Ægir - 01.06.2017, Blaðsíða 6
6
Nánast í hverri viku birtast fréttir bæði hérlendis og erlendis sem
lýsa áhyggjum af þróun umhverfismála, mengun og hlýnun jarðar
með tilheyrandi afleiðingum sem birtast á fjölmörgum sviðum. Ný-
legir atburðir á Grænlandi eru líkast til afleiðing hlýnunar jarðar og
færa okkur heim sanninn um að bráðnun jökla geta fylgt stórat-
burðir í náttúrunni. Hér á landi má þess líka sjá merki hvernig jöklar
hafa hopað og bráðnað mörg undanfarin ár og vitanlega sést á jökl-
unum hvað hraðast þegar breytingar verða á hitastigi yfir lengra
tímabil.
Umhverfismál skipta íslenskan sjávarútveg miklu máli – og jafn-
vel kynnu margir að segja að þau skipti greinina öllu máli. Hlýnun
sjávar framkallar breytingar í vistkerfinu, tegundir færa sig til milli
hafsvæða og við sjáum dæmi um nýjar suðlægari tegundir á haf-
svæðinu umhverfis landið. Þessum breytingum kunna að fylgja ým-
is ný tækifæri og þarf ekki að efast um að íslenskur sjávarútvegur
mun nýta sér þau. Mestu skiptir þó að við höldum þeirri umræðu
stöðugt á lofti hversu mikil áhrif mengun getur haft á heimshöfin
og þar með lífríkið. Meðvitund fólks virðist sem betur fer eilítið að
aukast, samanber vakningu á þessu ári í hreinsun plasts úr höfun-
um og umræðu um hvernig eiturefni sem berast í hafið geta skilað
sér til baka með fiskinum í fæðu fólks. Við eigum ekki að óttast
þessa umræðu heldur taka þátt í henni, benda á staðreyndir um
okkar fiskimið um leið og við hvetjum til þess að þjóðir heims slíti
ekki því handabandi sem virtist komið á síðustu ár. Forseti Banda-
ríkjanna virðist með nokkuð hrollvekjandi hætti blása á allar rann-
sóknir og vísbendingar um stöðu loftslagsmála. Náttúran á hans
huga ekki að fá að njóta vafans. Því betur fer þar forseti sem hefur
ekki heimsbyggðina með sér í þessum efnum en styrkur Bandaríkj-
anna er slíkur að full ástæða er til að hafa áhyggjur engu að síður.
Ekki hvað síst fyrir okkur Íslendinga og auðlindir okkar í höfunum.
Við getum aldrei leyft okkur annað en láta hafsvæðin okkar og fiski-
stofnana njóta vafans. Það höfum við sannreynt með takmörkun
sóknar í stofnana. Nýlegar rannsóknir sýna nokkuð sterka stöðu
allra helstu nytjastofna okkar en við þurfum sífellt að vera á verðin-
um.
Við þurfum líka að halda á lofti því sem er að gerast í sjávarút-
vegi á Íslandi. Kvótakerfið sem slíkt er umtalsvert framlag til um-
hverfismála þar sem það hefur aukið hagræði í sókn og það skilar
minni útblæstri og olíueyðslu á bak við hvert kíló sem á land kemur.
Nýju skipin sem eru að koma til landsins hvert af öðru eru gjörbylt-
ing í orkunotkun frá þeim áratuga gömlu skipum sem á móti hverfa
úr fiskiskipaflotanum. Fiskiskipahönnuðir hér á landi eru jafnvel
byrjaðir að hanna skip sem alfarið eru knúin rafmagni. Miðað við
alla tækniþróun þá er þess ekki langt að bíða að við sjáum slík skip í
útgerð. Þetta og margt fleira sýnir að við erum að vinna okkar
heimavinnu á ýmsum sviðum þó vissulega megi líka bæta sig á
mörgum öðrum.
Jóhann Ólafur Halldórsson skrifar
Umhverfismálin skipta máli
R
itstjórn
a
rp
istilll
Vökvakerfislausnir
Vökvadælur, vökvamótorar
og stjórnbúnaður
Danfoss hf. Skútuvogi 6, 104 Reykjavík, Sími: 510 4100
www.danfoss.is
Stjórnbúnaður skipa. Tæknibúnaður sem ætlaður
er til notkunar á sjó mætir erfiðustu hugsanlegu
skilyrðum. Álag óblíðrar náttúru, miklar
hitabreytingar og stöðugur ágangur af söltum
sjó, eykur þörf viðskiptavina fyrir áreiðanlegan
og skilvirkan búnað.
Út gef andi:
Athygli ehf. ISSN 0001-9038
Rit stjórn:
Athygli ehf. Glerárgötu 24, Ak ur eyri.
Rit stjór i:
Jóhann Ólafur Hall dórs son (ábm.)
Sími 515-5220. GSM 899-9865.
Net fang: johann@athygli.is
Aug lýs ing ar:
Augljós miðlun. Sími 515-5206.
GSM 898-8022. Net fang: inga@athygli.is
Suðurlandsbraut 30. Reykjavík.
Hönnun & umbrot:
Athygli ehf.
Suðurlandsbraut 30. Reykjavík.
Sími 515-5200.
Á skrift:
Hálfsársáskrift að Ægi kostar 6100 kr.
Áskriftar símar 515-5200 & 515-5205
ÆG IR kem ur út 10-11 sinn um á ári.
Eft ir prent un og ívitn un er heim il,
sé heim ild ar get ið.