Barnablaðið - 05.11.2017, Qupperneq 4

BARNABLAÐIÐ4
Sunnudaginn 12. nóvember verður frumflutt
nýtt tónlistarævintýri í Hörpu sem nefnist Pétur
og úlfurinn ...en hvað varð um úlfinn?
Töfrahurð fagnar í samstarfi við Stórsveit
Reykjavíkur útkomu bókar og geisladisks með
þessu metnaðarfulla verki fyrir börn á öllum
aldri. Haukur Gröndal samdi nýja tónlist við
sögu sína og Pamelu De Sensi og fjallar um
hvað varð um úlfinn eftir að hann var
klófestur í sögu Prokofievs.
„Tónlistin er frumsamin í
stórsveitarstíl og er ætlað
að kynna börnum muninn
á hljóðfæraheimi djassins
og þeim klassíska,“ segir
Pamela De Sensi. „Úlfur-
inn er fangi í dýragarði
og söguhetjur Prokofievs
koma sér saman um að frelsa
hann úr prísundinni því enginn
á skilið að þjást í búri. Sagan er eilíf
og á alltaf erindi við börn sem fullorðna. Gói
smellpassar sem sögumaður og gefur útgáfunni
aukið aðdráttarafl.“
Á tónleikarnir verða 25 djassdansarar á aldr-
inum 12-13 ára úr Danslistarskóli JSB. Barna-
blaðið hitti dansarana á æfingu og tók þá tali.
Hvað er djassballett?
Það er í raun blanda af djassi og ballett. Djass-
ballettinn verður til þegar djasstónlistin kemur
til sögunnar. Þá fara klassísku dansararnir að
dansa við djasstónlist en grunnurinn kemur auð-
vitað úr ballettheiminum. En hressari útgáfa af
ballett. Meiri snerpa og kraftur.
Hvað eruð þið gamlar?
Við erum á aldrinum 11-12 ára en
úlfurinn aðeins eldri. Við æfum all-
ar hér í Danlistarskóla JSB undir
stjórn Söndru Ómarsdóttur. Við
erum á 3.-4. stigi á listdans-
braut.
Þekkist þið eitthvað fyrir utan
dansinn?
Við komum úr öllum áttum en
erum búnar að kynnast vel hérna í
dansskólanum.
Eruð þið búnar að æfa lengi?
Flestar hafa æft mjög lengi en aðrar styttra.
Og þetta er hópdans, er það ekki?
Jú, við þurfum því að vera mjög samtaka.
Hlakkið þið til að sýna verkið í Hörpu?
Já, mjög mikið. Það er æft stíft þessa dagana.
Svo verður gaman að hitta Góa og stórsveitina
og láta þetta smella allt saman fyrir stóra
daginn. Þetta verður algjört djasstónlistarævin-
týri og öll tónlistin frumsamin.
Hvenær er sýning?
Það verða tvennir tónleikar sunnudaginn 12.
nóvember. Þeir fara fram í Hörpu kl. 14 og 16.
Er þetta eitthvað í líkingu við hið klassíska
verk Pétur og úlfurinn?
Já, að einhverju leyti byggt á því. En það var
ákveðið að koma með nýjar áherslur og útfæra
þetta með stórsveitinni. Þannig að við fáum að
kynnast nýrri hlið og nýjum hljóðfærum. Það má
segja að þetta sé framhaldssaga. Gói og hljóð-
færin segja söguna.
Og er búið að æfa mikið fyrir næstu helgi?
Já, það hefur gengið vel að æfa. Við höfum
hlustað á söguna og undirspilið þegar við æfum.
Svo eigum við eftir að taka generalprufu þegar
allir koma saman.
Og hvað varð um úlfinn?
Hann fór í dýragarð. Pétur, afinn og dýrin ná
svo að frelsa hann og hann lofar að vera aldrei
vondur framar.
Sunnudaginn 12. nóvember verður frumflutt nýtt tónlistarævintýri í Hörpu sem nefnist Pétur og úlfurinn ...en hvað
varð um úlfinn? Stelpur úr Danslistarskóla JSB koma fram ásamt Stórsveit Reykjavíkur og sögumanninum Góa.
Myndir: Kristinn Magnússon
„Svo
verður gam-
an að hitta G
óa
og stórsveiti
na og
láta þetta sm
ella allt
saman fyrir s
tóra
daginn.“
DANSA VIÐ DJASSLEIK
STÓRSVEITARINNAR
Glæsilegur hópur
dansara á æfingu.