Ægir - 01.02.2017, Blaðsíða 11
11
Breyting á viðskiptamódeli
Páll segir að ástæðan fyrir því
að Eskja fór út í það verkefni að
reisa verksmiðju fyrir frystingu
á uppsjávarfiski og kaup á skipi
til að afla hráefnis fyrir hana, sé
að breyta viðskiptamódeli sínu
til að fá meiri verðmæti út úr
aflaheimildum fyrirtækisins.
„Með þessu erum við að
bregðast við þeim aðstæðum
sem eru á mörkuðum fyrir af-
urðir úr uppsjávarfiski. Þær
kalla á meiri gæði afurðanna.
Við erum að frysta í þessu nýja
húsi í snertilausum frystum, þar
sem hráefnið er ekki pressað
eins og í hefðbundnum plötu-
frystum. Þetta er ný tegund af
frystum sem Skaginn á Akra-
nesi hefur verið að þróa og
selja. Fyrir vikið er hráefnið
betra og auk þess er fryst á að-
eins þremur og hálfum tíma,
sem telst stuttur frystitími.
Við eigum að geta keyrt í
gegnum húsið yfir 600 tonn af
afurðum úr makríl og síld, sem
er gríðarleg viðbót við það sem
við höfðum í frystiskipinu okk-
ar, Aðalsteini Jónssyni. Þar náð-
um að frysta upp í um 100 tonn
á sólarhring. Þetta gerir það að
verkum að við getum skipulagt
veiðarnar okkar á makríl og síld
betur, tekið okkar kvóta þegar
hráefnið er betra þegar líður á
haustið. Þá getum við tekið
okkar aflaheimildir á styttri tíma
og það skilar einnig hærra verði
fyrir afurðirnar.“
Vantar heimildir í íslenskri síld
Eskja hefur ekki heimildir í ís-
lenskri síld. Ferill ársins er sá að
yfirleitt er byrjað í kolmunna í
janúar meðan verið er að mæla
loðnustofninn. Svo er strax farið
á loðnu ef kvóti er gefinn út á
hana. Þá standa loðnuveiðar
fram í miðjan mars. Síðan fara
skipin yfirleitt beint á kolmunna
aftur í alþjóðasjónum áður en
kolmunninn gengur inn í írsku
lögsöguna. Eftir það hefur verið
gríðarlega góð kolmunnavertíð
í apríl og maí og fram í júní og
jafnvel júlí og hér á árum áður
inni í íslensku lögsögunni en
undanfarin ár hefur kolmunni
ekki veiðst á þeim slóðum.
Makrílvertíðin hefst síðan í
ágúst og síðan er farið á norsk-
íslenska síld í kjölfar þess. Væri
fyrirtækið með heimildir í ís-
lenskri síld væri hún tekin í lok
ársins.
„Við erum verulega stoltir af
uppsjávarfrystihúsinu okkar.
Það hefur gjörbreytt fyrirtæk-
inu til hins betra. Með því að
leggja af bolfiskvinnsluna hjá
okkur í Hafnarfirði erum við að
einfalda hjá okkur reksturinn
og leggja meiri áherslu á upp-
sjávarfiskinn. Við munum samt
gera út bátinn okkar, Hafdísi, til
að taka botnfiskveiðiheimildir
og selja aflann á fiskmörkuðum
eða í beinum viðskiptum eftir
því sem verkast vill,“ segir Páll
Snorrason.
Óhætt er að segja að það hafi verið líf og fjör við höfnina á Eskifirði eftir áramót og landað úr bæði íslenskum og erlendum uppsjávarskipum.
Á nýliðinni loðnuvertíð fór vinnslan í nýja uppsjávarfrystihúsinu hjá Eskju að toppi afkastagetu sem er 900
tonn á sólarhring.