Ægir - 01.07.2017, Blaðsíða 12

12
Eins og nafnið ber með sér hefur Sjóvá allt frá upphafi tengst íslenskum sjáv-arútvegi sterkum böndum, enda með
sterka markaðshlutdeild í þessari undir-
stöðuatvinnugrein Íslendinga. Starfsemi fé-
lagsins lýtur ekki aðeins að tryggingavernd
fyrirtækjanna heldur ekki síður lífs og lima
starfsfólks, hvort heldur er á sjó eða landi.
Markmiðið er ætíð að fækka slysum og því
er áherslan hjá Sjóvá stöðugt á forvarnir og
fræðslu til að koma í veg fyrir tjón.
„Á Íslensku sjávarútvegssýningunni í ár
munum við auðvitað kynna þær tryggingar
sem við bjóðum fyrirtækjum í sjávarútvegi,
hitta okkar viðskiptavini og treysta böndin.
Megináherslan verður þó á tvennt sem við
erum ákaflega stolt af; áralangt samstarf
Sjóvár við Slysavarnafélagið Landsbjörgu og
svo kynningu á Björgvinsbeltinu sem við hjá
Sjóvá höfum stutt við bakið á um árabil.
Sjómenn eiga mikið undir góðum björgun-
arbúnaði en ekki síður getu og hæfni björg-
unarsveitanna til aðstoðar ef í nauðir rekur.
Þess vegna styður Sjóvá heils hugar Lands-
björgu og hefur gert alla tíð,“ segir Birgir
Viðarsson, forstöðumaður fyrirtækjaráð-
gjafar hjá Sjóvá.
Aðalstyrktaraðili Landsbjargar
Sjóvá og Slysavarnafélagið Landsbjörg end-
urnýjuðu síðastliðið haust samstarfssamn-
ing sem hefur verið í gildi milli félaganna
allt frá stofnun Landsbjargar árið 1999.
Samkvæmt honum tryggir Sjóvá áfram
björgunarfólk og búnað Landsbjargar og
aðildarfélaga um allt land ásamt því að vera
áfram aðalstyrktaraðili samtakanna.
„Við erum hreykin af því að fá að styðja
við þetta þjóðþrifastarf og fá tækifæri til að
tryggja björgunarfólkið og búnað þess,“
segir Birgir. „Hjá Landsbjörgu starfa á 5.000
sjálfboðaliðar sem allan sólarhringinn eru
tilbúnir að bregðast við á ögurstundu og oft
við afar erfiðar aðstæður. Landsmenn gera
sér vel grein fyrir mikilvægi þessa frábæra
fólks sem alltaf er tilbúið að hjálpa og okkur
hjá Sjóvá er kappsmál að það sé eins vel
tryggt og kostur er við störf sín. Við höfum
verið að bæta tryggingavernd björgunar-
fólksins og teljum okkur bjóða bestu vernd
sem möguleg er.“
Björgvinsbeltið sannar gildi sitt
Sjóvá hefur lengi lagt áherslu á kynningu á
Björgvinsbeltinu en það hefur bjargað fjölda
mannslífa úr sjó eða vatni frá því það kom
fyrst fram fyrir um aldarfjórðungi.
„Það var Björgvin Sigurjónsson, stýri-
maður og skipstjóri í Vestmannaeyjum, sem
hannaði fyrsta beltið. Það er einstaklega
traust og einfalt í notkun, sem er afar mikil-
vægur kostur við björgun. Strax í byrjun
fékk beltið mikla útbreiðslu í skipum og við
hafnir landsins. Nú er verið að koma beltinu
fyrir á um hundrað ferðamannastöðum um
allt land. Sjóvá og Slysavarnafélagið Lands-
björg áttu samstarf um endurhönnun belt-
isins fyrir nokkrum árum og verið er að
kynna beltið og dreifa því enn víðar. Þá er
gaman að segja frá því að Sjóvá hefur einnig
gefið Björgvinsbeltið í lögreglubifreiðar og
hefur beltið þegar sannað gildi sitt þar,“
segir Birgir enn fremur.
sjova.is
Sjóvá styrkir
björgunarstarfið
Birgir Viðarsson, forstöðumaður fyrirtækjaráðgjafar hjá Sjóvá. „Við erum hreykin af því
að fá að styðja við þetta þjóðþrifastarf og fá tækifæri til að tryggja björgunarfólkið og
búnað þess.“
Björgvinsbeltið
 er afar einfalt og fljótvirkt
björgunartæki
 er mikilvægt björgunartæki
íslenskra sjómanna
 flýtur á sjónum og getur
bjargað tveimur mönnum í
einu
 auðveldar hífingu manna upp
úr sjó
 hefur bjargað fjölmörgum
mannslífum á 25 árum
 veitir öryggi þegar fara þarf á
eftir einhverjum í sjóinn
 er að finna við hafnir, ár og
vötn um allt land