Barnablaðið - 10.12.2017, Blaðsíða 5
Hvernig kviknaði áhugi þinn á söng?
Ég fór í Sönglist í Borgarleikhúsinu
þegar ég var sjö ára og síðan hélt ég
bara áfram að syngja.
Hefur þú komið eitthvað fram áður?
Tja, ég hef bara farið í prufur fyrir
einhver leikrit og svo var ég reyndar í
Skoppu og Skrítlu. Lék rassálf í ein-
hverjum þáttum. Það var einmitt tekið
upp á sama stað og Jólastjarnan var
tekin upp.
Hvað heita foreldrar þínir?
Sesselja Ómarsdóttir og
Halldór Eyjólfsson. Ég
á einn stærri bróður
sem heitir Ómar.
Hvað langar þig í í
jólagjöf?
Þetta er dálítið erfið
spurning. Ég er eigin-
lega búinn að fá bestu
jólagjöfina í ár, að fá að syngja
með Jólagestum Björgvins.
Ert þú farinn að hlakka til jólanna?
Já, að sjálfsögðu, en ég hlakka meira
til tónleikanna. En það besta við jólin
er auðvitað pakkarnir, maturinn og
samveran með fjölskyldunni.
Áttu þér einhver fleiri áhugamál?
Já, ég æfi stökkfimleika hjá Gróttu, sem
er nokkurs konar parkour. Ég æfi ballett
í Listdansskóla Íslands Svo æfi ég leik-
list í Leiklistarskóla Borgarleikhússins
og ég er á kvikmyndargerðarnámskeiði
sem við eiginlega breyttum í tónlistar-
myndbandanámskeið. Ég er líka í rapp-
hljómsveit sem heitir Pöndurnar og við
höfum gefið út eitt lag og myndband.
Fengum meira að segja Króla til að
leika með okkur í því.
Getur maður séð myndbandið ein-
hvers staðar?
Já, endilega farið inn á YouTube og
skrifið Pöndurnar, þá kemur lagið
okkar Brainfreeze upp. Ég
og vinir mínir Stefán
og Jón Orri erum í
Pöndunum. Við erum
búnir að taka upp
nýtt lag sem við eig-
um eftir að ákveða
hvort við gefum út.
Ertu búinn að rappa
lengi?
Ég byrjaði að hlusta á Eminem
fyrir nokkrum árum og byrjaði þá að fíla
rapp.
En af hverju ballett?
Það hjálpar mér að fá grunninn til að
geta orðið góður dansari. Allt kemur
eiginlega út frá ballett.
Hvað ætlar þú að verða þegar þú
verður stór?
Leikari, dansari, söngvari og rappari.
Kannski útvarpsmaður. .
Aðventan hefur verið
annasöm hjá Arnaldi.
„Ég
byrjaði að
hlusta á Eminem
fyrir nokkrum árum
og byrjaði þá að
fíla rapp.“
Litlir
listamenn
Malín Birta
7 ára
Saga
7 ára
Ellen
8 ára
Álfrún Tinna
7 ára
Brynja
7 ára