Ægir - 01.07.2017, Blaðsíða 108

108
Segja má að í fáum orðum felist starf-semi sambandsins í því að gæta hags-muna félagsmanna og fjölskyldna
þeirra, bæði gagnvart atvinnurekendum og
stjórnvöldum. Helstu verkefni okkar eru á
sviði kjaramála en Rafiðnaðarsambandið er
með 27 kjarasamninga við atvinnurekendur
í rafiðnaði, auk allmargra vinnustaðasamn-
inga. Þetta eru viðmikil verkefni sem auk
sjálfrar samningagerðarinnar felast í túlkun
og aðstoð við félagsmenn frá degi til dags
en einnig umsögnum um lög og reglugerðir
og þátttöku í margskonar nefndum og ráð-
um aðila vinnumarkaðarins og hins opin-
bera,“ segir Kristján Þórður Snæbjarnarson,
formaður Rafiðnaðarsambands Íslands í
samtali.
Mjög öflugur sjúkrasjóður
Félagsmenn aðildarfélaga RSÍ greiða 1% af
launum sínum til sambandsins og að auki
greiða atvinnurekendur 1% í sjúkrasjóð,
0,25% í orlofssjóð og 1,1% í eftirmenntun-
arsjóð. Eru þessi gjöld reiknuð af heildar-
launum.
„Við rekum hér mjög öflugan sjúkrasjóð
sem formlega heitir Styrktarsjóður rafiðn-
aðarmanna. Hlutverk sjóðsins er að hlaupa
undir bagga með félagsmönnum, lendi þeir
eða fjölskylda þeirra í erfiðleikum vegna
veikinda eða slysa. Það kemur sér vel fyrir
okkar félagsmenn lendi þeir í slíkum vanda
en sjóðurinn greiðir um 80% af heildarlaun-
um viðkomandi starfsmanns í 6-12 mánuði
eftir að samningsbundnum rétti til launa í
veikindum frá vinnuveitanda lýkur skv.
kjarasamningi. Þessi aðstoð sem sjóðurinn
veitir getur skipt sköpum fyrir afkomu fjöl-
skyldu þess sem lendir í slysi eða alvarleg-
um veikindum. Auk þess greiðir sjóðurinn
veglegan styrk vegna útfararkostnaðar til
eftirlifandi maka sem og styrk til barna fé-
lagsmanns sem eru undir 18 ára aldri beri
andlát að höndum. Sjóðurinn styrkir einnig
félagsmenn til líkamsræktar og forvarna-
starfs af ýmsu tagi og við finnum að æ fleiri
sækja sér þá styrki sem eru í boði sem er
mjög gott,“ segir Kristján Þórður.
Þegar kemur að útleigu á orlofshúsum til
félagsmanna er Rafiðnaðarsambandið stór-
tækt í meira lagi. Á það og rekur hvorki
meira né minna en 42 hús og íbúðir, bæði
hér á landi og erlendis, m.a. á Spáni, í Dan-
mörku og á Flórída. Einnig leigir sambandið
út tjaldvagna og rekur stórt hús við Apavatn
sem er vinsælt fyrir samkomuhald af ýmsu
tagi. Þar er og vinsælt tjaldstæði sem oft er
vel ásetið. Þá njóta félagsmenn góðra af-
sláttarkjara á golfvelli Dalbúa í Miðdal,
nærri Laugarvatni en það er 9 holu völlur.
Menntamálin mikilvæg
Umfangsmikill þáttur í störfum RSÍ er
starfs- og símenntun og hefur sambandið
verið brautryðjandi á þessum vettvangi hér
landi um langt árabil. Í samvinnu við at-
vinnurekendur í raf- og tölvuiðnaði eru
reknir eftirmenntunarsjóðir rafiðnaðar-
manna sem eiga m.a. Rafiðnaðarskólann
þar sem staðið er fyrir margskonar fram-
haldsnámi fyrir rafiðnaðarmenn í formi
starfsmenntunarnámskeiða. Allri starfs-
mennta- og fræðslustarfsemi rafiðnaðar-
manna er stjórnað af Starfsgreinaráði raf-
iðnaðarins, sem í eru fulltrúar frá öllum
starfsgreinum í rafgreinum og vinnuveit-
endur þeirra.
„Við teljum afar mikilvægt að nýliðun í
okkar greinum sé stöðug og jöfn en ekki
síður að félagsmenn sæki sér sífellt mennt-
unar til að viðhalda þekkingu sinni í örri
tækniþróun nútímans. Í því skyni höfum við
m.a. verið að færa öllum nemum í okkar
greinum spjaldtölvur að undanförnu og í
haust höfum við afhent samtals um 900
tölvur. Margt af okkar fólki starfar í sjávar-
útveginum, bæði á sjó og landi, og við vitum
eins og þeir sem reka fyrirtækin, að mikil-
vægt er að fagmenn komi ávallt að verki og
að þeir búi yfir allri nýjustu þekkingu sem
völ er á hverju sinni.“
Aðalskrifstofur Rafiðnaðarsambandsins
eru við Stórhöfða 31 í Reykjavík.
Viðamikil starfsemi RSÍ
Kristján Þórður Snæbjarnarson, formaður
Rafiðnaðarsambands Íslands.
Frá Skógarnesi við Apavatn. Þar er m.a. að finna orlofshús, tjaldsvæði og golfvöll.
rafis.is