Ægir

Árgangur

Ægir - 01.09.2017, Blaðsíða 23

Ægir - 01.09.2017, Blaðsíða 23
23 Hörpuskelsveiðar eftir langt hlé „Dagskammturinn hjá okkur er sex og hálft tonn á dag, 30 tonn á viku. Veiðisvæðið er allt sam- an reitað niður og við erum að dreifa álaginu á það eftir ákveðnu fyrirkomulagi. Þannig skráum við aflann nákvæmlega niður eftir því hvar er dregið. Það er verið að sjá hvernig þetta kemur út og segja má að um hálfgerðar hafrannsóknir sé að ræða,“ segir Sigurður Þór- arinsson, skipstjóri á Leyni SH- 162 í Stykkishólmi en báturinn stundar nú tilraunaveiðar á hörpuskel frá Stykkishólmi. Þær eru liður í rannsóknum og kortlagningu skelfiskmiða eftir að veiðum var hætt fyrir rúm- um áratug þegar stofninn hrundi. „Nú eru um tuttugu og tvö ár síðan ég var á skel síðast. Það var árið 1995 en við erum enn með sama veiðarfærið og svip- aðar græjur og þá var. Það hef- ur lítið breyst nema að nú er maður með betri bát,“ segir Sig- urður. Sex hífingar á klukkutíma Veiðarfærið er eins konar plóg- ur sem dreginn er eftir botnin- um í fimm til sjö mínútur í einu og er híft sex sinnum á klukku- tíma þegar mesta atið er. Það geta verið alveg upp í tvö tonn í plógnum en út úr því koma kannski ekki nema 10% af skel. Sum svæði eru betri en önnur. Botninn er misjafn, sem og þéttleiki skeljarinnar. Þegar plógurinn er hífður er hann losaður ofan í síló aftast á dekkinu og skelin síðan sett á færiband inn í hreinsivél en síð- an er það hreinsað frá sem vélin tekur ekki. Mikil leðja kemur upp með plógnum og töluvert af krossfiski. Hann er ekki nýttur en er engu að síður hirtur því hann er talinn mesti afræning- inn á skelinni. Honum er því fargað í landi. „Þetta er bölvað- ur skaðvaldur,“ segir Sigurður. „Við reynum því að hirða sem mest af honum, sérstaklega þar sem mikið er af honum.“ Blóðtaka þegar skelveiðunum var hætt Farið er út klukkan sex á morgnana og komið í land seinni part dags. „Það verður að vera búið að landa í síðasta lagi klukkan sjö. Þá er verið að miða við vinnsluna því skelina þarf að drepa á kvöldin svo hún sé vinnsluhæf um morguninn. Það eru fimm í áhöfn. Við ætluðum að reyna að vera fjórir en það gekk ekki. Menn eru bara með tvær hendur.“ Sigurður er ánægður með bátinn. Segir að hann sé mjög öflugur í þetta brúk en að skel- veiðunum loknum verði farið á snurvoð, í síðasta lagi um miðj- an janúar. „Þessar skelveiðar eru ekki neitt neitt í dag miðað við það sem var. Nú eru bara tíu karlar á tveimur bátum að veiða þetta en þegar best lét voru 70 til 80 karlar á miklu fleiri bátum. Það var mikil blóðtaka fyrir byggð- arlagið þegar veiðunum var hætt. Þetta er fínn veiðiskapur á haustin. Gaman að vera innan- um eyjarnar í góðu veðri. Það „aksjón“ í þessu meðan veiðin stendur yfir. Verið að skrapa botninn og hreinsa skel allan daginn,“ segir Sigurður. Sigurður Þórarinsson, skipstjóri á Leyni SH í Stykkishólmi, segir að afli sé misjafn eftir svæðum en plógurinn er dreginn í fimm til sjö mínútur í senn. Myndir: Hjörtur Gíslason. Leynir SH leggur að bryggju eftir veiðiferð.

x

Ægir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Ægir
https://timarit.is/publication/584

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.