Ægir - 01.04.2017, Blaðsíða 40
40
Íbúar Dalvíkurbyggðar hafa ríka ástæðu til að gleðjast þessa dag-
ana. Nýr ísfisktogari Samherja hf., Björgúlfur EA 312, er kominn að
bryggju eftir heimsiglingu frá Tyrklandi og á dögunum tilkynnti
Samherji jafnframt fyrirætlanir sínar um byggingu nýs fiskvinnslu-
húss við höfnina á Dalvík sem Þorsteinn Már Baldvinsson, forstjóri
fyrirtækisins, segir að verði fullkomnasta bolfiskvinnsla í heimi.
Þessu til viðbótar eru að hefjast framkvæmdir við nýjan viðlegu-
kant í Dalvíkurhöfn sem áætlað er að ljúki á næsta ári og munu þær
kosta um hálfan milljarð króna. Bjarni Th. Bjarnason, sveitarstjóri
Dalvíkurbyggðar segir íbúa byggðarlagsins sannarlega gleðjast við
þessi tíðindi sem enn styrki sjávarútvegsbæinn Dalvík í sessi.
„Hér eru allir glaðir með til-
kynningu Samherja hf. um
byggingu nýja fiskvinnsluhúss-
ins og ég er virkilega stoltur fyr-
ir hönd Dalvíkurbyggðar að
ákvörðun skuli vera tekin um
fjárfestingu í hátæknivæddri
fiskvinnslu hér hjá okkur. Þetta
er verkefni sem unnið verður af
miklum metnaði af hálfu Sam-
herja hf. og ánægjulegt að
heyra um þær fyrirætlanir að ís-
lensk iðnfyrirtæki hafi aðkomu
að þeim tæknilausnum og
tækjabúnaði sem í húsinu
verða. Það skiptir miklu máli fyr-
ir lítið byggðarlag eins og okkar
að öflugt sjávarútvegsfyrirtæki,
sem er með starfsemi víða um
heim, skuli ákveða að efla sína
starfsemi enn frekar á Dalvík.
Samherji hefur verið meðal
helstu máttarstólpa hér í
byggðarlaginu um árabil, skap-
að atvinnutækifæri og byggt
upp sína starfsemi auk þess að
styðja við fjölmörg verkefni í fé-
lags- og mannlífinu. Oft mætti
það að mínu mati njóta meira
sannmælis í umræðunni,“ segir
Bjarni.
Milljarða fjárfesting í nýju skipi
og nýrri landvinnslu
Á kynningarfundi Samherja á
Dalvík með starfsmönnum fyrir-
tækisins og fulltrúum Dalvíkur-
byggðar var tilkynnt um bygg-
ingu nýju landvinnslunnar og
sagði Þorsteinn Már Baldvins-
son, forstjóri, að fjárfesting fyrir-
tækisins í þessum tveimur verk-
efnum á Dalvík, þ.e. vinnsluhús-
inu og nýjum Björgúlfi EA nemi
samanlagt 6 milljörðum króna.
Þar af er landvinnslan rúmur
helmingur eða um 3,5 milljarðar
króna. Benti Þorsteinn á að fjár-
festing Samherja hf. í veiðum og
vinnslu á Eyjafjarðarsvæðinu
nemi um 11 milljörðum króna á
aðeins þremur árum.
„Árangur okkar í vinnslunni
hér er eftirtektarverður og
ástæðan er fyrst og fremst
starfsfólkið okkar sem hefur
staðið sig frábærlega. Og í raun
samfélagið allt því allir hafa vilj-
að hag vinnslunnar sem mestan
og staðið með fyrirtækinu í
gegnum árin,“ sagði Þorsteinn
Már ennfremur á fundinum.
Hann sagði að með nýrri
vinnslu myndu störfin breytast,
þau yrðu fjölbreyttari og meira
krefjandi en jafnframt auðveld-
ari líkamlega.
„Við ætlum að byggja hér
fullkomnustu fiskvinnslu í heimi
og okkur mun takast það með
ykkar hjálp, ágætu starfsmenn. Í
nýju vinnslunni munum við
vinna áfram með íslenskum iðn-
fyrirtækjum að því að þróa
lausnir í matvælaiðnaði sem síð-
an verða seldar innanlands og
erlendis. Húsið verður viðmiðið
sem íslensk fyrirtæki munu nota
til að sýna tæknilausnir sínar og
framleiðslu úti um allan heim.
Þannig hefur íslenskur iðnaður
þróast með íslenskum sjávarút-
vegi og við njótum öll góðs af,“
Ný landvinnsla, nýr ísfisktogari og hafnarframkvæmdir á Dalvík
„Hér eru allir
glaðir í dag“
segir Bjarni Th. Bjarnason, sveitarstjóri Dalvíkurbyggðar
Bjarni Th. Bjarnason, sveitarstjóri Dalvíkurbyggðar.
Ný landvinnsla Samherja hf. verður á svæði við norðurgarð Dalvíkur-
hafnar og er nú unnið að hönnun byggingarinnar. Við norðurgarðinn
eru einnig að hefjast framkvæmdir við nýjan 120 metra viðlegukant sem
verið hefur á áætlun um nokkurra ára skeið.
F
réttir