/s í dag. Það léttir
til á austanverðu landinu, en vestan
til er spáð skúrum eða slydduéljum.
Svalt í veðri, á Austfjörðum gæti hiti
þó skriðið yfir 10 stig í sólinni.
sjá síðu 20
Páll fékk hvatningarverðlaun
Katrín Jakobsdóttir, forsætisráðherra og formaður Vísinda- og tækniráðs, afhenti í gær Páli Melsted, prófessor við iðnaðarverkfræði- og tölvunar-
fræðideild Háskóla Íslands, hvatningarverðlaun ráðsins. Voru verðlaunin afhent við hátíðlega athöfn á Rannsóknaþingi Rannís. Fréttablaðið/anton
brink
VEðuR Veðrið hefur leikið landann
heldur grátt undanfarið og margir
farnir að þrá D-vítamín í kroppinn.
Það mun hins vegar ekki gerast um
þessa helgi.
„Það verður þokkalegt veður
fram að helgi en það verður svalt.
Laugardagurinn lítur verst út þar
sem spáð er stormi fram eftir degi
með mikilli rigningu. Veðrið á þó
eftir að skána eitthvað seinnipart-
inn en hvítasunnudagurinn lítur
ekkert sérstaklega vel út heldur,“
segir Haraldur Eiríksson, veður-
fræðingur á Veðurstofu. „Það væri
gáfulegt að binda niður trampólín,
sérstaklega á laugardaginn. Þeir
sem eru á ferðinni ættu einnig að
fylgjast með spá, því það verður lík-
lega lítið ferðaveður. Þetta gengur
þó mögulega niður á mánudag.“
Maímánuður hefur verið heldur
leiðinlegur og afar óvelkomin snjó-
koma í byrjun mánaðarins kom
eflaust mörgum á óvart. Trausti
Jónsson, sérfræðingur á sviði
veður farsrannsókna hjá Veður-
stofu, segir snjókomu í maí ekki
sérlega sjaldgæfa, líklega gerist það
annað hvert ár.
„Það er í rauninni ekki óalgengt
að það festi snjó í maí á Suðvestur-
landi. En það er þó sjaldgæft að það
gerist eftir þann fimmtánda. Það
eru líka tilfelli um að það hafi fest
snjó í júní, en aldrei í júlí og ágúst.
Maí hefur verið óvenjulegur að því
leyti til að það er úrkomusamt.
Fyrsta vikan í maí var leiðinleg í
þessum landhluta, suðvesturhlut-
anum. Önnur vikan var þó eðlileg,
myndi ég segja. Hitinn var þá ofan
meðallags og það er alls ekki hægt
að segja að það hafi verið kalt,
nema einhverja örfáa daga. Lægð-
irnar hafa aftur á móti verið dýpri
en oftast áður,“ segir Trausti.
Norðurlöndin eru þó heppnari
með veður en þar hefur verið
óvenju hlýtt undanfarið. Trausti
segir sunnanáttina færa þeim
hitann en Ísland sé einfaldlega
nær norðanáttinni sem kemur
frá Kanada. „Þar hefur verið raun-
verulega kalt sem er óvenjulegt á
þessum tíma,“ segir Trausti. „En
það er alltaf einhvers staðar hlýtt
og einhvers staðar kalt, eins og til
dæmis í Síberíu en við fáum ekki að
vita af því. Það er stundum eins og
það sé stemning fyrir því að kvarta
yfir veðrinu. Veðrið þarf að vera
sérstaklega gott til að fá fólk upp
úr þessu tali,“ segir Trausti og hlær.
„Maí var ofboðslega hlýr í fyrra og
fyrripartur maí var metheitur. En
við náum því miður ekki að standa
undir því í ár.“
gunnthorunn@frettabladid.is
Hvassviðri og væta
um hvítasunnuhelgina
Leiðindaveðri er spáð um land allt. Spár gera ráð fyrir skúrum og slydduéljum
víðast hvar og að gangi í suðaustan hvassviðri eða jafnvel storm, sem telst óvenju-
legt á þessum árstíma. Þó verður líklega skásta veðrið á norðausturhorninu.
Fólki er ráðlagt að binda trampólín og annað laust niður. Það þarf lítið til að
þau takist á loft í suðaustan hvassviðrinu sem spáð er. Fréttablaðið/Hörður
Laugardagurinn
lítur verst út þar
sem spáð er stormi fram eftir
degi með mikilli rigningu.
Haraldur Eiríksson veðurfræðingur
Smiðjuvegi 2, Kópavogi - www.grillbudin.is - Sími 554 0400
Grillbúðin
Frá Þýskalandi
Nr. 12952 - Án gashellu - Svart
67.900
Verð áður 79.900
Opið virka daga 11-18
Laugardaga 11-16
• Afl 10,5 KW
• 3 brennarar
• Brennarar úr ryðfríu stáli
• Postulínsemalerað eldhólf
• Grillgrindur úr pottjárni
• PTS hitajöfnunarkerfi
• Kveikja í öllum tökkum
• Tvöfalt einangrað lok
• Stór posulínshúðuð efri grind
• Hitamælir
• Auðveld þrif - Bakki fyrir fitu
undir öllu grillinu
• Grillflötur 65 x 44 cm

Niðurfellanleg
hliðarborð
Vönduð
yfirbreiðsla fylgir
l i
Frábært
VERÐ
KjaRamál „Það liggur í augum uppi
að kjör bæjarstjóra Kópavogs hafa
keyrt fram úr öllu hófi og að á nýju
kjörtímabili verði þessi laun tekin
til endurskoðunar með lækkun,“
segir Birkir Jón Jónsson, bæjarfulltrúi
Framsóknar í Kópavogi, í tilkynningu
vegna fréttar Fréttablaðsins í gær af
launahækkunum kjörinna fulltrúa í
bænum.
Eins og blaðið greindi frá í gær
hækkuðu laun bæjarstjórans,
Ármanns Kr. Ólafssonar, um 32,7
prósent milli áranna 2016 og 2017,
eða sem nemur ríflega 612 þúsund
krónum á mánuði.
Bæjarstjórn Kópavogsbæjar sam-
þykkti í febrúar í fyrra að hafna 44
prósenta hækkun kjararáðs og tengja
laun kjörinna fulltrúa við þingfarar-
kaup.
Sú ákvörðun færði bæjarfulltrúum
þrátt fyrir það 30 prósentum hærri
laun milli ára. – smj
Laun Ármanns
fram úr hófi
FERðaþjónusta Björgunarsveitir á
Suður- og Austurlandi voru kallaðar
um klukkan sjö í gærkvöld eftir að
neyðarboð barst frá tveimur ferða-
mönnum á Vatnajökli. Ferðamenn-
irnir höfðu skilið eftir ferðaáætlun
hjá Safetravel en eftir að neyðarboð
barst frá Grímsvötnum náðist ekki
samband við þá.
Voru því ellefu björgunarsveitir
kallaðar út og leitað var að ferða-
mönnunum á vélsleðum og snjó-
bílum. Þegar Fréttablaðið náði tali
af Davíð Má Bjarnasyni, upplýs-
ingafulltrúa Landsbjargar, á tíunda
tímanum í gærkvöld var leitarfólk
komið af stað á sleðum uppi á jökl-
inum og á leið í Grímsvötn. Veðrið
var hins vegar slæmt, snjókoma
og þó nokkur vindur, og því voru
aðstæður hamlandi.
Samkvæmt Davíð unnu um fimm-
tíu manns að aðgerð gærkvöldsins.
Þar að auki hafði hópum á svæðinu
í kringum jökulinn verið gert við-
vart og þeir því í viðbragðsstöðu.
Ekki hafði verið tekin ákvörðun um
hversu lengi leit skyldi halda áfram
þegar Fréttablaðið fór í prentun.
Davíð sagði að auki að sömu
grunnreglur ættu alltaf við þegar
haldið væri í ferðalag, vildi maður
ekki lenda í ógöngum. Maður ætti
að útbúa sig vel, tryggja að aðrir
viti af sér og kynna sér aðstæður.
Nefndi hann sérstaklega að gott
væri að skilja eftir ferðaáætlun og
hafa neyðarsendi, líkt og ferða-
mennirnir týndu.
Ferðamennirnir höfðu ekki fundist
þegar Fréttablaðið fór í prentun. – þea
Fjölmenni við
leit á Vatnajökli
leitað var við erfiðar aðstæður á
Vatnajökli. Fréttablaðið/VilHelm
1 8 . m a í 2 0 1 8 F Ö s t u D a G u R2 F R é t t i R ∙ F R é t t a B l a ð i ð
1
8
-0
5
-2
0
1
8

0
4
:3
0
F
B
0
4
8
s
_
P
0
4
7
K
.p
1
.p
d
f
F
B
0
4
8
s
_
P
0
3
8
K
.p
1
.p
d
f
F
B
0
4
8
s
_
P
0
0
2
K
.p
1
.p
d
f
F
B
0
4
8
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
D
5
-7
D
0
8
1
F
D
5
-7
B
C
C
1
F
D
5
-7
A
9
0
1
F
D
5
-7
9
5
4
2
7
5
X
4
0
0
.0
0
1
1
B

F
B
0
4
8
s
_
1
7
_
5
_
2
0
1
8
C
M
Y
K