Ægir - 01.07.2017, Blaðsíða 64

64
Skipaþjónusta Skeljungs er ætluð við-skiptavinum félagsins sem starfa að sjávarútvegi, frá útgerð að vinnslu.
„Við rekum sterkt dreifingarkerfi um allt
land sem gerir það að verkum að við búum
yfir þeim sveigjanleika sem útgerðirnar
þurfa,“ segir Sigurður Orri Jónsson, fram-
kvæmdastjóri fyrirtækjasviðs Skeljungs, en
Skeljungur er með þjónustu á öllum helstu
verstöðum Íslands. Útgerðin er stór kúnni
en að auki þjónustar fyrirtækið erlenda
skipaflotann sem kemur hingað til lands í
síauknum mæli: skemmtiferðaskip, rann-
sóknaskip, herskip og flutningaskip.
Aukin gæði og betri ending véla
Meðal þeirrar þjónustu sem Skeljungur
býður upp á er smurolíuafgreiðsla, þar sem
smurolíu er dælt um borð í skip með þar til
gerðum dælubúnaði.
„Við veitum ráðgjöf um rétta notkun
smurefna og eldsneyti. Við bjóðum einnig
upp á að taka reglulega sýni og senda er-
lendis á rannsóknarstofu Shell en þetta er
hluti af kerfisbundnu eftirliti þar sem fylgst
er með smurolíunni og um leið ástandi vél-
arinnar. Skeljungur býður einnig upp á
smurkortagerð fyrir skip og báta.
Skeljungur er umboðsaðili Shell smur-
olía á Íslandi og hefur verið frá 1932, en
Shell er í dag stærsti framleiðandi í heimin-
um á smurolíum. Eins hefur Shell verið í al-
gjörum fararbroddi þegar kemur að þróun
nýrra gerða smurolía, s.s. „gas to liquid“
sem er algjör bylting í smurolíum.“
Orkugjafar til framtíðar
„Það er mikilvægt að huga að þróun orku-
gjafa og orkugjafa framtíðarinnar. Það hefur
verið mikil endurnýjun að undanförnu í ís-
lenska skipaflotanum, sem gerir það að
verkum að skipin eru að eyða mun minna
en áður. Við höfum unnið að ýmsum verk-
efnum fyrir ekki aðeins einkabílinn heldur
einnig stórnotendur á borð við útgerðir,
ferðaþjónustuna og flug. Það er alþekkt að
það eru komin skip í dag sem ganga á öðru
en þessu hefðbundan eldsneyti, til að
mynda vetnisferjur og skip sem ganga fyrir
LNG gasi. Þróun þessara nýju orkugjafa á
stórnotendamarkaði er ekki langt komin en
þetta er hluti af framtíðinni og við viljum
taka virkan þátt í þessari þróun,“ segir Sig-
urður Orri.
Millliganga um eldsneytiskaup
erlendis
Skeljungur hefur einnig milligöngu um
eldsneytis- og smurolíukaup íslenskra skipa
erlendis. „Við getum að jafnaði útvegað all-
ar vörur í erlendum höfnum á samkeppnis-
hæfu verði. Þá höfum við einnig milligöngu
um útvegum sérhæfðs búnaðar sem þarf
við notkun og/eða afgreiðslu eldsneytis og
smurefna og getum því þjónustað okkar
viðskiptavini jafnt erlendis sem innanlands.“
„Skeljungur festi nýverið kaup á olíp-
ramma sem mun auðvelda alla dreifingu til
skipa og útgerða á stór Reykjavíkursvæðinu.
Olíupramminn mun bera heitið Barkur og
verður gerður út frá Reykjavik. Hann getur
lestað allt að 1 milljón lítra af svartolíu,
skipagas og/eða MD olíu. Þetta er gríðarleg
breyting fyrir skipaafgreiðslur og mun auð-
velda stærri afgreiðslur. Við væntum þessa
að olíupramminn verði klár í afgreiðslur eigi
síðar en í lok september.“
skeljungur.is
Sigurður Orri Jónsson: „Skeljungur festi nýverið kaup á olíupramma sem mun auðvelda alla dreifingu til skipa og útgerða á stór
Reykjavíkursvæðinu. Hann getur lestað allt að 1 milljón lítra af svartolíu, skipagas og eða MD olíu.“
Orkugjafar
framtíðarinnar