Ægir - 01.07.2017, Blaðsíða 48

48
Fyrirtækið Marás ehf. er leiðandi í þjón-ustu við sjávarútveg og leggur metnað sinn í að bjóða einungis viðurkenndan
gæðabúnað sem stenst allar kröfur um
endingu og áreiðanleika. Boðið er upp á
heildarlausnir, bæði í sölu og þjónustu við
þær vörur sem Marás selur og er starfsfólk
fyrirtækisins með mikla reynslu af öllu er
viðkemur sjávarútvegi, bæði til sjós og
lands.
„Þetta ár er stórt í endurnýjun á íslenska
fiskiskipaflotanum og við höfum ekki farið
varhluta af þeirri endurnýjun því af þeim 10
skipum sem byggð voru, eða eru í byggingu
á árinu, eru fimm með vélbúnað frá okkur,“
segir Hallgrímur Hallgrímsson sölustjóri,
einn átta starfsmanna fyrirtækisins sem
starfrækt er að Miðhrauni 13 í Garðabæ.
Nýju skipin fimm eru togararnir Kaldbakur
EA-1 í eigu Útgerðafélags Akureyrar, Björg-
úlfur EA-312 og Björg EA-10 í eigu Sam-
herja, Drangey SK-2 í eigu Fisk Seafood á
Sauðárkróki og snurvoðar- og netabáturinn
Hafborg EA-152 sem verið er að smíða í
Danmörku fyrir samnefnda útgerð í Gríms-
ey.
Um þriðja hvert fiskiskip á Íslandi með
Yanmar vél
Vélbúnaðurinn í nýju skipunum sem Marás
útvegar eru bæði aðalvélar og hjálparvélar
frá Yanmar, ásamt framdrifsbúnaði og gír og
skrúfum frá Reintjes og Mekanord.
„Það sem freistaði manna eflaust við val
á þessum búnaði er góð eldsneytisnýting
ásamt lágum viðhaldskostnaði, sem skiptir
miklu máli i rekstri skipa,“ segir Hallgrímur
en Yanmar, sem framleitt hefur dísilvélar í
yfir 100 ár, er leiðandi framleiðandi á heims-
vísu í vistvænum vélbúnaði og hefur staðið
sig einstaklega vel. „Viðtökurnar hafa líka
verið eftir því hér á Íslandi þar sem nánast
eitt af hverjum þremur skipum er með Yan-
mar aðalvél og við getum ekki verið annað
en ánægð með slíkar viðtökur,“ bætir Hall-
grímur við.
Leiðandi í búnaði fyrir sjávarútveginn
Marás hefur frá upphafi skilgreint sig sem
leiðandi fyrirtæki með búnað fyrir sjávarút-
veginn og leggur mikið upp úr góðri þjón-
ustu og eiga á hverjum tíma fjölbreyttan
lager af öllu er viðkemur rekstri fiskiskipa,
stórra sem smárra. Auk Yanmar véla selur
Marás m.a. Kohler ljósavélar, Stamford raf-
ala, Toimil Marine vökvakrana fyrir skip og
báta og sjálfvirkan stjórnbúnað fyrir tog-
vindur frá Scantrol.
„Við getum útvegað flest það sem þarf
til að uppfylla óskir þeirra sem sjóinn
stunda og hafa þörf fyrir traustan, vottaðan
og viðurkenndan búnað, séð um vélbúnað
og þjónustað allar stærðir og gerðir skipa;“
segir Hallgrímur. Þá má einnig nefna að
dótturfyrirtækið Friðrik A. Jónsson ehf., sem
hefur selt og þjónustað Simrad, Vingtor og
annan mikilvægan rafeindabúnað fyrir sjáv-
arútveginn, er starfrækt í sama húsnæði og
Marás í Garðabænum og saman bjóða þessi
fyrirtæki viðskiptavinum upp á heildar-
lausnir fyrir bæði vélarrými og brú fiskiskipa.
maras.is
Marás með vélbúnað í helm-
ing nýsmíðaverkefna flotans
Yanmar skipavélar hafa notið mikilla vinsælda á Íslandi og telur Hallgrímur Hallgríms-
son, sölustjóri hjá Marás, að þar ráði mestu góð eldsneytisnýting ásamt lágum viðhalds-
kostnaði.
Kaldbakur EA-1 er eitt af þeim fimm nýju skipum sem eru með vélbúnað frá Marás.