Ægir - 01.07.2017, Blaðsíða 116

116
Ég finn að áhugi fyrir rafmagnsvindum í skipum fer almennt vaxandi á öllum mörkuðum enda fylgja því margir
kostir að velja rafmagnsvindur umfram
vökvaknúnar vindur. Til að mynda eru allir
10 íslensku togararnir sem bætast í flotann
á þessu ári búnir rafmagnsvindum og raunar
má sjá í sögunni að íslenskar útgerðir hafa
alla tíð verið mjög áhugasamar um að knýja
vindubúnað fiskiskipa með rafmagni,“ segir
Helgi Kristjánsson, sölustjóri Naust Marine
ehf. í Hafnarfirði en fyrirtækið hefur um
margra ára skeið sérhæft sig í framleiðslu
stjórnbúnaðar fyrir rafmagnsvindur. Fyrir
skömmu setti Naust Marine á fót dótturfyr-
irtæki í Serbíu sem framleiðir vindurnar
sjálfar og getur því boðið útgerðum heildar-
lausn á þessu sviði. Naust Marine ehf. mun í
sýningarbás sínum á Íslensku sjávarútegs-
sýningunni í Kópavogi kynna gestum þær
lausnir sem það hefur fram að færa í vind-
ubúnaði.
Heildarlausn í boði
„Með því að hafa nú á eigin hendi fram-
leiðslu á vindunum sjálfum er óhætt að
segja að við getum fylgt viðskiptavinum
eftir allan ferilinn í smíðum skipa eða breyt-
ingum á búnaði. Við ráðleggjum um val á
vindum, hönnum vindukerfin, smíðum
vindurnar og stjórnbúnaðinn og störtum
honum upp eftir að búið er að setja hann
upp í skipunum. Síðasti hlutinn eru síðan
stillingar og veiðarfæraprófanir. Því er
óhætt að segja að við getum boðið við-
skipavinum heildarlausn í þjónustu á þessu
sviði,“ segir Helgi.
Allir nýju ísfisktogararnir hjá HB Granda
hf. eru búnir vindukerfum frá Naust Marine,
sem og togararnir tveir sem senn koma frá
Kína hingað til lands, þ.e. Páll Pálsson ÍS og
Breki VE. Starfsmenn Naust Marine hafa að
undanförnu verið í Kína og lokið frágangi og
stillingu á vindukerfunum í skipunum.
Sjálfvirkni í stjórnun á vindukerfinu
Nýjasta kerfi Naust Marine í stjórnun á
vindukerfum heitir ATW Smart Trawling en
það nýtir merki frá hleranemum, höfuðlín-
unema og hreyfinema til að halda veiðar-
færinu sjálfvirkt í þeirri stöðu sem skip-
stjórinn ákveður hverju sinni. ATW Smart
Trawling safnar einnig ýmsum gagnlegum
upplýsingum frá hverju togi, svo sem um
staðsetningu, veður, sjólag, dýpi, víralengd-
ir, sjávarhita og fleira sem hægt er að bera
saman við sambærilegar aðstæður á öðrum
tímum og veiðisvæðum.
„Þetta er kerfi sem stýrir togvindunum
Fyrsta kastið á veiðum á alaskaufsa á togaranum Northern Jæ-
ger í eigum American Seafood eftir að nýtt vindukerfi Naust
Marine ehf. var sett um borð. Aflinn var 190 tonn. Skipið er heldur
engin smásmíði – yfir 100 metra langt.
American Triumph er einn af togurum
bandaríska útgerðarrisans American
Seafood. Vindukerfi frá Naust Marine er
komið í þrjú af skipum fyrirtækisins.
Nýstofnað dótturfyrirtæki Naust Marine ehf. er í Serbíu og annast smíði á vindum.