Ægir - 01.12.2017, Blaðsíða 40

40
Þann 13. desember var gengið
frá samningi um að NAVIS
hanni nýtt línuskip fyrir Vísi hf.
í Grindavík. Um er að ræða 45
metra langt og 10,5 metra
breitt hefðbundið þriggja þil-
fara línuskip. Þegar hefur verið
skrifað undir smíðasamning við
skipasmíðastöðina Alkor í
Gdynia í Póllandi og er gert ráð
fyrir að smíðin hefjist í apríl á
næsta ári og verði lokið um
mitt ár 2019.
„Við höfum á síðustu árum
séð um tæknimál og teikningar
fyrir Vísi við endurnýjun og
endurbyggingu tveggja eldri
línuskipa í samvinnu við þessa
sömu skipasmíðastöð. Þannig
kom Fjölnir GK 657 úr allsherjar
endurnýjun fyrir um einu og
hálfu ári og á næsta ári lýkur
gagngerum breytingum á
Arney sem mun breyta um nafn
og verða Sighvatur GK 57,“ seg-
ir Hjörtur Emilsson, fram-
kvæmdastjóri NAVIS. Hjörtur
segir að í þessari vinnu hafi
komið upp sú hugmynd að
ganga alla leið og smíða þetta
nýja skip frá grunni. Það mun
heita Páll Jónsson GK 7 og
koma í staðinn fyrir skip með
sama nafni. Hjörtur segir hönn-
unina unna í miklu samstarfi við
Vísismenn og þá einkum út-
gerðarstjórann, Kjartan Viðars-
son. Að sögn Hjartar er lögð
áhersla á góðan aðbúnað um
borð með rúmgóðu vinnuum-
hverfi og eins manns klefum
fyrir áhafnarmeðlimi.
„Við höfum unnið náið með
þeim að því að hanna hefð-
bundið en öflugt og nútímalegt
línuskip sem mun henta þeim
vel.“ Hjörtur segir að skipa-
smíðastöðin leggi áherslu á að
nýta íslenska tækniþekkingu og
hugvit í þessu verkefni og
þannig hafi meðal annars verið
samið við Raftíðni ehf. um raf-
hönnun og framleiðslu á hluta
rafkerfis.
Endurnýja flotann
Pétur H. Pálsson, framkvæmda-
stjóri Vísis, segir að fyrirtækið
muni áfram leggja áherslu á að
gera út fimm línuskip sem landi
hvert um sig afla til vinnslu einn
virkan dag í viku. Hann segir að
gert sé ráð fyrir að endurnýjun
skipaflota Vísis verði lokið á
næstu þremur til fjórum árum
með nýsmíði í stað Kristínar GK
457 og loks með endurbygg-
ingu á Jóhönnu Gísladóttur GK
557. „Það var orðið tímabært að
endurnýja flotann því þetta eru
allt upp í 50 ára gömul skip. Við
ráðumst í þetta verkefni í
trausti þess að umhverfið í sjáv-
arútvegi verði í lagi næstu árin,“
segir Pétur H. Pálsson, fram-
kvæmdastjóri Vísis í Grindavík.
NAVIS hannar nýtt línu-
skip fyrir Vísi í Grindavík
Hjörtur Emilsson, framkvæmdastjóri NAVIS og Andrzej Zólc fulltrúi Alkor skipasmíðastöðvarinnar í Póllandi.
Nýr Páll Jónsson GK 7, sem verður 45 metra langur er væntanlegur
hingað til lands um mitt ár 2019.
F
réttir