Ægir - 01.04.2017, Blaðsíða 8

8
„Við erum að taka safnið allt í
gegn, endurbyggja salina,
byggja við nýja afgreiðsluað-
stöðu og setja upp tvær nýjar
sýningar. Markmiðið er að ná
betur til ferðafólks og bjóða því
m.a. að fræðast um sögu sjó-
sóknar hér á Hellissandi,“ segir
Þóra Olsen sem sæti á í stjórn
sjálfseignarstofnunar um Sjó-
minjasafnið á Hellissandi. Rekst-
ur og uppbygging safnsins er
að fullu í höndum áhugasamra
heimamanna sem hafa safnað
styrkjum til framkvæmdanna
og uppsetningar nýju sýning-
anna tveggja.
„Við fengum Björn G. Björns-
son, leikmyndahönnuð, til liðs
við okkur varðandi hönnun sýn-
inganna og að verkefninu koma
bæði iðnaðarmenn og sjálf-
boðaliðar. Verkefnið er fjár-
magnað með styrkjum og kost-
ar vissulega talsvert en við vilj-
um gera þetta af metnaði,“ seg-
ir Þóra.
Þurrabúð Þorvaldar og
fiskibáturinn Bliki
Elsti hluti safnsins er endurgerð
af Þorvaldarbúð sem er ein af
síðustu þurrabúðunum á Hellis-
sandi en nýrri safnbyggingarn-
ar í Sjóminjagarðinum hýsa
sýningarnar tvær. Önnur sýn-
ingin ber yfirskriftina Náttúran
við haf og strönd og þar má
m.a. sjá uppstoppaða fugla,
fiska og lifandi myndir. Í hinum
sýningarsalnum er aðal sýning-
argripurinn fiskibáturinn Bliki
sem er elsti fiskibátur varðveitt-
ur á Íslandi, smíðaður árið 1826.
Sú sýning ber yfirskriftina Sjó-
sókn undir jökli og er þar farið
yfir sjósókn á svæðinu í gegn-
um aldirnar. „Þessi sýning end-
urspeglar útræði hér á svæðinu
og endurspeglar um leið sjó-
sókn fyrri tíma um allt land.
Með sýningunum og endurbót-
unum verður til mjög áhuga-
vert safn fyrir ferðamenn að
sækja og við vonumst til að fá
sem flesta til okkar í sumar í
Sjóminjagarðinn,“ segir Þóra.
Hellissandur
Nýjar sýningar í
Sjóminjasafninu
Þorvaldarbúð og safnhúsin tvö í Sjómannagarðinum á Hellissandi. Myndir: Þóra Olsen
Miðpunktur sýningarinnar Sjósókn undir jökli er
fiskibáturinn Bliki sem smíðaður var árið 1826.
Keppst er við að ljúka framkvæmdunum og uppsetn-
ingu sýninganna í safninu en stefnt er að opnun á
sjómannadaginn.
S
öfn