Ægir - 01.06.2017, Blaðsíða 30
30
N
ý
tt fisk
isk
ip
Eiríkur Jónsson, skipstjóri á Ak-
urey AK 10 kann vart nógu
mörg lýsingarorð til að lýsa
ánægju sinni með skipið á
heimleiðinni frá Tyrklandi.
Hann hefur þó í mikinn reynslu-
brunn að sækja til samanburð-
ar, hefur verið sjómaður frá 15
ára aldri og mörg undanfarin ár
stýrimaður og skipstjóri. Hann
er ekki í nokkrum vafa um að
hin nýja Akurey komi til með að
fara vel með áhafnarmeðlimi
þegar haldið verður til veiða
síðar á árinu.
„Þetta er í alla staði frábært
skip – ég get ekki haft nein
önnur orð um það. Skipið er
ekki líkt neinu sem ég hef áður
kynnst á sjó. Á heimleiðinni vor-
um við um tíma með 20 metra
vind á síðuna og þá rétt rugg-
aði skipið þrjár gráður á hvort
borð. Ölduhæðin var þrír metr-
ar og ég prófaði að keyra upp í
veðrið og þó að ég keyrði á yfir
11 mílum í ölduna þá fékk ég
ekki einn dropa upp á glugga á
brúnni. Og strákarnir sem voru
að þrífa niðri á dekki urðu ekki
einu sinni varir við það að ég
væri farinn að keyra á móti.
Skipið hreyfist einfaldlega ekk-
ert í sjó. Það væri alveg heims-
met ef einhver yrði sjóveikur í
svona skipi, ég held að það sé
bara ekki hægt,“ segir Eiríkur en
heimsiglingin frá Celictrans
skipasmíðastöðinni í Tyrklandi
tók um hálfan mánuð, lengst-
um þó í góðu veðri.
Hljóðlátt skip sem fer vel með
áhöfnina
Eiríkur hefur frá árinu 2009 ver-
ið skipstjóri á Sturlaugi H. Böðv-
arssyni AK en áður var hann
stýrimaður á Sturlaugi um sjö
ára skeið. Fyrr hafði hann verið
á ýmsum skipum á Akranesi, s.s.
Víkingi AK og Höfrungi II AK.
Áhöfnin á Sturlaugi færir sig yfir
á Akurey AK þegar þar að kem-
ur en Eíríkur segir ólíku saman
að jafna þegar horft er á þessi
tvö skip.
„Það má eiginlega segja að
það eina sem þau eiga sameig-
inlegt sé að þetta eru togarar.
Aðbúnaður hér í Akurey er
mjög ólíkur fyrir áhöfnina. Við
verðum 15 í áhöfn og hér eru
allir með sinn klefa með sér
baðherbergi og allar vistarver-
ur, borðsalur, setustofa og eld-
hús eru fyrsta flokks. Eitt af því
sem við tökum strax eftir er
hversu hljóðlátt skipið er. Það er
varla að ég viti af því þegar vél-
in er á fullum snúningi enda
geta tveir menn talað saman
við hliðina á henni þó þó hún
sé á 500 snúningum! Að draga
úr hávaðanum um borð er
mjög stórt atriði fyrir áhöfnina
og hér uppi í brúnni er t.d. búið
að fjarlægja allar tölvur og
koma þeim fyrir niðri í sérstöku
kældu og hljóðeinangruðu
tækjarými. Við höfum því bara
hljóðláta skjái í brúnni en eng-
an hávaða frá tölvum,“ segir Ei-
ríkur.
Spennandi tími framundan
Skipstjórinn vonast til að halda
til veiða snemma hausts þegar
búið verður að setja niður
vinnslubúnað á millidekk og
lestarkerfi. Hann gerir ráð fyrir
áþekkum veiðiskap og á Stur-
laugi.
„Við höfum verið að fiska
þorsk, ufsa og karfa síðustu ár.
Það er breytilegt eftir árstímum
hvert við sækjum á miðin en yf-
irleitt eru þetta að hámarki um
fimm sólarhringa veiðiferðir. Við
færum okkur bara eftir því
hvernig fiskast og eftir hverju er
verið að leita í hverjum túr fyrir
sig. Þetta verður mjög spenn-
andi tími framundan og mér
finnst ég lánsamur að fá að taka
þátt í að koma með þetta glæsi-
lega skip til heimahafnar á
Akranesi stýra því síðan til
veiða,“ segir Eiríkur.
Akurey er ólík öllu sem
ég hef kynnst á sjó
segir Eiríkur Jónsson skipstjóri
Eiríkur Jónsson hefur verið skipstjóri á Sturlaugi H. Böðvarsyni AK mörg undanfarin ár og tekur nú við Akur-
ey AK.
Það er vítt til veggja og öllum tækjabúnaði í brú skipsins haganlega fyrir
komið.