Ægir - 01.12.2017, Blaðsíða 12

12
Vilhjálmur Hallgrímsson og fyr-
irtækið Fisheries Technologies
ehf. hlutu nýlega fyrstu verð-
laun í samkeppni um Framúr-
stefnuhugmynd Sjávarútvegs-
ráðstefnunnar 2017. Verðlaun-
in voru veitt fyrir nýtt alhliða
upplýsingakerfi fyrir fiskveiði-
stjórnun sem byggir á áratuga
fjárfestingu og reynslu Íslend-
inga á þessu sviði. Með tilkomu
kerfisins, sem kallast The Fis-
heries Manager, munu aðrar
þjóðir geta tileinkað sér þekk-
ingu sem hefur orðið til á þessu
sviði hérlendis fyrir aðeins brot
af þeirri fjárfestingu sem hing-
að til hefur þurft.
Fisheries Technologies hefur
þróað rammaumhverfið Fish-
Tech Framework sem lýsir
hvernig árangursrík fiskveiði-
stjórnun virkar. Ramma-
umhverfið lýsir innviðum fisk-
veiðistjórnunar og inniheldur
öll upplýsingakerfi sem þarf til
slíks reksturs. Í því er einnig að
finna helstu verkferla sem þörf
er fyrir í vel útfærðri fiskveiði-
stjórnun.
„Við höfum verið í látlausri
þróunarvinnu síðan við stofn-
uðum fyrirtækið 2012. Við vild-
um kanna hvort ekki væri hægt
að taka þá miklu reynslu og
fjárfestingu sem Íslendingar
hafa lagt í fiskveiðikerfið og
setja það þannig fram að aðrar
þjóðir geti nýtt sér það líka. Það
hefur okkur tekist og nú erum
við komnir með kerfi sem hefur
þá eiginleika sem iðnríkin nota í
sinni fiskveiðistjórnun og síðan
höfum við bætt við þáttum sem
þróunarríkin nota,“ segir Vil-
hjálmur. Fyrsta kynning á kerf-
inu fer fram um þessar mundir
og segir Vilhjálmur að viðræður
standi yfir við einstök ríki og al-
þjóðlegar stofnanir sem hafi
sýnt þessu verkefni mikinn
áhuga.
Hugmyndin kviknar
Að sögn Vilhjálms er Fisheries
Technologies ehf. stofnað af
fimm sérfræðingum sem allir
hafa áratuga reynslu af vinnu
við íslenska fiskveiðistjórnunar-
kerfið. Sjálfur er hann kerfis-
fræðingur en segir að þótt þeir
hafi mismunandi bakgrunn eigi
þeir allir rætur að rekja til tölvu-
deilda Fiskistofu og Hafrann-
sóknastofnunar þar sem þeir
sáu um þróun og rekstur ís-
lenska upplýsingakerfisins í ára-
tugi. Hann segir þá einnig hafa
unnið sem ráðgjafa erlendis,
þar á meðal í þróunarlöndum í
Afríku og við Indlandshaf.
„Þar voru menn að glíma við
vandamál sem búið var að leysa
hér heima fyrir löngu. Þá kvikn-
aði sú hugmynd að nýta þekk-
inguna og reynsluna sem Ís-
lendingar búa yfir og gera úr
henni útflutningsvöru.“
Vilhjálmur segir að þegar
þróunarvinnan hófst hafi kerfið
verið hugsað sem stjórnsýslu-
lausn fyrir þjóðríki, ráðuneyti,
hafrannsóknastofnanir, fiski-
stofur og landhelgisgæslur.
„Síðan horfðum við á þarfir ým-
issa útgerða sem eru ekki ósvip-
aðar, þótt þær séu á minni
skala. Þessi lausn getur nýst
þeim mjög vel líka, sem stækkar
hóp hugsanlegra notenda mik-
ið.“
Fyrsta alhliða
fiskveiðistjórnunarkerfið
Hann segir að víðast hvar hafi
verið mikil vandræði í fiskveiði-
stjórnuninni vegna þess að
lausnir fyrir söfnun og úrvinnslu
gagna um fiskveiðar hafi ekki
legið á lausu fyrr en núna með
tilkomu þeirra kerfis. Vilhjálmur
segir að rafrænar afladagbækur
hafi verið innleiddar fyrir
stærsta hluta íslenska flotans
og með mikilli úrvinnslugetu
nútíma tölvukerfa sé hægt að
kalla fram upplýsingar í raun-
tíma sem áður hafi tekið langan
tíma að vinna. Þetta opni nýja
möguleika í allri stjórnun og
eftirliti með veiðunum.
„Rafrænar afladagbækur
veita rauntímaupplýsingar um
staðsetningu skipa og báta. Það
sem er nýtt hjá okkur og sem
ekki hefur áður verið hægt, er
að flokka skip eftir þeim veið-
um sem þau stunda, hvaða afli
er um borð í hverju skipi, hvaða
fisk það ætlar að veiða og
hvaða kvóta það hefur. Þetta
býður upp á ýmsa möguleika
og það fer eftir reglum í hverju
landi hve djúpt er farið í þetta.“
Vilhjálmur segir kerfið í stöð-
ugri þróun og að það verði
kynnt í nokkrum skrefum á
næstu tveimur árum. „Þegar því
lýkur verðum við komin með
fyrsta alhliða stjórnkerfið sem
vitað er um í heiminum sem er
sérhæft fyrir fiskveiðistjórnun,“
segir Vilhjálmur Hallgrímsson
hjá Fisheries Technologies.
Vilhjálmur Hallgrímsson með Hafölduna, verðlaunagrip Sjávarútvegsráðstefnunnar 2017.
F
réttir
Nýtt íslenskt
fiskveiði-
stjórnunar-
kerfi verð-
launað