Ægir - 01.12.2017, Blaðsíða 30
30
líka íslaus, þ.e. að ekki er þörf á
ís í kerin til að halda fiskinum
fullkældum. Lestarkerfið er frá
Skaganum 3X á Akranesi, sem
og allur vinnslubúnaður á milli-
þilfari þ.e. slægingarlína, karfa-
flokkari, flokkunarkerfi með
tölvusjón, Rotex kæliker, færi-
bönd og annar búnaður.
Allur fiskur fer í ferlinu í
gegnum tegunda- og stærðar-
greiningu og síðan í blóðgunar-
og kælingarferli þar sem aflinn
er fullkældur í þrepum. Við
enda vinnsluferilsins eru
hleðslustöðvar þar sem 300 kg
skammti af fullkældum fiski er
raðað í kör sem síðan fara í lest-
ina og er það í raun kælikerfið í
lestinni sem viðheldur þeirri
kælingu sem búið er að ná á
fiskinn. Með öðrum orðum færir
sjálfvirkt kerfi í lestinni tóm ker
upp á vinnsluþilfar og á hverja
hleðslustöð þar sem raðað er í
þau og síðan fara þau með
sama hætti vélrænt aftur niður í
lest.
Kerfið er þróað af Skaganum
3X í samstarfi við starfsmenn
HB Granda en lestar- og
vinnslukerfið er smíðað hjá
Skaganum 3X. Kælismiðjan
Frost ehf. hafði með höndum
kælibúnaðinn sjálfan. Segja má
að lestin í skipunum sé nokkurs
konar lagerbúr þar sem fiskiker
eru í fimm kera stæðum og eru
þannig hífð í einni samstæðu
upp á bryggju þegar landað er
úr skipunum. Í lestina komast
635 kör, sem svarar til rösklega
190 tonna fiskafla.
Margir lagt hönd á plóg
Mörg önnur íslensk fyrirtæki
komu að smíði skipanna og
sölu búnaðar í þau. Umsjón
með málningu skipsins hafði
Sérefni ehf., aflanemakerfi er frá
Marport og brú skipsins er að
finna nýjustu og bestu tækni
hvað varðar fiskileitar- og sigl-
ingatækni. Á skjávegg geta
skipstjórnendur unnið með for-
ritsmyndir eftir þörfum en þessi
búnaður kemur frá Brimrún ehf.
Eitt af áhugaverðum kerfum
í skipinu er orkunýtingarkerfi
sem er búnaður sem metur
með sjálfvirkum hætti upplýs-
ingar um siglingarhraða, tog-
spil og álag á skipinu og reiknar
út aflstjórn vélbúnaðar út frá
þeim forsendum þannig að
hagstæðasta orkunýting fáist
hverju sinni. Þannig stýrir kerfið
sjálfvirkt snúningshraða á
skrúfu, skurði skrúfublaða,
snúningshraða á vél og fleiri
þáttum.
Strax á nýju ári verður hafist
handa við niðursetningu bún-
aðar á milliþilfar og í lest en það
verk verður unnið á Akranesi.
Undir mitt ár 2018 ætti skipið
að vera komið í fullan rekstur
og þar með leysa Ottó N. Þor-
láksson af hólmi í skipastól HB
Granda hf.
Viðey í togprófunum.