Ægir - 01.02.2017, Blaðsíða 16

16
alveg þokkalegt. Það er samt 30
til 40% lægra en það var í
haust.“
Landvinnsla botnfisks
Undanfarin ár hafa togarar
félagsins landað afla sínum í
Reykjavík. Drjúgur hluti aflans
hefur síðan verið fluttur land-
leiðina til Akraness til vinnslu
og síðan til baka aftur eða fram-
hjá Reykjavík til útflutnings. Að
óbreyttu má áætla að í ár verði
um 8.000 tonnum af þorski ekið
frá Reykjavík til Akraness til
vinnslu og síðan um 4.000
tonnum aftur til Reykjavíkur til
útflutnings í gámum, um 500
tonnum til Keflavíkurflugvallar
til útflutnings með flugi og um
Í umræðunum að undanförnu hefur komið
fram gagnrýni á stjórnendur HB Granda um
að sama tíma og fyrirhugað sé að hætta
vinnslu á Akranesi, sé verið að byggja upp
nýja vinnslu á Vopnafirði. Vilhjálmur segir að
það séu tvö aðskilin mál.
„Þegar við förum af stað með þetta verk-
efni á Vopnafirði var það aldrei hugsað öðru-
vísi en reyna að halda fólki þar á staðnum. Til
að reyna að koma í veg fyrir fólksflótta. Við er-
um með fólk þarna sem við sáum fram á að
gæti aðeins verið í vinnu í 5 til 6 mánuði á ári
við uppsjávarvinnsluna okkar þar. Það segir
sig nokkuð sjálft að það var ekki að ganga. En
þessi mánuðir sem okkar fólk á Vopnafirði er
að vinna við vinnslu á uppsjávarfiski eru að
skila okkur miklum tekjum. Því var ekkert um
annað að ræða að okkar mati en bregðast við
og brúa þetta bil. Að fara út í bolfiskvinnslu
þegar vinnsla á uppsjávarfiski liggur niðri var
leiðin til þess. Við sjáum fram á að við verðum
að vinna um 700 tonn af þorski þarna á þessu
ári. Við keyptum í haust 1.600 þorskígildi af
Hafnarnesi-Ver til að standa örugglega undir
þessari vinnslu og að hún kæmi ekki niður á
öðrum rekstri í félaginu. Þannig að þetta eru
algerlega aðskilin og óskylt mál.“
Vinnslusalur fiskiðjuvers HB Granda í Reykjavík þar sem er vinnsla á ufsa og karfa. Þorskvinnsla bætist við í húsinu verði af flutningi hennar frá
Akranesi.
Tvö óskyld mál