Barnablaðið - 11.11.2017, Síða 5
Í Snillismiðjunni er
ýmislegt brallað.
Róbert: Við erum stundum fengin til
að miðla reynslu okkar áfram til yngri
nemenda.
Hvað er svona áhugavert
við nýsköpun?
Margrét: Það er svo mikið frelsi að fá
að uppgötva eitthvað nýtt. Það er ótrú-
legt að hægt sé að forrita flókna hluti í
gegnum spjaldtölvu.
Róbert: Og allt er þetta þráðlaust.
Mikael: Oftast er flest
skemmilegt við það.
Hvað er í uppáhaldi
hjá ykkur í Snilli-
smiðjunni?
Róbert: Það er
Sphero, sem er eins
og lítill kappakstursbíll.
Mikael: Það er eigin-
lega hægt að láta hann
gera hvað sem er, hnerra og
prumpa og ég veit ekki hvað.
Margrét: Það er bara ótrúlegt að svona
lítil tölva inni í plastkúlu geti gert svona
marga hluti.
Hver er besta uppfinning allra tíma?
Margrét: Stóll, nei ég segi svona. Ætli
flestir myndu ekki segja snjallsíminn.
Annars er margt sem er skemmtilegt
og nytsamlegt sem kemur til greina.
Mér dettur í hug Google. Ég nota það
mikið.
Mikael: Dróninn. Þú getur flogið hon-
um hátt og tekið myndbönd og myndir.
Mögnuð græja sem mig langar mikið í.
Róbert: Það fyrsta sem kemur upp í
hugann er rúmið. Ég elska að sofa. Það
er mjög erfitt að velja bara eitthvað
eitt. Sýndarveruleikagleraugu er líka
snilld. Þú tengir þau við síma eða tölvu.
Þá ertu kominn inn í annan heim.
Hvað hefðuð þið mest viljað
finna upp í heiminum?
Margrét: Fljúgandi bíl.
Mikael: Litla þyrlu sem maður geymir
bara inni í bílskúr og flýgur svo um á.
Róbert: Kannski úr þar sem myndin
birtist eins og skjár í lausu lofti.
Margrét: Þú meinar eins og í Spy Kids?
Róbert: Já, ætli það ekki, og í Star
Wars.
Margrét: Mér dettur líka í hug eitthvert
tæki sem getur hjálpað heiminum. T.d.
að ná öllu óþarfa plasti úr sjónum.
Hvað er fram undan í Snillismiðjunni?
Margrét: Það er alltaf eitthvað nýtt.
Róbert: Það verður gaman að komast í
þrívíddarprentarann.
Mikael: Mig langar að útbúa
stresskubb sem erfitt er að útskýra
svona í fljótu bragði.
Hvernig sjáið þið framtíðina
fyrir ykkur?
Margrét: Maður veit líka aldrei
hversu nálægt heimsendir
er.
Mikael: Vonandi
verða einhvern tí-
mann hús á litlum
fljúgandi eyjum.
Róbert: Fljúgandi
bíla og alltaf betri
og betri tölvur.
Það er ekkert svo
mjög langt síðan það
var ekki hægt að senda
tölvupóst. Þannig að þróunin
er ör og spennandi.
Margrét: Tæknin á eftir að halda
áfram að þróast mjög hratt.
Hvað finnst ykkur skemmtilegast í
skólanum fyrir utan Snillismiðjuna?
Margrét: Frímínútur.
Hver eru ykkar helstu áhugamál?
Margrét: Handbolti, ég er að æfa með
ÍR. Ég er á hjólabrettum og hestum á
sumrin og snjóbretti á veturna. Mér
finnst líka mjög gaman að lesa.
Mikael: Ég æfi taekwondo þrisvar í
viku og á gítar tvisvar í viku.
Róbert: Ég er líka að æfa taekwondo,
sem er sjálfsvarnaríþrótt. Mér finnst
líka mjög gaman að teikna.
Hvað ætlið þið að verða
þegar þið verðið stór?
Róbert:Ætli það verði ekki eitthvað
tölvutengt. Gera við tölvur og finna upp
eitthvað nýtt með því að forrita.
Mikael: Ég ætla að verða bakari. Mig
langar í svona tæki sem græjar vöfflur
í alls konar formi sem maður er búinn
að teikna í tölvu. Græjan er svona
svipuð og þrívíddarprentari.
Margrét: Annaðhvort atvinnukona í
handbolta eða eitthvað allt annað. Ég
ætlaði alltaf að verða læknir en mig
langar allavega að læra ansi margt.
„Það
er bara
ótrúlegt að s
vona
lítil tölva inn
i í
plastkúlu ge
ti gert
svona marga
hluti.“