Fréttablaðið - 18.05.2018, Blaðsíða 18

Fólk er kynningarblað sem býður auglýsendum
að kynna vörur og þjónustu í formi viðtala og um-
fjallana. Í blaðinu er einnig hefðbundið ritstjórnar-
efni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 512 5349 | Ragnheiður Tryggvadóttir,
heida@frettabladid.is, s. 512 5367 | Oddur Freyr Þorsteinsson, oddurfreyr@frettabladid.is, s. 512 5368
| Sigríður Inga Sigurðardóttir, sigriduringa@frettabladid.is, s. 512 5372 | Starri Freyr Jónsson, starri@
frettabladid.is, s. 512 5358 | Þórdís Lilja Gunnarsdóttir, thordisg@frettabladid.is s. 512 5338
Útgefandi:
365 miðlar
Ábyrgðarmaður:
Elmar Hallgríms Hallgrímsson
Sölumenn: Atli Bergmann, atli@frettabladid.is, s. 512 5457 | Jón Ívar Vilhelmsson, jonivar@frettabladid.is, s. 512 5429 |
Ólafur H. Hákonarson, olafurh@frettabladid.is, s. 512 5433 |
Friðgeir Helgason hefur starfað á nokkrum af bestu veitinga-stöðum New Orleans borgar
í Bandaríkjunum síðustu tvo ára-
tugina auk þess sem hann er afbragðs
landslagsljósmyndari og hefur haldið
fjölda sýninga á Íslandi og í Banda-
ríkjunum. Í dag og á morgun stendur
hann fyrir „pop-up“ veitingastað á
Coocoo’s Nest í Reykjavík þar sem
hann mun bjóða upp á ekta New
Orleans „soul food“ en heldur eftir
það til Flateyjar, sem hann segir einn
af yndislegustu stöðum jarðar, þar
sem hann mun starfa sem yfirkokkur
á Hótel Flatey í sumar. „Það verður
frábært að komast aftur til Flateyjar
í sumar og ég hlakka mikið til. Stór-
vinkona mín og meistarakokkur,
Melissa Martin frá New Orleans,
verður mér til aðstoðar í sumar en
hún rekur eigið veitingahús í New
Orleans sem er lokað á sumrin. Við
stefnum að sjálfsögðu á að elda
frábæran og spennandi mat og ætti
enginn að verða fyrir vonbrigðum
með heimsókn til okkar í sumar.“
Ævi Friðgeirs hefur því verið ansi
viðburðarík en líf hans hefur svo
sannarlega ekki alltaf verið dans á
rósum. Botninum náði hann árið
2004 þegar hann var heimilislaus
róni á götum Skid Row hverfisins
í Los Angeles en með hjálp góðra
manna náði hann að snúa baki við
fyrri lífsstíl.
Byrjaði í eldhúsi ömmu
Friðgeir er fæddur í Vestmanna-
eyjum árið 1966 en flutti upp á land í
gosinu 1973 og ólst upp í Fellahverf-
inu í Breiðholti hjá afa sínum og
ömmu. „Hún amma, þessi elska, var
af gamla skólanum og allur matur
var mauksoðinn og ofeldaður hjá
henni. Fyrstu skref mín í eldhúsinu
hjá henni voru að steikja pylsur með
lauk og þegar ég var fjórtán ára fór
ég á lúðu með pabba og var gerður
að kokki. Ég man að við veiddum
feitan og girnilegan karfa í beitu sem
ég notaði einu sinni í matinn og var
næstum því kjöldreginn fyrir að
reyna að eitra fyrir áhöfninni með
því að gefa þeim beitu í matinn.“
Brenndi margar brýr
Sem ungur maður var Friðgeir ekki
endilega að stefna á kokkinn heldur
lá áhugasvið hans víða. „Móðir mín
flutti til Los Angeles árið 1986. Sama
ár vann ég á netabát í Reykjavík
í hundleiðinlegu haustveðri þar
sem ekkert veiddist. Ég skrapp til
mömmu um jólin og lenti í 25 stiga
hita og sól og sneri ekki aftur. Fyrstu
árin bjó ég í Los Angeles og var bara
að gera hitt og þetta. Meðal annars
sótti ég bæði um inngöngu í lista-
skóla í San Francisco og í kokkaskóla
í New Orleans og fékk inngöngu í
báða. Ég sló til og fór til New Orleans
árið 1990.“
Í New Orleans var Friðgeir svo
heppinn að fá vinnu á mjög góðu
litlu veitingahúsi og í framhaldinu
vann hann að eigin sögn á nokkrum
af bestu veitingahúsum borgarinnar.
„Á þessum tíma vann ég fyrir fjóra
yfirkokka sem voru valdir Bestu
nýju matreiðslumennirnir hjá því
virta tímariti Food and Wine, meðan
ég vann með þeim. Ég var á mjög
góðri siglingu með að ná langt í
Starri Freyr
Jónsson
starri@frettabladid.is
Framhald af forsíðu ➛
bransanum í New Orleans en ég var
mikil fyllibytta sem fylgir ansi oft
þessari starfsstétt og brenndi margar
brýr að baki mér. Þannig endaði ég
sem heimilislaus róni í Los Angeles
árið 2004.“
Milljón máltíðir á ári
Eftir að hafa náð sér á strik aftur
héldu frekari ævintýri af ýmsum
toga áfram í lífi Friðgeirs. „Ég vann
t.d. í eldhúsinu á Midnight Mission
hjálparmiðstöðinni í Los Angeles
þar sem við gáfum milljón máltíðir á
ári til heimilislausra auk þess sem ég
sótti ljósmyndaskóla þar árin 2006-
2008. Einnig vann ég sem einka-
kokkur á flottustu meðferðarheimil-
unum fyrir ríka og fræga fólkið og
starfaði líka sem ráðgjafi í tvö ár.“
Eftir að fellibylurinn Katrín reið
yfir New Orleans árið 2005 flutti
Friðgeir aftur til borgarinnar og bjó
þar næstu þrjú árin. „Þar vann ég
á nokkrum nýjum veitingahúsum
sem vinir mínir höfðu opnað og gat
um leið lagað allar brýrnar sem ég
hafði brennt í gamla daga. Á þessum
tíma vann ég líka í nokkur sumur
sem yfirkokkur á lúxusveitingastað
í 3.000 metra hæð í Sierra Nevada
fjöllunum í Kaliforníu þar sem
maður þurfti stanslaust að passa upp
á að bjarndýr kæmust ekki í rusl og
aðrar leifar.“
Risastór suðupottur
Hann segir mikinn mun á Íslandi
og Bandaríkjunum þegar kemur
að hráefni og matargerð. Sá munur
hafi þó minnkað mikið undan-
farin ár með fjölgun útlendinga
hér á landi sem komi með matar-
hefðir sínar í farteskinu. „Fiskurinn
og lambið eru náttúrulega best á
Íslandi en grænmetið er miklu betra
og ódýrara í Bandaríkjunum auk
þess sem allt annað kjöt en lamba-
kjöt er miklu betra vestanhafs.“
Þó tekur hann fram að það sé
óréttlátt að bera saman borg eins og
Los Angeles með 18 milljónir íbúa
og litla Ísland. „En það sem Ísland
hefur náttúrulega fram að færa er
hráefni sem er svo hreint og tært.
Aftur á móti er Los Angeles senni-
lega mest spennandi matarborg
heimsins enda einn risastór alþjóð-
legur suðupottur.“
Hann segist mjög duglegur að
þvælast um borgina og finna góð
veitingahús frá ólíkum heims-
hornum. „Ég veit t.d. hvar allir
bestu taco-trukkarnir eru staðsettir
í borginni og þekki vel til góðra
staða í San Gabriel Valley sem er
stærsta kínahverfi heims utan Kína.
Ekki má svo gleyma litlu Tókýó
og Korea Town. Persónulega er
ég miklu spenntari fyrir því sem
er að gerast á litlu stöðunum og
á götunum heldur en því sem er í
gangi á þriggja stjörnu Michelin
stöðunum.“
Algjör paradís
Friðgeir er giftur Susan Bolles
sem vinnur sem leikmyndahönn-
uður í sjónvarpi í Hollywood og er
mjög klár listakona að hans sögn.
„Við búum við rætur San Gabriel
fjallanna, í Altadena, fyrir ofan Los
Angeles þar sem við erum með sex
appelsínutré og þrjú sítrónutré í
garðinum. Þetta er algjör paradís. Við
erum líka með stúdíó rétt hjá þar sem
við bæði vinnum að listsköpun okkar
þegar við erum ekki í vinnutörnum.
Ég er mjög duglegur að þvælast um
Bandaríkin með myndavélina og hef
t.d. verið að vinna að myndaseríunni
Sand snjór sem byggir á ljósmyndum
úr eyðimörkinni og frá snjónum
heima á Íslandi.“
Heillaður af skessujurtinni
Undanfarin ár hefur veitinga-
stöðum fjölgað mikið á höfuð-
borgarsvæðinu, samfara auknum
ferðamannastraumi. Hann segist
hafa fylgst aðeins með þróuninni og
finnst margt spennandi í gangi. „Það
sem mér finnst svolítið áhugavert er
að maturinn á dýrustu og flottustu
veitingastöðunum á Íslandi er á
sambærilegu verði við toppstaðina í
Bandaríkjunum á meðan miðlungs-
staðirnir eru aftur á móti fjórum
sinnum dýrari.“
Sjálfum finnst honum skemmti-
legast að elda úr öllu því ferska
hráefni sem hann fær beint úr
Breiðafirðinum þegar hann dvelur í
Flatey. „Þar hef ég gert tilraunir með
ýmislegt sem ég tíni á eyjunni og í
fjörunni. Ég er t.d. alveg heillaður
af skessujurtinni og er byrjaður að
rækta hana heima í Altadena. Mér
finnst líka mjög gaman að elda
ekta Suðurríkja-„soul food“ og rétti
ættaða frá New Orleans. Undan-
farna mánuði hef ég verið að leika
mér með ýmis krydd frá Armeníu en
það er armenskur kjötkaupmaður í
Altadena sem hefur verið að kenna
mér að nota þau. Það skemmtilega
við matargerð er að maður er stans-
laust að uppgötva nýja hluti og læra
eitthvað spennandi.“
Friðgeir (t.v.) snýr aftur til Flateyjar í sumar þar sem hann mun galdra fram girnilegar kræsingar í eldhúsi Hótels Flateyjar. Sjálfum finnst honum skemmtilegast
að elda úr öllu því ferska hráefni sem hann fær beint úr Breiðafirðinum. „Þar hef ég gert tilraunir með ýmislegt sem ég tíni á eyjunni og í fjörunni. Ég er t.d. alveg
heillaður af skessujurtinni og er byrjaður að rækta hana heima í Altadena,“ segir Friðgeir, sem hér er að vinna úr afla dagsins síðasta sumar.
Eldhúsið er leikvöllur Friðgeirs.
MYND/SPESSI
Ein mynda Friðgeirs úr seríunni Sand snjór sem byggir á ljósmyndum úr eyði-
mörkunum í Bandaríkjunum og frá snjónum á Íslandi.
FERÐAFÉLAG ÍSLANDS
www.fi.is
Ég fer á jökul
um hvítasunnu
2 KYNNINGARBLAÐ FÓLK 1 8 . M A Í 2 0 1 8 F Ö S T U DAG U R
1
8
-0
5
-2
0
1
8

0
4
:3
0
F
B
0
4
8
s
_
P
0
3
1
K
.p
1
.p
d
f
F
B
0
4
8
s
_
P
0
3
0
K
.p
1
.p
d
f
F
B
0
4
8
s
_
P
0
1
8
K
.p
1
.p
d
f
F
B
0
4
8
s
_
P
0
1
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
D
5
-A
E
6
8
1
F
D
5
-A
D
2
C
1
F
D
5
-A
B
F
0
1
F
D
5
-A
A
B
4
2
7
5
X
4
0
0
.0
0
1
6
B

F
B
0
4
8
s
_
1
7
_
5
_
2
0
1
8
C
M
Y
K