Ægir - 01.04.2017, Blaðsíða 20
20
var öllum mikið létt þegar við
sáum allt í einu hönd koma upp
úr kafinu. Þetta bjargaðist allt
sem betur fer farsællega en eft-
ir þetta var soðið í síðurnar á
skipinu og það var betra á eftir.
Teygðist allverulega á
„skottúrnum“
Hann rifjar einnig upp þegar
þriðja dóttir hans var á leið í
heiminn og hann hafði beðið í
landi eftir fæðingunni, enda
reynt að vera viðstaddur fæð-
ingu allra sinna dætra. Tvær vik-
ur voru komnar fram yfir settan
tíma þegar ákveðið var að
skjótast í stuttan túr. „Þetta áttu
bara að vera örfáir dagar og
menn ákveðnir í að hún myndi
enn um sinn láta bíða eftir sér.
Svo gerist það í miðjum þess-
um skottúr að áætlanir breyt-
ast, við sigldum á miðin fyrir
vestan og tókum til við að veiða
og frysta í gáma fyrir siglingu.
Það teygðist því all verulega á
þessum túr og leikar fóru svo
að dóttirin var orðin 11 daga
gömul þegar ég loks kom í
land,“ segir Davíð. Þannig hefur
eitt og annað komið upp á
þann tíma sem Davíð hefur ver-
ið til sjós, en allt farið vel.
Líflegt á loðnunni
Næst á eftir Dalborgu lá leið
Davíðs á Þórð Jónasson EA, sem
var atkvæðamikill við loðnu-
veiðar, en að auki var skipið að
hluta á rækju, síld og fleiri teg-
undum eftir árstíma. „Það var
oft á þessum tíma frekar dauft
yfir haustvertíðinni, við prófuð-
um stundum að byrja í kringum
mánaðamótin október nóvem-
ber en það gekk ekki sem skyldi
þannig að loðnuvertíðin hófst
ekki að ráði fyrr en eitthvað var
liðið á árið, komið fram í febrúar
jafnvel. Við vorum þá á síld á
haustin. Þetta var góður tími,
margir skemmtilegir karakterar
um borð og eftirminnilegir. Það
var líka heilmikið um að vera,
þetta voru líflegar veiðar, mikill
afli og mörg skip að veiðum.
Við lönduðum oftast á Seyðis-
Davíð hefur komið sér upp skemmtilegu fiskabúri í bílskúrnum heima á Reynihólum á Dalvík þar sem hægt er að gleyma sér um stund við að horfa á
litskrúðuga fiskana.
Stefán Stefánsson faðir Davíðs átti lengi eikarbátinn Búa EA-100 og fór Davíð með honum í róðra að sumarlagi
allt frá 12 ára aldri.