Ægir - 01.07.2017, Blaðsíða 96
96
Danfoss er meðal fjölmargra sýnenda á Íslensku sjávarútvegssýningunni í Kópavogi en leiðir fyrirtækisins og ís-
lensks sjávarútvegs hafa legið saman um
áratugaskeið. Danfoss vörur hafa þjónað Ís-
lendingum frá því um miðja síðustu öld og
lengst af sá Héðinn Verslun hf. um inn-
flutning á vörum fyrirtækisins hingað til
lands. Um síðustu aldamót tók danska
móðurfyrirtækið Danfoss A/S við rekstrin-
um og hefur síðan annast sölu og þjónustu
við Dansfossvörur á hér á landi.
Síðustu ár hefur Danfoss verið að styrkja
stöðu sina sem framleiðandi varmaskipta
fyrir iðnað, vélar og húshitun og eftir kaup á
Sondex, einum stærsta framleiðanda
varmaskipta á markaðinum, er Danfoss nú
orðið leiðandi aðili á þessum markaði.
Notkun varmaskipta hratt vaxandi
Eðvald Geirsson, vélfræðingur og sérfræð-
ingur í varmaskiptum hjá Danfoss hf., segir
markað fyrir varmaskipta fara sífellt vaxandi
hér á landi og á það bæði við um atvinnulíf-
ið og heimilin í landinu. „Á sjávarútvegssýn-
ingunni munum við gera grein fyrir breiðu
úrvali varmaskipta sem Danfoss er með í
dag. Við getum nú boðið varmaskipta fyrir
nánast öll verkefni, hvort sem um er að
ræða hita- og kælikerfi eða neysluvatn auk
þess sem við erum með sérlausnir fyrir fisk-
verkunina.“
Í sjávarútveginum eru varmaskiptar
meðal annars notaðir við krapavélar en
einnig hafa menn verið að nota affalsvatn
frá aðalvélum skipa til að hita upp neyslu-
vatn og ofnakerfi um borð. Eðvald segir að
notkun varmaskipta fari einnig hratt vax-
andi við húshitun. Þannig mæli Orkuveita
Reykjavíkur sterklega með því að varma-
skiptar séu notaðir í íbúðarhúsum en sam-
kvæmt reglugerð er gert ráð fyrir að hita-
veituvatn sé ekki notað til neyslu heldur á
allt heitt neysluvatn að vera upphitað kalt
vatn. Eðvald segir að bæði geti fólk verið
með óþol gagnvart efnum í hitaveituvatn-
inu og eins losni menn við hvers kyns út-
fellingar úr hitaveituvatninu með því að
nota upphitað kalt vatn. Hann segir Danfoss
hafa hannað sérstakar tengigrindur fyrir Ís-
land með innbyggðum varmaskiptum
byggða á langri reynslu á notkun Danfoss-
búnaðar, hér á landi. Hann segir að eftir-
spurn eftir þeim hafi aukist mikið, bæði fyrir
nýbyggingar og við endurnýjun eldri húsa.
Þrautreyndur búnaður
Af öðrum vörum fyrir sjávarútveg, sem
Danfoss hf. kynnir á sjávarútvegssýning-
unni, má nefna vökva- og vökvastjórnbún-
að frá Danfoss Power Solutions fyrir báta,
skip og hvers konar vinnuvélar. Hrafn S.
Melsteð sérfræðingur í vökvakerfum hjá
Danfoss segir að sjávarútvegslausnir og
stjórnbúnaður fyrirtækisins hafi reynst mjög
vel í gegnum árin, bæði til sjós og lands.
Vökvabúnaðurinn, sem kemur aðallega frá
Danfoss Power Solutions og tengdum fé-
lögum, er þrautreyndur hátæknibúnaður
sem komin er góð reynsla á. Búnaðurinn er í
stöðugri þróun og er reglulega uppfærður
með nýjum vörum í vörulínur sem fyrir eru.
Vökvabúnaðurinn samanstendur af öflug-
um dælum, bæði með fasta og breytilega
rýmd, rafstýrðum stjórnlokum og vökva-
mótorum og er meðal annars notaður til að
drífa og stjórna stýri, bógskrúfur og búnað
eins og spil, færibönd og fleira. Á sjávarút-
vegssýningunni kynnir Danfoss einnig Ind-
ustrial Automation búnað sem er mikið
notaður í iðnaði og samanstendur af breið-
um línum af segullokum, þrýsti- og hita-
nemum/rofum og spólurofum.
danfoss.is
Danfoss leiðandi fram-
leiðandi í varmaskiptum
og vökvastjórnbúnaði
Hrafn Melsted og Edvald Geirsson eru sérfræðingar hjá Danfoss í vökvakerfum og varmaskiptum.