Ægir - 01.02.2017, Blaðsíða 34
34
Hefur landað 33.000
tonnum á tíu árum
Um þessar mundir eru liðin 10
ár frá því að Vestmannaey VE
444 landaði sínum fyrsta farmi
í Vestmannaeyjum. Eigandi
skipsins er útgerðarfélagið
Bergur-Huginn ehf. sem er
dótturfyrirtæki Síldarvinnsl-
unnar hf. Vestmannaey var
smíðuð í Póllandi árið 2007 og
er svonefndur þriggja mílna
bátur, 291 tonn að stærð og 29
metrar að lengd. Systurskip
Vestmannaeyjar, Bergey VE
544, kom síðan nýtt til landsins
í ágústmánuði sama ár. Bæði
Vestmannaey og Bergey hafa
reynst mikil happaskip og alla
tíð aflað einstaklega vel, að því
er segir í frétt frá Síldarvinnsl-
unni.
Útgerðar félagið Bergur-
Huginn ehf. var stofnað í árslok
1972 í þeim tilgangi að láta
smíða skuttogara í Japan og
gera hann síðan út. Þessi togari
kom til landsins snemma árs
1973 og bar nafnið Vestmanna-
ey. Bergur-Huginn gerði Japan-
stogarann út allt til ársins 2005
ásamt fleiri skipum. Þegar Vest-
mannaey og Bergey komu til
landsins árið 2007 urðu skipin í
flota fyrirtækisins þrjú, en fyrir
var Smáey VE 144. Smáey var
síðan seld árið 2012 enda var
kvóti félagsins ekki nægur til að
unnt væri að fullnýta öll skipin.
Frábært skip og hagstætt í rekstri
Afli Vestmannaeyjar á þessum
10 árum er rúmlega 33.000
tonn og aflaverðmætið rúm-
lega 8,5 milljarðar króna. Skip-
stjóri frá upphafi hefur verið
Birgir Þór Sverrisson. Á heima-
síðu Síldarvinnslunnar birtist á
dögunum viðtal við Birgi Þór í
tilefni tímamótanna og var
skipið þá á ýsuveiðum.
„Já við erum að eltast við
ýsu núna og það hefur gengið
ágætlega. Annars hafa afla-
brögðin verið ævintýralega góð
frá því að verkfallinu lauk. Hjá
okkur hafa veiðiferðirnar gjarn-
an verið einn og hálfur til tveir
sólarhringar og sá tími hefur
dugað okkur til að fá 60-90
tonn. Við höfum komið með
fullan bát aftur og aftur. Hjá
okkur er aflinn blandaður, en
oft er uppistaðan þorskur. Það
virðist vera nóg af fiski og ver-
tíðarþorskurinn gekk á sín
helstu svæði fyrr en oftast áður.
Frá verkfalli höfum við fiskað
tæplega 900 tonn og aflaverð-
mætið er um 175 milljónir
króna. Þetta hefur verið veisla,“
sagði Birgir.
Þegar Birgir er spurður út í
skipið og þann ágæta árangur
sem náðst hefur á því á sl. 10 ár-
um segir hann Vestmannaey
hafi reynst afurða vel frá upp-
hafi. „Skipið er frábært og það
hefur fiskast vel á það frá fyrsta
degi. Þetta er gott sjóskip,
vinnuaðstaða um borð er góð
og lestarrýmið gott. Þá er skipið
afar hagstætt í rekstri. Í stuttu
máli sagt þá er þetta vel lukkað
skip í alla staði,“ sagði Birgir að
lokum.
Systurskipið ekki síðra
Systurskipið, Bergey, hóf veiðar
um fimm mánuðum á eftir Vest-
mannaey. Útgerð þess skips
hefur verið svipuð og systur-
skipsins og á það hefur ávallt
aflast vel. Um þessar mundir er
afli Bergeyjar frá upphafi um
30.000 tonn og aflaverðmæti
tæplega 8 milljarðar króna.
Skipstjóri á Bergey sex fyrstu ár-
in var Sigurður Guðbjörn Sigur-
jónsson en þegar hann fór í
land tók Jón Valgeirsson við en
Jón hafði áður verið stýrimaður
á skipinu.
Vestmannaey VE 444 er eitt af farsælum skipum í flotanum og hefur
fiskað fyrir vel á níunda milljarð á 10 árum. Mynd: Guðmundur Alfreðsson
F
réttir
Frystigámar / Sala og leiga 10 / 20 og 40 ft.
Seljum einnig og leigjum gámahús, geymslugáma og salernishús í
ýmsum stærðum og gerðum. Fjöldi sérlausna í boði, sniðnar að
þörfum hvers og eins viðskiptavinar.
www.stolpigamar.is
Hafðu
samband
568 0100 Klettagörðum 5 | 104 Reykjavík | Óseyrarbraut 12 | 220 Hafnarfirði