Ægir - 01.04.2017, Blaðsíða 24

24
„Ég er hef rekið Gúmmísteyp-
una síðan 1984 og hafði áður
verið í kringum þessa starfsemi
frá því að ég var 7-8 ára að
fylgjast með afa sem setti
þennan rekstur á fót árið
1953,“ segir Þorsteinn Lárus-
son, eigandi Gúmmísteypu Þ.
Lárussonar ehf.
Þorsteinn segir að á sínum
tíma hafi afi hans unnið á
dekkjaverkstæði og þá oft þurft
að redda mönnum um ýmsa
hluti. Það hafi hann gert utan
vinnutíma uppi á háalofti
heima hjá sér og þá hafi móðir
hans hjálpað til. „Þegar hitaveit-
an var lögð í hverfi borgarinnar
þurfti að þétta allar lagnir með
gúmmíhringjum. Þá tók afi að
sér að steypa þessa hringi sem
skiptu einhverjum milljónum
þegar upp var staðið. Ég man
eftir því að mamma hafði það
sem aukavinnu um tíma, með-
fram því að annast okkur börn-
in, að klippa niður gúmmi í
þessa hringi.“
Færibandaþjónusta um allt land
Þorsteinn segir að framan af
hafi stór hluti verkefna fyrirtæk-
isins tengst sjávarútvegi og við-
gerðum á gúmmíblökkum sem
notaðar voru við nótaveiði. Í
dag sé nótin ekki notuð eins
mikið og áður heldur hafi trollin
tekið við og þeirra verkefnum
þar með fækkað. Því hafi þau
fært sig yfir í að vinna við og
þjóna færiböndum sem meðal
annars eru notuð af verktökum
við malarvinnslu og í álverun-
um. Þá flytur hann böndin inn
og sker þau í þær stærðir sem
henta hverju sinni og límir sam-
an. „Við ferðumst mikið um og
veitum færibandaþjónustu um
allt land.“
Fyrirtæki sem eiga vel saman
Nýlega stækkaði Þorsteinn við
sig og keypti Reimaþjónustuna
sem framleiðir færibönd fyrir
matvælaiðnað. Þorsteinn segir
að það henti vel að sameina
þessi tvö fyrirtæki undir einu
þaki þar sem að um skylda
starfsemi sé að ræða. Að auki
rekur Þorsteinn dekkjaverk-
stæði að Gylfaflöt 3.
Alls starfa í dag 9 manns í
sameinuðu fyrirtæki og gerir
Þorsteinn ráð fyrir að hann
muni þurfa að bæta við sig ein-
hverjum mannskap fljótlega.
„Annars vinnum við hér tvö úr
fjölskyldunni, ég og Berg lind
dóttir mín og síðan hleypur
konan undir bagga þegar mikið
er að gera,“ segir Þorsteinn.
Hann bætir því við að Berglind
hafi tekið við af honum sem
framkvæmdastjóri fyrirtækisins
og því sé hann kominn aftur á
gólfið. Aðspurður hvort frekari
verkefni séu í kortunum segir
hann aldrei að vita. „Konan mín
hefur ósjaldan á orði að það sé
alltaf eitthvað nýtt að gerjast í
Gúmmísteypunni,“ segir Þor-
steinn Lárusson að lokum.
Gúmmísteypan og Reima-
þjónustan sameinast
Það er samhent fjölskylda sem rekur Gúmmísteypuna. Hér er Þorsteinn ásamt Steinunni eiginkonu sinni og
Berglindi sem nú er tekin við sem framkvæmdastjóri Gúmmísteypunnar.
Þorsteinn fyrir höfuðstöðvar fyrirtækjanna við Gylfaflöt.
Þ
jón
u
sta