Ægir - 01.04.2017, Blaðsíða 21

21
firði þar sem líflegt var um að
litast á þessum árum, gjarnan
löndunarbið sem menn nýttu
til að rölta um bæinn og skoða
sig um og hafa það notalegt,“
segir Davíð. Úthaldið var oftar
en ekki í lengra lagi og Davíð
meira og minna á sjó fyrir aust-
an. Það á meðal annars við um
veturinn 1995, sem var óvenju
harður og snjóþungur í heima-
bænum Dalvík. Þar var allt á
kafi fram eftir vori. Davíð hafði
einmitt haft á orði við Vilborgu
þegar hann kom heim eftir
langa fjarveru hversu fínn og
góður veturinn hefði verið!
30 punda lax
Inn á milli hefur Davíð verið ið-
inn við að taka vorvertíðir og þá
einkum gert út frá Bakkafirði
eða Kópaskeri og kann slíkri út-
gerð afar vel. Gjarnan fóru þeir
feðgar saman og höfðu gaman
af. Einhverju sinni lá Stefán faðir
hans með gogginn út fyrir
borðstokkinn og hamaðist við
að ná einhverju úr netunum.
Það var býsna mikið stöggl,
enda kom í ljós þegar loks tókst
að ná fiskinum um borð að
þarna var kominn 30 punda lax.
Hin síðari ár hefur Davíð ver-
ið skipverji á Björgúlfi og er það
í þriðja sinn sem hann ræður
sig á skipið á ferlinum. Hann
segist vera ánægður með veru
sína á Björgúlfi enda valinn
maðurinn í hverju rúmi um
borð, skipstjórinn Kristján Sal-
mannsson einstaklega góður,
rólegur og yfirvegaður. „Björg-
úlfur er alveg þokkalegt sjóskip
í það heila, töluverður kork-
tappi samt, þ.e. hann er ægi-
lega snöggur að rétta sig við
þannig að þegar það gengur yf-
ir er hristingurinn mikill, en
maður venst því með árunum,“
segir hann. Björgúlfur var smíð-
aður hjá Slippstöðinni á Akur-
eyri árið 1977, er því orðinn fer-
tugur og segir Davíð hann barn
síns tíma, m.a. hvað varðar að-
búnað skipverja.
Toppurinn að fara á sjó aftur
Davíð lenti í slæmu óhappi á
liðnu hausti þegar hann var að
henda til kari um borð og
klemmdist illa á vinstri hand-
legg. Hann hefur átt í þeim
meiðslum síðan og ekki að fullu
útséð með hvernig fer. Enn er
töluverð bólga í hendinni, en
læknar segja að svo geti farið
að það taki um eitt ár að jafna
sig eftir þess konar meiðsl.
„Ég vona svo sannarlega að
ég nái að jafna mig nægilega
vel svo að ég komist einhverja
túra með nýja skipinu,“ segir
Davíð sem kveðst vera frekar
spenntur að sjá nýjan Björgúlf,
en hann var væntanlegur til
Dalvíkur þegar viðtalið var tekið
nú í maí. „Það yrði alveg toppur-
inn að fá tækifæri til að prófa
þetta nýja og glæsilega skip.“
Stefán, faðir Davíðs, með 30 punda lax sem hann goggaði upp úr netum
á einni vorvertíðinni við norðausturhorn landsins.
Davíð ungur að árum og kominn á sjóinn með föður sínum.
Skrúfupressur
og stimpilpressur
Lofthreinsibúnaður
Loftkútar - Loftsíur
Lofttengibúnaður
Loftþurrkarar
■ Ýmsar stærðir og gerðir
■ Einstaklega hljóðlátar
■ Þýsk gæði
Skeifan 3E-F · Sími 581-2333 · Fax 568-0215 · www.rafver.is
F A G M E N N S K A A L L A L E I Ð