Ægir - 01.04.2017, Blaðsíða 32

32
„Það er góð tilfinning að koma
heim með þetta nýja skip og
mikil breyting frá gamla skip-
inu,“ segir Sigþór Kjartansson,
annar tveggja skipstjóra á
frystitogaranum Sólbergi ÓF 1.
Tvær áhafnir verða á skipinu,
34 manns í hvorri en skipstjóri á
móti Sigþóri er Trausti Kristins-
son. Þeir voru áður með frysti-
togarann Mánaberg ÓF í eigu
sömu útgerðar.
Sigþór segir allan aðbúnað
áhafnar gjörbreytingu frá því
sem var í Mánaberginu. „Það
skip var tæplega 68 metrar en
Sólbergið er tæplega 80 metrar
að lengd og 15,4 metra breitt.
Stærðarmunurinn er því veru-
legur á skipunum og ekki síst
finnst munurinn í þessari miklu
breidd sem er í Sólberginu.
Bæði kemur hún fram í allri að-
stöðu innan skips, auk heldur
sem skipið verður stöðugra í
sjó,“ segir Sigþór.
Allur aflinn nýttur
Líkt og fram kemur annars stað-
ar í blaðinu er lýsis- og mjöl-
vinnsla meðal nýjunga í Sól-
berginu og raunar er aðeins
einn frystitogari í íslenska flot-
anum að keyra slíka vinnslu
samhliða flakafrystingunni.
Þetta þýðir að allur afli er nýttur
til fulls til verðmætasköpunar.
„Hér er því verið að horfa á
mun meiri nýtingu á aflanum,
sem er hið besta mál. Hér erum
við með lýsisvinnslu, prótein-
framleiðslu, getum unnið í flök
til frystingar og skorið í bita. Í
stuttu máli er skipið alveg gríð-
arlegt stökk inn í framtíðina.
Það er mjög góð tilfinning að
taka þátt í því skrefi að fullnýta
allan afla um borð, bæði út frá
umhverfislegu sjónarmiði og
því að gera sem mest verðmæti
úr aflanum,“ segir Sigþór.
Erfiðustu störfin hverfa
Í Sólberginu eru svefnrými fyrir
38 en gert er ráð fyrir að í hvorri
áhöfn verði 34. „Fjölgunin frá
því sem við vorum áður með á
Mánaberginu felst fyrst og
fremst í vinnslunni á millidekk-
inu. Það verður sama mönnun í
vél, á togdekki og í brú en
bræðsla, bitaskurður og ýmis-
legt fleira kallar á fleiri menn í
vinnsluna sjálfa,“ segir Sigþór
en meðal fjölmargra tækni-
breytinga sem fylgja Sólberg-
inu er að allur afli er frágenginn
á brettum á millidekki áður en
þau fara í lest. Það þýðir að eng-
in umstöflun er á fiskikössum
við löndum, allar afurðir fara á
brettunum beint í land.
„Stóra byltingin felst í því að
hér er búið að koma við sjálf-
virkni við frystana, útsláttur úr
frystipönnum er sjálfvirkur og
menn þurfa ekki lyfta pönnum í
fanginu. Það er gríðarlegur
munur að losna við þessi erfiðu
störf og má segja að hér sé
komin nokkurs konar sjálfvirk
flæðilína. Þetta hafa verið erfið
störf sem er mjög jákvætt að
verði nú vélræn.“
Skipstjórarnir í brúnni, Sigþór Kjartansson (t.v.) og Trausti Kristinsson. Myndir: Jóhann Ólafur Halldórsson.
Sigþór Kjartansson, skipstjóri á Sólbergi ÓF 1
Sólbergið er risastökk
inn í framtíðina
N
ý
fisk
isk
ip