Ægir - 01.12.2017, Blaðsíða 18
18
„Margt hefur breyst í þessu
starfi og flest til batnaðar,“
segir Guðrún Oddný Schmidt,
gæða- og verkstjóri hjá Íslands-
sögu á Suðureyri. Hún hefur um
árabil starfað við fiskvinnslu,
undanfarin 13 ára hjá Íslands-
sögu og þar af verið í áratug í
núverandi starfi. Guðrún Oddný
er fædd á Bíldudal en uppalin á
Suðureyri og komst snemma í
kynni við þessa undirstöðu-
atvinnugrein okkar Íslendinga.
Byrjaði 12 ára í kúfiskvinnslu
Guðrún Oddný var 12 ára göm-
ul þegar hún var í kúfiskvinnslu
í sínum heimabæ, en 14 ára
fékk hún starf yfir sumarið í
frystihúsi staðarins, hjá Fiskiðj-
unni Freyju. Þar vann hún öll
sumur og í fríum um jól og
páska fram eftir aldri, bæði við
pökkun og að skera úr. Faðir
hennar var verkstjóri hjá Fiskiðj-
unni Freyju sem þá var í fullu
fjöri á Suðureyri og var Guðrún
Oddný ekki há í loftinu þegar
hún kynntist öllum krókum og
kimum í frystihúsinu. Hún segir
að frá því hún steig sín fyrstu
skref í fiskvinnu hafi tækni
fleygt fram og þó svo að um
sama starfið sé að ræða, þ.e. að
skera og snyrta fisk og pakka
honum, sé starfið nú léttara en
áður var. „Þessi mikli burður,
m.a. með bakka fulla af fiski
heyrir sögunni til, nú rennur
fiskurinn áfram á flæðilínum
þannig að starfið reynir ekki
eins á líkamlega burði,“ segir
hún.
Mikil áhersla á gæðaeftirlit
á öllum stigum
Guðrún Oddný hefur gegnt
starfi gæða- og verkstjóra hjá
Íslandssögu undanfarin 10 ár
og í allt starfað hjá fyrirtækinu í
13 ár. „Ég vann áður í verslun,
en skipti um starf og fór í frysti-
húsið því vinnutíminn hentaði
betur þar sem ég var með barn
á leikskóla á þessum árum,“
segir hún og kveðst kunna
skiptunum vel, hún kunni
ágætlega við fiskvinnu. „Starfið
hefur líka þróast í jákvæða átt,
það hafa komið fram ýmsar
tækninýjungar sem auðvelda
starfið og gera það betra,“ segir
hún.
Íslandssaga fagnaði 18 ára
afmæli fyrr í desember en fyrir-
tækið byggir á góðum grunni
ríkrar hefðar í úrvinnslu sjávar-
afurða. Á Suðureyri hefur verið
rekin fiskvinnsla frá því
snemma á síðustu öld. Félagið
framleiðir bæði ferskar og fryst-
ar afurðir til útflutnings, hefur
raunar verið leiðandi í útflutn-
ingi á ferskum fiski frá Vest-
fjörðum. Um 60% af hráefninu
er flutt ferskt til Evrópulanda,
m.a. Bretlands og Frakklands en
einnig fer drjúgt til Bandaríkj-
anna. „Við höfum alla tíð lagt
mikla áherslu á gæðaeftirlit og
fylgjum okkar hráefni eftir á öll-
um stigum, úti á sjó og í gegn-
um alla meðhöndlun í landi,“
segir Guðrún Oddný.
Meira starfsöryggi
Félagið er í eigu heimamanna
og telur hún það mikinn kost.
Hluthafar í félaginu eru Súgfirð-
ingar og er saga þeirra samofin
sögu þorpsins. „Það hafa miklar
sviptingar verið í sjávarútvegi
undanfarin ár og Vestfirðir þar
ekki undanskildir, fyrirtæki hafa
komið og farið. Sú óvissa sem
gjarnan er ríkjandi þegar fyrir-
tæki eru í eigu félaga utan
svæðisins er mikil, starfsfólk
veit aldrei hvort mönnum dett-
ur í hug að loka eða flytja fyrir-
tækið annað þar sem hag-
kvæmara þykir að reka það.
Okkur, sem störfum hjá Íslands-
sögu, þykir því gott til þess að
Guðrún Oddný Schmidt, gæða- og verkstjóri hjá Íslandssögu á Suðureyri
Meira starfsöryggi þegar fyrirtækin
eru í eigu heimamanna
Guðrún Oddný Schmidt, gæða- og verkstjóri hjá Íslandssögu á Suður-
eyri þar sem eru framleiddar ferskar og frystar afurðir til útflutnings.
F
isk
v
in
n
sla